Eclesiastés 9:11 - Qullan Arunaka DC

¹¹ Akapachan yaqhanakamp kun uñjta: janiw suma jalirinakax t'ijuñan atipt'apkiti, janirakiw ch'amaninakas nuwasïwin atipjapkiti; janiw yatiñan jaqikis t'ant'anïkiti, janiw ch'ikhinakakis qamirïpkiti, janirakiw suma yatiqatanakakis suma katuqatäpkiti; chiqpachansa, taqi jupanakarux ukhamaw wakt'i.

Aymar Bibliia 1986

¹¹ Aca orakenjja yakhampwa uñjta, t'ijuñanjja janiw wali t'ijurinacapuniti atipt'apquejja, jan ajjsaririnacapunisa nuwasïwina atipjapquejja; janiw yatiñanïpqui ucanacapuniti t'ant'anïpquejja, ch'iqhinacapuniti kamirïpquejja, suma yatichatanacapunisa suma catokatäpquejja; jan ucasti horasajj jan walt'añajj takeniruw puri.

Qullan Arunaca

¹¹ Aca orakenjja yakhampwa uñjta, t'ijuñanjja janiw wali t'ijurinacapuniti atipt'apquejja, jan ajjsaririnacapunisa nuwasïwina atipjapquejja; janiw yatiñanïpqui ucanacapuniti t'ant'anïpquejja, ch'iqhinacapuniti kamirïpquejja, suma yatichatanacapunisa suma catokatäpquejja; jan ucasti horasajj jan walt'añajj takeniruw puri.

Eclesiastés 9:11 Jak'a apnaqawi uñst'ayäwi

2 Samuel 17:14

Absalonampi, taqpach israelitanakampisti sapxänwa: “Husai arquita chachan amuyt'atapax, Ahitófel jaqin amtäwipat sipan juk'amp sumawa” sasa. (Tatituw Ahitófel jaqin amtäwinakap t'unjatäñap munatayna, ukhamat Absalonan jan walt'añan uñjasiñapataki.)

2 Samuel 17:23

Ahitófel jaqisti jupan amtataparjam jan lurapxatap uñjasax, asnop wakicht'asisin yurïwi markapan utjir utaparuw sarxäna; ukatsti wila masinakapan jan walt'añanakap taqi kun sumar askicht'xasinsti, jaychkatasïnwa. Ukhamaw jupax jiwxäna, ukatsti awkipan amay imäwipar imt'atäxänwa.

2 Crónicas 20:15

Jahaziel chachasti sänwa: “Judá, Jerusalén markan jakirinaka, ist'apxam, juma Josafat reyisa ist'arakim, Tatitux sapxtamwa: ‘Jan axsarapxamti, janirak uka jach'a ejército uñjasinsa mulljasipxamti, aka nuwasiñax janiw jumanakankkiti, jan ukasti Diosankiwa.

Job 34:29

Diosatix amukïspa ukasti, ¿khitirak juchañchaspasti? Jupatix ajanup imantasispa ukasti, ¿khitirak uñjaspasti? Jupaw markanakarusa, jaqinakarus uñch'ukiski,

Salmos 76:5

5 (6) Ch'aman jaqinakax jaqunukutäpxänwa; nuwasir jaqinakax janiw nuwasirjamäpkänti; ¡jupanakax wiñayatakiw ikxapxäna!

Proverbios 1:5

Yatiñani ch'ikhi jaqixa, aka arunak ist'iwa, ukhamat juk'amp yatiñ kankañampi, ixwanakamp jikxati,

Eclesiastés 2:12

Uka qhipatsti yatiñ kankañata, pisi amuyt'anïñata, jan amuyt'asirïñat lup'irakta: ¿Kunat juk'ampsa nayan qhipaxat jutir reyix luraspa kunatix luratäxi ukatxa?

Eclesiastés 3:14

Kuntix Diosax lurki ukan wiñayatakïtap amuyarakta. Janiw ukar yapt'añas apaqañas wakiskiti; Diosaw ukham luri, jupa nayraqatan axsart'añax utjañapataki.

Eclesiastés 3:17

Ukat sarakta, Diosaw aski jaqirus ñanqha jaqirus chiqapar uñjaskani, ukampis taqi kun lurañatakix mä pachakiw utji.

Eclesiastés 4:1

Ukatsti aka uraqin kunjämtix t'aqhisiyapki ukanak uñjta. Ukat t'aqhisiyatanakan jachatanakap uñjarakta, ukampis janiw khiti chuymacht'iripas utjkiti; t'aqhisiyirinakapax ch'amampiw apnaqapxi, ukampis janiw jupanakar khiti chuymachirix utjkiti.

Eclesiastés 4:4

Jan inakt'as irnaqaña, nayraqatar sartañax maynit maynikam jilankañ thaqhatapak uñjarakta, ukasti inamayarakikiwa, thayarus katthapiñ munksna ukhamakiwa.

Eclesiastés 7:13

Diosan luräwinakapat sum amuyt'am: ¿khitirak jupan k'umuptayatapar chiqachaspasti?

Eclesiastés 9:2

Ukhamasti taqinirus pachpakiw suyt'aski: aski jaqirusa, jucharar jaqirusa, suma jaqirusa jan wali jaqirusa, q'uma jaqirusa, jan q'uma jaqirusa, wilañchanak luqtir jaqirusa, jan luqtir jaqirusa; uka pachparak suma jaqirusa, jucharar jaqirusa, juramento lurir jaqirusa, jan lurir jaqirusa.

Eclesiastés 9:3

Akapachan taqi kunatix luraski ukanakat akaw jan walïkiti: taqinirus pachpakiw suyt'aski. Mä tuqitxa, jaqin amuyupax ñanqha lurañampi phuqt'atawa; taqi jakäwipansti luqhi kankañaw amuyuparux apnaqi; ukatsti tukuyarux jiwañarukiw purxi.

Jeremías 46:6

¡Janiw wali jaltirinakasa jaltxañatakix ch'amanïpkiti, janirakiw jan axsariri jaqinakas jaltxañatakix ch'amanïpkiti! Amsta tuqina, Éufrates jawir jak'an lanktasisaw liwisipxi.

Jeremías 48:14

“Moab markax jan siskpati: ‘Nanakax jan kuna axsarir jaqinakäpxtwa, nuwasïwin nuwasir ch'aman jaqinakäpxtwa’ sasa.

Jeremías 9:23

23 (22) Tatitux siwa: “Yatiñan jaqix yatiñapampix jan jach'a jach'a tukpati, munañanisa munañanïtapatxa jan jach'a jach'a tukpati, qamiris qamir yänakapat janirak jach'a jach'a tukpati.

Daniel (hebreo) 4:35

35 (32) Jupa nayraqatan taqi akapachankir jaqinakax janiw kunäkisa; jupax munañaparjamaw apnaqi, alaxpachansa, akapachansa. Janiw khitis ch'amapar saykatirjamax utjkiti, janirakiw khitis jupar jiskt'karakispati ¿kunatsa ukham lurta?’ sasa.

Zacarías 4:6

Jupasti saskakïnwa: “Tatitux Zorobabel chacharuw yatiyäwi apayaski akham sasa: ‘Zorobabel, janiw jach'a chamanïñamax wakiskiti, janirakiw jach'a ejercitonïñamas munaskiti; jan ukasti ajayuxampikiw atipt'asma, siw taqi ch'aman Tatituxa.

Malaquías 3:18

Ukapachaw jumanakax amuyasipxäta kunatix askïki, kunatix jan askïki uka, ukhamaraki, khititix Diosar yupaychki, khititix jan yupaychki ukanaka” sasa.

Efesios 1:11

Cristo tuqiw Diosax qalltatpach ajllisiwayistu, ukhamat waxt'äwip katuqañasataki, pachpa Diosan amtäwiparjama, taqi ukanak munañaparjamaw luri.

Deuteronomio 8:17

“Janirak ukatxa chuymanakaman amuyapxamti: ‘Taqi aka yänak ch'amasampiw jikxatasisktan’ sasa.

Deuteronomio 8:18

Tatit Diosamat amtasipxam, jupaw uka yänak jikxatañatakix ch'am churapxtam, ukhamat jumanakampi phuqhasi kawkïr arust'äwtix nayra awkinakamamp lurkatayna ukaxa.

1 Samuel 17:50

Davidax ukham uka filisteo jach'a tansa jaqirux atipjäna. Mä q'urawampi, mä qalampikiw filisteo jaqirux jiwt'ayäna. Jupan jan espadanïtapatsti,

1 Samuel 6:9

Ukampisa wal uñch'ukipxam: uka carretatix Bet-semes tuqir saranixa, Israelan Diosapax jiwasar mutuyatap yatiñäni, janitix uka uraqip tuqir sarkani ukkhaxa, mutuyäwisax Israelan Diosapat jan jutatap yatirakiñäni, jan ukasti mä jan walt'añaki jiwasxar jutatapa.