Efesios 2:10 - Qullan Arunaka DC

¹⁰ Diosaw jiwasanakar irnuqistu; Jesucristo tuqi aski luräwinak lurañasataki, nayratpach wakichat thakhin sarañasataki.

Aymar Bibliia 1986

¹⁰ Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

Qullan Arunaca

¹⁰ Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

Efesios 2:10 Jak'a apnaqawi uñst'ayäwi

Salmos 100:3

Tatitun Diosätap uñt'apxam; jupaw irnuqistu, jiwasanakax jupankapxtanwa; jupan markapäpxtanwa, ovej tamapäpxaraktanwa.

Salmos 119:3

jan kuna ñanqha luririnakasa, Tatitun thakhipan sarnaqirinakas kusisiñaniwa.

Salmos 138:8

¡Tatituw nayarux askinakamp phuqhantitani! Tatay, munasiñamax wiñayawa; amparamamp luratanakarux janikiy jaytanukumti.

Salmos 51:10

10 (12) Dios Tatay, ¡q'uma chuymay churita!, ¡machaq aski ajayuy churita!

Salmos 81:13

13 (14) Markaxatix ist'itasapänxa, Israel markatix thakhixanjam sarnaqasapänxa,

Isaías 19:25

Taqi ch'aman Tatitusti jupanakarux mä aski waxt'äwi churani akham sasa: “Nayaw aski waxt'äwinak Egipto markaxarux churta, Asiria markasti nayan uskutawa, Israelasti nayan ajllit markaxawa, jupanakarus nayaw uka kipka waxt'äwinak churarakta” sasa.

Isaías 29:23

kunapachatix Jacobun wawanakapax markap taypin kuntix lurkta uk uñjapkani ukkhaxa, nayan qullana Diosätax yatipxani, nayar aski uñjañ uñacht'ayapxitani.

Isaías 43:21

kawkïr marktix nayax uywasta uka markax nayar yupaychañapataki.

Isaías 43:7

Nayaw jupanakarux lurt'asta, nayar jach'añchañapatakiw irnuqt'asta, nayar yupaychañapatakiw lurt'asta’ sasa.

Isaías 44:21

“Israel, Jacobun markapa, amtasimaya, jumaw nayan luqtirixätaxa; nayaw jumarux irnuqsma. Israel, nayat jan armasistati.

Isaías 60:21

“Markamankir taqi jaqinakasti aski jaqinakäniwa, wiñayatakiw uka markax jupanakankxani; kawkïr alirutix nayax ayruntkäyätxa ukat sartirïpxtawa, amparaxampi uskutäpxtawa, ukhamat nayan jach'a kankañax uñacht'ayañataki.

Isaías 61:3

Sión qulluna llakt'atanakarux atipjatäñ lantxa, atipt'añ churiri, jachañ lantsti suma q'apkir kusisiñ qullanak churiri, chuyma kawkst'ata sarnaqaña lantsti, yupaychañ q'uchunak chuririraki. “Atipt'iri roble quqanaka” sasaw sutichapxarakïtam, pachpa Tatitun ayruntatanaka k'ajkir kankañap uñacht'ayañataki.

Jeremías 31:33

Khä urun Israelampi lurkä uka arust'äwix akhamäniwa: Nayan kamachinakaxsti chuymanakaparuw uskü, p'iqinakaparuw qillqantarakï. Nayax jupanakan Diosapäyäwa, jupanakasti nayan markaxarakïniwa. Naya, Tatituw uk arsta.

Mateo 5:16

Uka pachpay jumanakan qhanamax jaqinak nayraqatan qhantpan, ukhamat aski luräwinakam uñjasin Dios Awkimar taqpachan yupaychañapataki.

Juan 3:21

Ukampis khitinakatix askin sarnaqapki ukanakax qhanaruw jak'achasipxi, Diosan munañaparjam lurapxatanakapan uñstañapataki.

Hechos 9:31

Ukapachasti jach'a samarañaw iglesianakan utjxäna, Judeana, Galileana, Samaria uksa tuqinakana. Jupanakasti wali ch'amaniw tukxapxäna. Tatitur axsarasaw sarnaqapxäna, Qullan Ajayun ch'amapampisti, waljaniptapxarakïnwa.

Hechos 9:36

Jope markan Tatitur arkir mä warmiw jakasïna, Tabitá sutini, griego arunxa, Dorcas satawa, Tabitá warmisti aski lurirïnwa, pist'añan sarnaqir jaqinakarux yanapt'apunirïnwa.

Romanos 8:1

Ukhamasti, jichhax khitinakatix Cristo Jesusamp mayakïpki jupanakatakix janiw kuna juchañchäwis utjkiti.

Romanos 8:29

Khitinakarutix Diosax nayratpach uñt'kän jupanakarux qalltatpach yaqhachawayi, Wawapan walja jilanak taypin jilïrïñapataki.

1 Corintios 3:9

Jiwasanakax Diosan luräwipan irnaqir masinakapäpxtanwa, jumanakasti yapuchat yapunakäpxtawa, Diosan utachat utäpxaraktawa.

2 Corintios 5:17

Ukhamasti, khititix Cristompi mayachatäxchi ukax, machaq jaqïxiwa. Nayra luräwinakax tukusxiwa; jichhax taqi kunas machaqar tukutawa.

2 Corintios 5:5

Diosaw ukham wakicharapistu, uk phuqhañatakisti jupaw Qullan Ajayu churistu.

2 Corintios 9:8

Diosax jumanakar kunayman walja yänak jilarkir churapxiristam, ukhamat jumanakax munaski ukampi phuqt'ata sarnaqapxañamataki, ukat taqi aski luräwinakan yanapt'asiñamataki.

Gálatas 6:15

Ukhamasti, circuncisión katuqañasa, jan katuqañasa, janiw kunatakis askïkiti; ukatsipana, machaq jaqir tukuñasaw askixa.

Efesios 1:1

Éfeso iglesiankir munat jilatanaka, kullakanaka: Jumanakaruw aruntanipxsma, Diosan aski markapankirinakaru, Jesucristor iyawsapkta, jupampi mayar tukt'as jakapkta uka jilatanakaru. Naya, Pablox Diosan munañapat Jesucriston apostolupätxa.

Efesios 1:4

Diosax Cristo tuqiw ajllisistu, aka uraqix janïr utjkän ukkhatpacha, ukhamat q'umachata, jan akch'a q'añuni jupan nayraqatapankañasataki. Munasiñap laykuw,

Efesios 2:13

Ukampis jichhax Cristo Jesusan wila wartatap laykuw jupampix mayakïxapxtaxa, nayrax jayankapxäyätawa, jichhasti jak'ankxapxtawa.

Efesios 2:15

Cristox kunatix kamachin arsutäkäna ukanak chhaqtayawayi, ukatsti jupa tuqiw uka pä tamatxa, mä sapa machaq marka utt'ayawayi. Ukhamat sumankañax utjawayi.

Efesios 2:2

jiwatäsipkäyätawa, akapach amtäwinakaparjamaw arkasipkäyätaxa, kawkïr ajayutix alaxan apnaqki, Diosar jan jaysirinakar ch'amañchki ukan munañap lurasipkäyätaxa.

Efesios 2:6

Diosax Cristo Jesusamp chikaw jiwatat jaktayistu, jupampi chikarakiw alaxpachan qunt'ayistu.

Efesios 4:1

Ukat nayax, Tatit layku katuntatäsin achikt'apxsma, khitinakatix Diosan jawsatäpkta ukanakasti, kunjämtix lurapxañamäk ukhamar sarnaqapxam.

Efesios 4:24

machaq jaqi kankañampi isthapisisa, Diosan uñtasitaparjam irnuqt'ata, ukatsti chiqa, q'uma jakäwimpi uñacht'ayasa, chiqa kankañxar utt'ayatätap layku.

Deuteronomio 32:6

¿Akhamti Diosar yuspagarapxta? Pisi chuyma, jan yatiñan jaqinaka, ¿janit jupasti awkimäki, janit juman irnuqirimäkisti? ¡Jupaw irnuqtam, jupaw jakañsa churaraktam!

Deuteronomio 5:33

Tatit Diosamax uñacht'ayapktam uka thakhinjam sarapxam, katuqapkäta uka uraqin walja maranak jakapxañamataki.

Filipenses 1:6

Diosaw suma luräwinakap jumanakampix qalltawayi, ukanakasti Jesucriston jutañapkamax juk'amp sumaw tukuskani.

Filipenses 2:13

Diosaw suma amtäwinak churapxtam, jupa pachparakiw uka lurañanak phuqhañan jupan munañaparjam yanapasipktam.

Colosenses 1:10

Ukhamat Tatitunkirjam sum sarnaqapxañamataki, taqi kunan jupar kusisiyasa, suma luräwinak uñacht'ayasa, Diosan yatiñapan jiltasa.

Colosenses 3:10

jichhasti machaqar tukutäxapxtawa, uka machaqar tukuñasti, sapürunjamaw irnuqt'ir Diosan munañapat machaqar juk'amp tukuski, ukhamat jupar sum uñt'añaskama.

2 Tesalonicenses 2:17

jupay chuymanakamar ch'amachpan, ch'aman sayt'ayarakpan, kunatix askïki uk arsupxañamataki, lurapxañamatakiraki.

1 Timoteo 2:10

Diosar katuyat warminakjamay aski luräwinakamp k'achachasipxpan.

1 Timoteo 5:10

Jupanakasti suma luräwinak luririt uñt'atäñapawa, wawanakap sum uywatap layku, utapar sart'irinakar sum katuqatap layku, qullan markapankirinakan kayunakap jariqatap layku, t'aqhisirinakar yanapatap layku, yaqha aski luräwinak lurañatak ch'amachasitap layku.

1 Timoteo 5:25

Uka pachparakiw aski luräwinakax qhan uñsti; ukampis jan aski luräwinakax, janipuniw imantatäkaniti, jan ukasti, uñstakipuniniwa.

1 Timoteo 6:18

Kunatix askïk uk lurapxañapatak iwxt'am, aski luräwinakan qamirkipstapxpan, ukatsti kunatix jupanakan utjki uk mayninakar churañatakix jank'akïpxarakpan.

2 Timoteo 2:21

Khititix jan wali lurañanak apanukunixa, jach'a urun apnaqañ yänakar uñtatäniwa; Tatitutak qullanaptayat aski lurir jaqïniwa, aski lurañatakis jasakirakïniwa.

2 Timoteo 3:17

ukhamat Diosar luqtirinakan wali yatiñanïpxañapataki, aski luräwitak suma wakichatäpxañapataki.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Tito 2:7

Juma pachparaki mä suma uñtäwi taqi kunansa uñacht'ayam. Yatichañansti, chiqa kankañampi phuqhasarak yaticham,

Tito 3:1

Tatitur iyawsirinakar amtayam, marka apnaqirinakaru, jilïrinakaparus ist'apxpan, kunatix sumäki uk lurañatakis jank'akïpxarakpan.

Tito 3:14

Jiwasankirinakasti aski lurañ yatiqapxarakpan, pist'añansa yanapt'asa, ukhamat jakäwinakapan askïñapataki.

Tito 3:8

Aka arunakasti chiqawa, nayax juman ch'aman sayt'asiñam munta, khitinakatix Tatitur iyawsapki ukanakan askinak lurapxañapataki. Ukanakax taqitakis sumawa, askirakiwa.

Hebreos 10:24

Maynit maynikam yanapt'asiñatak ch'amachapxañäni, juk'ampi munasiñ utjañapataki, aski luräwinak lurañataki.

Hebreos 13:21

uka Diosay jumanakarux q'uma, taqi kunansa aski tukuypan, munañap phuqhapxañamataki; Jesucristo tuqi kuntix jiwasanakamp lurañ munki uk lurarakpan. ¡Jesucristox wiñayatak jach'añchatäpan! Ukhamäpan.

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.

1 Juan 1:7

Ukampis jiwasatix qhanan jakañäni, kunjämatix Diosax qhanankki ukhamxa, maynit maynikamax mayakïtanwa, Jesucristo Yuqapan wilapasti taqi juchanakasat q'umachistu.

1 Juan 2:6

Khititix “Diosampix mayakïtwa” siski ukaxa, kunjämatix Jesucristox jakkän ukhamaw jakañapa.