Eclesiastés 9:5 - Qullan Arunaka DC

⁵ Ukhamarus khitinakatix jakasipki ukanakax jiwañap sum yatisipxi, ukampis jiwatanakax janiw kuns yatipkiti, janirakiw kuns katuqapkiti, jupanakax armatäxapxiwa.

Aymar Bibliia 1986

⁵ Ucjjarusti, qhitinacatejj jacasipqui ucanacajja yatisipjjewa jiwjjañanacapa, ucampis jiwatanacajj janiw cunsa yatipquiti, janiraquiw cunsa jicjjatapcaraquiti, jupanacajj armatäjjatap laycu.

Qullan Arunaca

⁵ Ucjjarusti, qhitinacatejj jacasipqui ucanacajja yatisipjjewa jiwjjañanacapa, ucampis jiwatanacajj janiw cunsa yatipquiti, janiraquiw cunsa jicjjatapcaraquiti, jupanacajj armatäjjatap laycu.

Eclesiastés 9:5 Jak'a apnaqawi uñst'ayäwi

2 Samuel 14:14

Chiqpachansa taqiniw jiwañäni, uraqir wartat umar uñtatätanwa, uka umasti janiw apthapiñjamäkiti. Ukampisa, Diosax janiw khitirus jakañap apaqkiti, jan ukasti Diosax kunayman tuqit amuyt'ayi jaqunukut jaqin jupat jayan jan jakañapataki.

Job 14:21

Wawanakapax jach'añchatäsipkpasa, janiw jupax uk yatkiti; jan walt'añarus purisipkpan, janiw jupax uk amuykiti;

Job 30:23

juman nayar jiwañar apañ munatam yatistwa, taqi jaqin puriñapäki ukaru.

Salmos 109:15

Tatitux ukanak amxäsiskakpan, sutipasti uraqit chhaqtayatäpan.

Salmos 6:5

5 (6) Janiw khitis jiwatanak taypin amtaskiristamti, ¿khitirak manqhapachan jach'añchiristamsti?

Salmos 88:13

13 (14) Nayasti, Tatay, jumaruw art'asinsma, wali willjtat jumar mayisinsma.

Eclesiastés 1:11

Kunatix mäkipawayki ukax armatawa, kunatix jutkani ukanakas jutirimp chik armatäxaniwa.

Eclesiastés 2:16

Yatiñan jaqitsa, pisi amuyt'an jaqitsa janipuniw khitis amtaskaniti; pachanak mäki sarakipatapatsti taqiw armatäxi, yatiñan jaqisa, pisi amuyt'an jaqis kipkakiw jiwapxi” sasa.

Eclesiastés 7:2

Kusist'ir sarañat sipansa, jiwirin ukar sarañaw askixa. Jiwax taqi jaqinakan tukuyäwipawa, jakirinakasti uk amtañapäspawa.

Eclesiastés 8:10

Uka kipkarak ñanqha jaqirux imäwip urun wali jach'achañampi imapxatap uñjta; aski jaqitsti janiw pachpa markapas amtaskiti. Akasti inamayakiwa,

Eclesiastés 9:10

Kuna lurañatix jumatak utjkani ukan kusisiñampi luram, amay imäwir sarkät ukansti janiw kuna lurañas utjkiti, janirakiw lup'iñasa, yatxatañasa, yatiñ kankañas utjkiti.

Eclesiastés 9:4

Ukampis khitirutix jakañax churatäki ukatakix juk'amp suyt'äwipaw utji. Jiwat leonat sipansa jakaskir anuw askixa.

Isaías 26:14

Uka yaqha diosanakax janiw jakañanïpkiti; jiwarat diosapxiwa, janirakiw unxtapkisa, jumaw jupanakarux mutuytaxa, tukjaraktasa, jan mayampi amtaskañatakiw tukjtaxa.

Isaías 63:16

¡Jumätaw nanakan awkixaxa! Abrahamax janisay nanakar uñt'apkitpan, Israelax janisay nanakat amtasipkitpan, ukampis Tatay, jumaw nanakan awkixätaxa; nayratpacha jumaw nanakan qhispiyirixätaxa.

Lucas 20:32

Qhiparusti warmix jiwawayxarakïnwa.

Hebreos 9:27

Taqi jiwasanakax mä kutikiw jiwañäni, uka qhipatsti taripäwi uruw jutani.