Efesios 1:11 - Qullan Arunaka DC

¹¹ Cristo tuqiw Diosax qalltatpach ajllisiwayistu, ukhamat waxt'äwip katuqañasataki, pachpa Diosan amtäwiparjama, taqi ukanak munañaparjamaw luri.

Aymar Bibliia 1986

¹¹ Cristompïtas laycuwa Diosajj nayratpacha ajlliwayistu, cuntejj jupajj jiwasanacar churañapäcän uc catokañasataqui. Take acanacasti Diosan amtäwiparjamawa, cawquïritejj take cuns lurqui cunatejj jupataquejj asquïqui uqhamarjama.

Qullan Arunaca

¹¹ Cristompïtas laycuwa Diosajj nayratpacha ajlliwayistu, cuntejj jupajj jiwasanacar churañapäcän uc catokañasataqui. Take acanacasti Diosan amtäwiparjamawa, cawquïritejj take cuns lurqui cunatejj jupataquejj asquïqui uqhamarjama.

Efesios 1:11 Jak'a apnaqawi uñst'ayäwi

Job 12:13

Diosasti yatiñ kankañani, ch'amanirakiwa; jupax amtiwa, amtäwinakapsti phuqhiwa.

Job 33:29

Diosax jaqirux ukham uñji, mayampi, mayampi ukham uñji;

Salmos 37:18

Tatitux aski jaqinakarux imasipuniwa, suma uraqi katuqapki ukax wiñayatakïniwa.

Proverbios 8:14

Nayankiw amtäwisa, amtäwin phuqhasiñapasa, nayätwa chiqap kankañaxa, ch'aman kankañasa.

Isaías 25:1

Tatay, jumätaw nayan Diosaxaxa; nayax jumaruw yupaychsma, muspharkañ amtatanakam phuqhatamata, nayra pachatpach ukanakan chiqätapata, sutimsa jach'aruw aptarakta.

Isaías 28:29

Taqi ukham lurañanak yatxatañax taqi ch'aman Tatitut juti. Jupax muspharkañ amtäwinakaniwa, wali amuyt'ampirakiw uka amtäwinakap phuqhi.

Isaías 5:19

Jumanakasti sapxaraktawa: “Diosax jank'akiy uñjañasatak lurañanakap lurpan; Israelan Qullan Tatitupasti jank'akiraki amtäwinakap phuqpan, ukhamat uka amtäwinakap yatiñasataki” sasa.

Jeremías 23:18

Ukampisa, ¿khitis Tatitun tantachäwipankänxa? ¿Khitis arunakap ist'i, juparus uñjaraki? ¿Khitis arsutaparux jaysi?

Jeremías 32:19

Jumax amtäwinakaman jach'ätawa, luräwinakamansa ch'amanirakïtawa. Jumaw taqi jaqin luratanakap uñjtaxa, ukatsti luratanakaparjamaw kunsa churtaxa.

Zacarías 6:13

Tatitun utap wasitat sayt'ayasinsti, mä reyjamaw jach'añchäwinak katuqani. Reyi qunuñapar qunt'asisaw apnaqani, qunuñap thiyapanxa sacerdotew qunt'asirakini, jupanak taypinsti sumankañaw utjani.

Hechos 13:48

Uk ist'asinsti, jan judiöpkis uka jaqinakax kusisipxänwa. Sapxarakïnwa: “Tatitun arunakapax wali sumapuniwa” sasa. Ukatsti wiñay jakañ katuqañatak wakichatanakax iyawsapxarakïnwa.

Hechos 2:23

Uka chacharusti Diosan amtataparjam arsutaparjamaw katuyat uñjasïna; jumanakasti jucharar jaqinakan amparanakap tuqiw jiwayapxtaxa, mä cruzar ch'akkatasa.

Hechos 20:27

nayax jumanakar jan kuns imt'asaw Diosan taqpach amtäwinakap yatiyapxsma.

Hechos 20:32

“Jichhasti jilatanaka, Diosaruw mayta munasiñapampi jumanakar imañapataki. Munasiñ arunakapaw jumanakar sapürunjam suma askïñ yanapt'apxarakiristam. Jaysapxätaxa, Diosax arsutanakap phuqhaniwa, markapankirïñatak ajlliski taqi jupanakaru.

Hechos 26:18

Jupanakan nayranakap jist'arañamataki, jan juk'amp ch'amak thakhin sarnaqapxañapataki. Jan juk'amp supayan apnaqatäsipkañapataki, jan ukasti Diosar arkapxañapataki; nayar iyawsasin juchanakapat pampachäwi katuqapxañapataki, Diosan ajllit markap taypin churäwi katuqapxañapataki’ sasa.

Hechos 4:28

Ukham lurasaw jupanakax phuqhapxi, taqi kuntix jumax lurasiñapatak nayratpach amtkatäta ukhamarjama.

Romanos 11:34

“¿Khitirak Diosan amuyup yatisti? ¿Khitirak jupar amuyt'ayaspasti?

Romanos 8:17

Wawanakapätas laykux, Diosax arsuwaykän uka waxt'äwi katuqañäni, uksti Cristomp chikaw katuqañäni, jupamp chika t'aqhisitas laykux, qhapaq markapan jupampïxañasataki.

Romanos 8:28

Diosan jupar munirinakatak taqi kunsa askïñapatak wakichatap yattan, amtataparjam jawsatäpki ukanakataki.

Romanos 8:29

Khitinakarutix Diosax nayratpach uñt'kän jupanakarux qalltatpach yaqhachawayi, Wawapan walja jilanak taypin jilïrïñapataki.

Romanos 8:30

Diosasti khitinakarutix qalltatpach ajlliski jupanakarux jawsarakiwa; jawsatanakaparusti, aski jaqinakat katuqi; aski jaqinakat katuqasasti, jupamp chikäñapatakiw qhapaq kankañapan ucharaki.

Romanos 9:11

jupanak janïr yurkipana, walsa jan walsa janïr lurapkipan Diosax Rebecar akham säna: “Jilïr wawamax sullka wawaman luqtiripäniwa” sasa. Akasti kunatix qillqatan siski ukhamarjamaw phuqhasïna: “Jacoburux munasïyätwa, Esaurusti uñisïyätwa” sasa. Ukhamat Diosan munañaparjam ajllisiñax phuqhasïna, jupan amtäwiparjama, khitinakarutix jawsañ munki ukanakan luratanakap jan yäqasa.

Gálatas 3:18

Diosax churañ arski ukatix Moisesan kamachipar jaysañ laykukïspaxa, janiw mä arust'äkxaspati; chiqpachansa Diosaw Abrahamar inak churañatak arsuwayi.

Efesios 1:14

Qullan Ajayuwa jiwasanakan arxatirisaxa, Diosax waxt'äwip jiwasar churkistani uk katuqañasataki, uksti kunapachatix jupankirinakan qhispiyasiñapax phuqhatäxani ukkhaw katuqañäni, taqpachani jupan jach'a muspharkañ ch'amapat jach'añchañasataki.

Efesios 1:18

Jumanakan amuyunakam qhanjtayañapatakiw Diosarux mayirakta, kuna suyt'äwirutix jawskistu uk yatipxañamataki, kunja muspharkaña, jilarkir waxt'äwtix Diosax qullan markapankirinakar churki uk yatipxañamatakiraki,

Efesios 1:5

jupax nayratpach ajllisiwayistu, Jesucristo tuqi wawanakapat katuqatäñasataki, kunjämäkitix amtäwipax ukhamarjama.

Efesios 1:9

ukatsti jan amuyt'kañ amtäwipat uñt'ayistu. Jupax khuyapayasiñapan amtatayna, Cristo tuqi uka amtäwip lurañataki.

Efesios 3:11

Diosasti taqi akanak wiñay amtäwiparjamaw Jesucristo Tatitus tuqi luri.

Deuteronomio 4:20

Jumanakarusti Tatituw irpsunipxtam khä Egipto hierro umatatayañ hornota, ukatsti jupan markaparuw tukuyapxtam, kunjämatix jichhax jikxatasipkta ukhama.

Colosenses 1:12

Dios Awkir yuspagarapxäta, juparakiw jumanakar wakichapxtam uka waxt'asïwip qhanan katuqapxañamataki, uksti Diosax jupan qullan markaparuw churani.

Colosenses 3:24

Niy yatipxtawa, aski luratamat churäwi katuqañamax wakt'apktam uk Tatitut katuqapxäta. Jumanakasti khititix chiqpach Tatitüki uka Cristoruw arkapxtaxa.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Tito 3:7

ukhamat khuyapayasiñapan jiwasar katuqañapataki, ukhamarak wiñay jakañ suyt'ktansa uk katuqañasataki.

Hebreos 6:17

Ukhamasti Diosax qhanpach uñacht'ayañ munäna, khitinakarutix churämaw sas arskatayna jupanakaru, jupasti arsutapar jan mayjt'ayas churañatakix jank'akïnwa. Ukat arsutapxarux juramento luräna.

Santiago 2:5

Munat jilatanakaxa, aka arunak ist'apxam: Diosax aka uraqin jan kunaninakaruw ajllisi, jupanakan iyawsañan qamirïpxañapataki, ukhamat Diosan qhapaq markap mä waxt'äwjam katuqapxañapataki, jupar munirinakatakiw uk arsuwayi.

1 Pedro 1:4

ukhamarakiw jumanakarux kuntix Tatitux alaxpachan suma churäwi imarapipktam uk katuqayapxätam, ukasti janiw tukjatäkaspati, janiw q'añuchatäkaspasa, janirakiw mä panqarjamas wañskaspati.

1 Pedro 3:9

Ñanqhat ñanqha jan kutt'ayapxamti, jan wali arutsa jan pachpa arump kutt'ayapxamti. Jan ukasti, jupanakar aski waxt'äwinak churañapatak Tatitur mayipxam, jupasti jumanakarux uka waxt'äwinak katuqapxañamatakiw ajllisipxtam.