Efesios 1:18 - Qullan Arunaka DC

¹⁸ Jumanakan amuyunakam qhanjtayañapatakiw Diosarux mayirakta, kuna suyt'äwirutix jawskistu uk yatipxañamataki, kunja muspharkaña, jilarkir waxt'äwtix Diosax qullan markapankirinakar churki uk yatipxañamatakiraki,

Aymar Bibliia 1986

¹⁸ Diosarojj maytwa jumanacar amuyt'ayañapataqui, cawquïri suyt'äwitaquitejj jawsquistu uc yatipjjañamataqui, cunja muspharcaña jach'a herenciatejj Diosajj churqui jupanquirinacaru uc yatipjjañamataquiraqui,

Qullan Arunaca

¹⁸ Diosarojj maytwa jumanacar amuyt'ayañapataqui, cawquïri suyt'äwitaquitejj jawsquistu uc yatipjjañamataqui, cunja muspharcaña jach'a herenciatejj Diosajj churqui jupanquirinacaru uc yatipjjañamataquiraqui,

Efesios 1:18 Jak'a apnaqawi uñst'ayäwi

Job 42:5

Jichhakamasti, nayax mayninakan parlatap tuqik jumarux uñt'ayäsmaxa, ukampis jichhax pachpa nayraxampiw uñkatsma.

Salmos 119:18

Nayranakaxay jist'arita, muspharkañ yatichäwinakam uñxatañataki.

Isaías 11:2

Tatitun ajayupaw jupxankani, yatiñampi, ch'ikhi kankañampi, suma amuyt'a chuymamp churani, mä jach'a ch'aman reyïniwa, Tatitur uñt'asax suma ist'asirïniwa.

Isaías 29:10

Tatituw jumanakxarux mä jach'a iki apayani. Jumanak profetanakax markan nayranakapäpkasmas ukhamäpxañamänwa, ukampis janiw kuns uñjapktati.

Isaías 29:18

Uka urun uqaranakax kuntix jupanakatak maynix ullarkani uk ist'apxani, juykhunakas uñjxapxarakini, jupanakatakix janiw laxa ch'amakas utjkxaniti.

Isaías 32:3

Nayranakapampisti walpun uñatatasipxani, taqi kunsa suma amuyumpiw ist'apxani;

Isaías 42:7

Juykhunakarusti uñjayañam munta, katuntatanakarus carcelat irpsuñamataki, kawki ch'amaka manqhanakantix jakapki ukata.

Isaías 6:10

Aka markan amuyupsa q'al pixtuntam, ukhamat jan amuyt'asipxañapataki, jinchunakapsti llupantam, ukhamat jan ist'apxañapataki, nayranakapsa juykhu tukuyam, ukhamat jan uñjapxañapataki, ukhamat nayan ukar jan kuttanisipkañapataki, nayan jupanakar jan qullaskañaxataki” sasa.

Mateo 13:15

Aka jaqinakan chuymapax qalaratawa, jinchunakapas jan ist'añatak llupantatawa, nayranakapas jan uñjañatak jist'antatawa; jan amuyt'apxañapataki, nayan ukar jan kuttaniñapataki, ukhamat nayan jupanakar jan qhispiyañaxataki’.

Marcos 10:17

Kunapachatix Jesusax ukawjat sartawayañampïxän ukkhaxa, mä jaqiw jalakamak ukawjar purinïna, Jesusan nayraqatapar killt'asisin juparux jiskt'äna: —Suma yatichiri, ¿kuna lurañaxas wakisi wiñay jakañ katuqañatakixa? —sasa.

Lucas 24:45

Ukapachaw Qillqatanakat jupanakarux amuyt'ayäna,

Hechos 16:14

Uka warminakat maynïrix Lidia satänwa; Tiatira markankiri, jila alani sami morado isinak aljirïnwa, jupax Diosar axsartir warmïnwa. Tatituw juparux chuymap ch'allxtayäna, kuntix Pablox siskäna ukar jaysañapataki.

Hechos 26:18

Jupanakan nayranakap jist'arañamataki, jan juk'amp ch'amak thakhin sarnaqapxañapataki. Jan juk'amp supayan apnaqatäsipkañapataki, jan ukasti Diosar arkapxañapataki; nayar iyawsasin juchanakapat pampachäwi katuqapxañapataki, Diosan ajllit markap taypin churäwi katuqapxañapataki’ sasa.

Romanos 11:29

Kuntix Diosax churki uk janiw aparaskiti, janirakiw jupan jawsatapsa mayjt'aykiti.

Romanos 2:4

Jumasti Diosan jan tukuskir munasiñapsa, walikiw sañapsa, llamp'uchasiñapsa janiw yäqktati, munasiñapan jupa tuqir kutikipstatamsa janiw amuyasktati.

2 Corintios 4:4

Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.

2 Corintios 4:6

Diosax qhanap ch'amakan qhantaykän uka pachpa Diosarakiw chuymanakasan qhantayi. Uka qhanampisti Diosan k'ajkir kankañapax Jesucriston ajanupan qhankis uk uñt'apxañasatakiwa.

Gálatas 5:5

Ukampis jiwasanakanxa, Ajayu tuqi, iyawsañ tuqitarakiw, Diosan nayraqatapan katuqatäñ suyt'äwisax utjistu.

Efesios 1:11

Cristo tuqiw Diosax qalltatpach ajllisiwayistu, ukhamat waxt'äwip katuqañasataki, pachpa Diosan amtäwiparjama, taqi ukanak munañaparjamaw luri.

Efesios 1:7

Criston wila wartatap tuqiw juchanakat qhispitäñasa, pampachatäñas utjistu. Diosasti phullch'irkir khuyapayasiñap jiwasatak utjayi, taqi yatiñ kankaña, amuyt'a kankañ jiwasar churasa,

Efesios 2:12

Khä urunakasti jumanakax jan Cristoniw jakapxäyätaxa, janirakiw Israel markankirïpkäyätati, Diosan arust'äwip jan uñt'asa, aka uraqin jan kuna suyt'äwini, jan Diosaniw jakasipkäyätaxa.

Efesios 3:16

Nayax Dios Awkiruw mayta, muspharkañ qamir kankañapat Qullan Ajayup tuqi jumanakar ch'am churañapataki,

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Efesios 4:1

Ukat nayax, Tatit layku katuntatäsin achikt'apxsma, khitinakatix Diosan jawsatäpkta ukanakasti, kunjämtix lurapxañamäk ukhamar sarnaqapxam.

Efesios 4:4

Mä sapa janchikiw utji, mä sapa Ajayukiw utjaraki, kunjämtix Diosax mä sapa suyt'añar jawsapktam ukhama.

Efesios 5:8

Nayrax jumanakax ch'amakan jakapxäyätaxa, ukampis jichhax Tatitumpi mayakïxasax qhanan jakxapxtaxa. Ukhamasti qhanankirinakjam sarnaqapxam,

Filipenses 3:14

jalañ tukuyar puriñ munasaw jalaskta, Jesucristo tuqi katuqäwi churañatak Diosax jawskistu uk katuqasiñataki.

Colosenses 1:12

Dios Awkir yuspagarapxäta, juparakiw jumanakar wakichapxtam uka waxt'asïwip qhanan katuqapxañamataki, uksti Diosax jupan qullan markaparuw churani.

Colosenses 1:23

Ukatakisti iyawsañaman sum sayt'asipxañamawa, kuna suyt'äwitix Diosan suma yatiyäwi arunakap ist'asin utjapktam ukat jan jithiqtasa. Aka qhispiyasiñ arunakaw taqi chiqan parlasïna, naya Pablosti, uka arunak qhanañchañan yanapasirakta.

Colosenses 1:27

Diosasti taqi markankirinakaruw aka suma amtäwi yatiyañ munäna, uka amtäwisti, Diosax Cristoruw jumanak taypir jakir khithanïna, juparakiw kuntix katuqapkäta uka suyt'äwisaxa.

Colosenses 1:5

kawkïr suyt'äwitix jumanakatak alaxpachan imatäski uka layku. Uka tuqitsti niyaw ist'apxta kunapachatix Diosan suma yatiyäwi arunakapax arsutäkän ukkhatpacha,

Colosenses 2:2

Jupanakax chuymapan wali ch'amañcht'atäpxañapataki, munasiñan mayakïpxañapataki, chiqpach amuyumpi phuqt'atäpxañapatakiw ch'am tukuskta, ukhamat Diosan amtäwip uñt'añataki, ukasti pachpa Cristowa,

Colosenses 3:15

Criston sumankañapay chuymanakam apnaqpan, Diosasti uka amtäwimpiw mä janchir tukupxañamatak jawsapxtam. Ukatsti yuspagarapxapunim.

1 Tesalonicenses 5:8

ukampis jiwasanakax urunkirjamax amuyasiñasapuniwa. Iyawsäwimpi, munasiñampix mä qhawampjam uskuntataw jark'aqasiñasa, qhispiyasiñ suyt'äwimpisti mä cascompjamaw asxatasiñasa.

2 Tesalonicenses 1:11

Aka amtäwimpiw Diosarux jumanakatak mayipxapunta, Diosasarux aski jawsatapar tukuyañapatakiw mayipxta, ch'amapampisti kuntix jumanakax munapkta ukax phuqhaspan, kuna luräwinaktix iyawsäwi tuqi lurapkta ukas phuqhasirakpan.

2 Tesalonicenses 2:16

Pachpa Jesucristo Tatitusasa, Dios Awkisasa khuyapayasiñap laykuw munasistu, ukatsti wiñay chuymachäwi, suyt'äwi churarakistu,

1 Timoteo 6:12

Iyawsäwin nuwasiñäki ukatak wakicht'asim; janipun wiñay jakañ chhaqhayasimti, Diosasti ukatakiw jawstam, jumasti ukarak Diosar iyawsatamat taqinin nayraqatapan arsusktaxa.

Tito 2:13

ukatsti kusiskañ suyt'äwimpi jakañas yaticharakistu, jach'a Qhispiyir Tatit Jesucriston kutt'aniñap suyasa.

Tito 3:7

ukhamat khuyapayasiñapan jiwasar katuqañapataki, ukhamarak wiñay jakañ suyt'ktansa uk katuqañasataki.

Hebreos 10:32

Ukampis jumanakax nayra urunakat amtasipxam, kunapachatix jumanakax Diosan qhanap katuqapkäyäta, llamp'u chuymampi nuwasiñan t'aqhisipkäyäta ukkha.

Hebreos 6:4

Khitinakatix mä kutix Diosan qhanap katuqapkäna, Diosan luräwip munapkäna, Qullan Ajayu katuqapkäna,

1 Pedro 1:3

Jesucristo Tatitusan Awkipar yupaychañäni, jupaw jach'a khuyapayasiñapat Jesucriston jiwatanak taypit jaktatap tuqi machaqat yuriyistu. Ukaw jiwasanakarux suyt'añana jakayarakistu,

1 Pedro 3:9

Ñanqhat ñanqha jan kutt'ayapxamti, jan wali arutsa jan pachpa arump kutt'ayapxamti. Jan ukasti, jupanakar aski waxt'äwinak churañapatak Tatitur mayipxam, jupasti jumanakarux uka waxt'äwinak katuqapxañamatakiw ajllisipxtam.

1 Pedro 5:10

Ukampis uka mä juk'a urunakan t'aqhisipxatamatsti, Diosax jumanakarux chiqap tukuyapxätam, ch'amani jan unxtkay sayt'ayapxarakïtam. Uka Dios pachpaw jach'a munasiñapan jawsistu, Jesucristomp wiñayatak chikäñasataki.