Efesios 2:14 - Qullan Arunaka DC

¹⁴ Cristow jiwasan sumankañasaxa. Jupax judionaksa jan judionaksa mä sapa markaruw tukt'ayi, kawkïr uñisiñatix mä pirqjam jaljkän uk t'unjasa.

Aymar Bibliia 1986

¹⁴ Cristow sumancayirisajja, jupajj judionacsa jan judionacsa mä sap marcacwa tucuyawayi cawquïr uñisiñatejj mä perkjama jaljcäna uc t'unjasina.

Qullan Arunaca

¹⁴ Cristow sumancayirisajja, jupajj judionacsa jan judionacsa mä sap marcacwa tucuyawayi cawquïr uñisiñatejj mä perkjama jaljcäna uc t'unjasina.

Efesios 2:14 Jak'a apnaqawi uñst'ayäwi

Ester (hebreo) 3:8

Ukatsti Amán chachax Asuero reyir akham säna: —Jach'a munañan rey, apnaqäwiman utjir suyunakam taypinxa, yaqhaqtat mä markaw utji, kamachinakapas yaqha markanakat sipan mayjawa, juman arsutamarux janiw phuqhañ munapkiti. Jach'a munañan rey, markam taypin uka markan jakañapax janiw kunatakis askïkiti.

Miqueas 5:5

5 (4) Jupaw sumankañ apanini. Kunapachatix Asiriankir jaqinakax markasar mantanipkani, marka apnaqirinakan utaparus mantapkani ukkhaxa, jupanakar saykatañatakix paqallqu jilïrinaka, kimsaqallqu wali aytat jaqinakampi khithañäni.

Zacarías 6:13

Tatitun utap wasitat sayt'ayasinsti, mä reyjamaw jach'añchäwinak katuqani. Reyi qunuñapar qunt'asisaw apnaqani, qunuñap thiyapanxa sacerdotew qunt'asirakini, jupanak taypinsti sumankañaw utjani.

Lucas 1:79

khitinakatix ch'amakan jakasipki, ukanakar qhantayañataki, jiwasarus samarañ thakhinjam irpañataki.”

Lucas 2:14

“¡Diosax alaxpachan jach'añchatäpan! Aka uraqinsti sumankañax utjpan Diosan khuyapayat jaqinak taypina!”

Juan 10:16

Yaqha ovejanakax utjarakituwa; ukanakasti janiw aka tamankirïkiti; ukanakarux anakiniñaxarakiwa. Jupanakax ist'apxitaniwa, ukatsti mä sapa tamakïniwa, mä sapa awatirinikiraki.

Juan 11:52

janiw judionak laykukit jiwañapäkänxa, jan ukasti Diosan wawanakapax yaqha markanakan ananukutäpkän ukanakar mayar jawsthapiñatakiw jiwañaparakïna.

Juan 16:33

Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

Hechos 10:28

Ukat Pedrox jupanakar säna: —Jumanakax yatipxtawa, mä judío jaqix janiw yaqha markankir jaqimp parlañapäkiti, utaparus janirakiw mantañapäkiti. Ukampis Diosaw nayarux yatichitu, janiw khitirus “q'añuchata” jan ukax “ñanqhachata” sasa jisk'achañaxäkiti.

Hechos 10:36

Diosax Israelan wawanakaparuw parläna, sumankañ arunak Jesucristo tuqi yatiyasa, jupax taqi jaqinakan Tatitupawa.

Romanos 5:1

Ukhamasti, Diosax iyawsäwi laykuw aski jaqit katuqxistu, Diosampi sumankañax Jesucristo Tatitus tuqiw utjistu.

Gálatas 3:28

Tatit Jesucristor mayachatäxasin, janiw judío jaqïñasa, griego jaqïñasa, t'aqhisiyat jaqïñasa, antutnukut jaqïñasa utjkxiti, chachasa, warmisa yaqhäkiti; taqi jumanakax mayakïxapxtawa.

Efesios 2:15

Cristox kunatix kamachin arsutäkäna ukanak chhaqtayawayi, ukatsti jupa tuqiw uka pä tamatxa, mä sapa machaq marka utt'ayawayi. Ukhamat sumankañax utjawayi.

Efesios 2:17

Cristox jutasin taqiniruw sumankañ suma yatiyäwinak yatiyi, Diosat jayankapkäyät uka jan judionakaru, ukhamarak jupa jak'ankapkän uka judionakarusa.

Efesios 3:15

kunatix alaxpachansa, akapachansa utjki ukanak lurir Dios nayraqatana.

Efesios 4:16

Cristo tuqiw iglesiankirinakax luräwinakaparjam mayachat uñjasi, jupa tuqirakiw mayar tukt'as sumankañan irnaqapxi; ukhamat munasiñ layku iglesian jiltañapataki, ch'amañchasiñapataki.

Colosenses 1:20

ukatsti aka uraqpachpan Cristo tuqi sumankañ utjañap munarakïna, uka sumankañasti Criston cruzan jiwatap tuqikiw utjäna.

Colosenses 2:20

Jumanakax Criston cruzan jiwatap laykuw jupampix mayachatäxapxta, janirakiw akapachar apnaqki uka ajayunakampix apnaqatäkxapxtati. Ukhamasti, ¿kunatarak jichhasti akapach jaqinakjam jakasipktasti jaqin amtatanakapar ist'asasti,

Colosenses 3:11

Jichhax janiw wakiskirïkxiti judío jaqïñasa, griego jaqïñasa, circuncisión katuqat jaqïñasa, janirakiw wakiskirïkxiti jaya jaqïñasa, jan amuyt'anïñasa, uywat jaqïñasa, jan uywat jaqïñasa; jan ukasti Cristow taqi kunaxa, jupaw taqi kunankaraki.

Colosenses 3:15

Criston sumankañapay chuymanakam apnaqpan, Diosasti uka amtäwimpiw mä janchir tukupxañamatak jawsapxtam. Ukatsti yuspagarapxapunim.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,

Hebreos 7:2

Abrahamasti nuwasïwit apaqankatayna ukanakat sapa tunkat maya churäna. Melquisedec sutix “Chiqapar uñjir reyi” sañ muni, ukampis Salem markan reyipat uñt'atarakïnwa, ukasti “Sumankayir reyi” sañ munaraki.