Efesios 1:22 - Qullan Arunaka DC

²² Taqi kunsa Criston munañanïñaparuw utt'ayi, pachpa Cristoruw iglesian p'iqipat uchawayi.

Aymar Bibliia 1986

²² Take cunsa Criston munañaparuw uchawayi, uqhamaraqui iglesian p'ekëñapataquejj Cristo pachparuraquiw uchawayi.

Qullan Arunaca

²² Take cunsa Criston munañaparuw uchawayi, uqhamaraqui iglesian p'ekëñapataquejj Cristo pachparuraquiw uchawayi.

Efesios 1:22 Jak'a apnaqawi uñst'ayäwi

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

Salmos 110:1

Tatitux reyixarux sänwa: “Kupïxaxar qunt'asim, timanakamar atipjañaxkama” sasa.

Salmos 91:13

Katarinakarusa, asirunakarus takxataskakïtawa, leonanak taypinsa, sarnaqaskakïtawa.

Mateo 16:18

Nayasti saraksmawa, jumax Pedro satätawa, nayasti aka qalxaruw iglesiax sayt'ayasï, ukarusti janirakiw jiwañan munañapas atipkaniti.

Hechos 20:28

Ukhamasti, jumanak pachpa amuyasipxam, iyawsirinakarus taqpachanir uñjapxarakim, Qullan Ajayuw jumanakar Tatitun iglesiap awatipxañamatak uchapxtam, wilapampiw uka iglesiap alasiwayi.

1 Corintios 11:3

Ukampis nayax amuyt'apxañam munta, Cristow taqi chachan p'iqipaxa, chachasti warmipan p'iqipawa, kunjämtix Diosax Criston p'iqipäki ukhama.

Efesios 3:21

¡Iglesiansti Diosax Jesucristo tuqi jach'añchatäpan, wiñayansa wiñayapataki! Ukhamäpan.

Efesios 5:23

Chachax warmin p'iqipawa, kunjämatix Cristox iglesian p'iqipäki ukhama, iglesiasti jupan janchipawa; Cristosti jupan Qhispiyiriparakiwa.

Colosenses 1:18

Jupaw iglesian p'iqipaxa, iglesiasti jupan janchipawa, juparakiw iglesiarux jakañ churi. Jupaw qalltaxa, jiwatanak taypit nayraqat jaktiriwa, ukhamat jupan taqi kunansa nayrankañapataki.

Colosenses 1:8

Juparakiw nanakarux jumanakxat yatiyapxitu, kunjämtix Qullan Ajayux mayninakar munapxañamatak ch'amachapktam uka tuqita.

Colosenses 2:10

jupa tuqirakiw Diosax ch'amap phuqhantapxtam, Cristow taqi munañaninakana, ajayu ch'amanakan p'iqipaxa.

Colosenses 2:19

Jupanakax khititix p'iqïki uka Cristompix janiw mayachatäpkiti, Cristow ch'am churas iglesiarux apnaqi, juparakiw iglesiarux wakiskirinak churi, ukatsti iglesiankirinakarux Diosan amtataparjam mayarukiw tukt'ayi.

1 Timoteo 3:15

ukat aka arunak qillqansma, kunjämsa maynix jakkir Diosan iglesiap taypin sarnaqañapa uka tuqita, uka iglesiaw chiqa kankañar thurxäsi, katxäsiraki.

Hebreos 2:8

taqi luratanakam apnaqañatakiw katuytaxa” sasa. Ukhamasti, taqi kun jaqin munañapar katuyasax, Diosax janiw kunsa jan jupan katuyat jaytkänti. Ukampis jichhakamax janïraw uñjktanti taqi kunas jupar jaysapxatapa.