Eclesiastés 8:12 - Qullan Arunaka DC

¹² Ukhamasti jucharar jaqix walja kuti juchanak lurkasas walja maranakaw jakaski. (Nayax khitinakatix Tatitur jach'añchapki, axsarapki ukanakan sumak jakasipxatap yatiyäta;

Aymar Bibliia 1986

¹² Uqhamasti jucharar jakejj walja cuti juchanaca lurcasasa, walja maranacawa jacascaraqui. (Nayajj yatiraquïyätwa, qhitinacatejj Diosar jach'añchapqui, uqhamarac ajjsarapqui ucanacajj sumaqui jacasipjjatapa.

Qullan Arunaca

¹² Uqhamasti jucharar jakejj walja cuti juchanaca lurcasasa, walja maranacawa jacascaraqui. (Nayajj yatiraquïyätwa, qhitinacatejj Diosar jach'añchapqui, uqhamarac ajjsarapqui ucanacajj sumaqui jacasipjjatapa.

Eclesiastés 8:12 Jak'a apnaqawi uñst'ayäwi

1 Reyes 21:25

(Janiw khitis Ahab reyjam utjkänti, Jezabel warmipan amtayatap layku Tatitun nayraqatapan jan walinakaki luririxa.

1 Crónicas 16:30

¡Taqi jaqinakax jupa nayraqatan khathatpan! Tatituw aka uraqi jan unxtañapatak utt'ayi.

Job 35:15

Saraktawa: “Jupax janiw phiñaskiti, janirakiw mutuykisa, jucharus janiw ukakam uñjkiti” sasa.

Salmos 112:1

¡Tatitux jach'añchatäpan! Tatitur axsartir jaqix kusisiñaniwa, arsutanakapar munasir jaqix kusisiñaniwa.

Salmos 115:13

Tatitur iyawsirinakarux askinak churani, jisk'arusa, jach'arusa, taqiniruw churani.

Salmos 128:2

Jumatix jupanakat maynïstaxa, ch'ama tukutamatjam manq'asïta, kusisitaw utjasïta, taqi kunas walikiw sararapïtam.

Salmos 37:11

Llamp'u chuymaninakax suma uraqi katuqapxani, sumankañan jakasipxani.

Salmos 96:9

qullan utapan Tatitur yupaychapxam. ¡Taqpach jaqipun nayraqatapan khathatpan!

Éxodo 1:20

Diosasti ukham askinak wawa usuyir warminakarux lurayäna, ukhamat israelita markax mirantaskakïna, ukatsti juk'at juk'at wali ch'aman tukurakïna. Ukhamarusa, wawa usuyir warminakan Diosar axsartapxatap laykusti, jupax khuyapt'ayänwa, wila masinakaparus juk'amp jilxatayäna.

Proverbios 13:21

Jucharar jaqinakax jan walt'añampi arknaqatäpxiwa, aski jaqinakasti suma churäwi katuqapxani.

Proverbios 28:14

Tatiturupun axsartir jaqix, kusisiñaniwa, chuyma qalarayasir jaqisti, jan walt'añaruw purini.

Eclesiastés 12:13

Parlañax tukusxiwa. Taqi kunaw satäxi. Diosar yupaycham, kamachi arunakapar phuqham, taqi ukanakan jaqitakïtap layku.

Eclesiastés 3:14

Kuntix Diosax lurki ukan wiñayatakïtap amuyarakta. Janiw ukar yapt'añas apaqañas wakiskiti; Diosaw ukham luri, jupa nayraqatan axsart'añax utjañapataki.

Eclesiastés 5:16

16 (15) Akaw sinti llakiskayaxa: kunjämatix aka uraqir jutki ukhamakiw sarxani. ¿Kuna askirak apsusti jan inakt'as irnaqatapatsti?

Eclesiastés 5:7

7 (6) Uka layku, walja lup'iñanak taypina, kunayman arunak taypina, jan amuyt'asin lurañanak taypinsa, jumax Diosar axsartañamawa.

Eclesiastés 7:15

Taqi akanak uñjawayta aka juk'a inamay jakañaxanxa: aski jaqinakax askinak lurkasaw jiwapxi, ñanqha jaqinakasti jan walinak lurkasas walja maranakaw jakapxi.

Eclesiastés 7:18

Uk katthapiñax askiwa, amparat jan antutjasa. Khititix Tatitur axsarki ukaxa, taqi kunansa askiruw mistsuni.

Jeremías 44:10

Jichhakamasti janiw jumanakax sarnaqäwinakamsa askichasipktati, janirakiw axsartañas utjapktamti, nayra awkinakamampiru, jumanakampir churata yatichäwinakarusa, kamachinakarusa janirakiw phuqhapktati.

Mateo 25:34

Ukapachaw Reyix kupïxapankirinakar sani: ‘Jumanakax jutapxam, Awkixan qullananakapa, aka uraqi qalltatpacha jumanakatak wiñay jakañ wakichatäkis uk katuqapxam.

Lucas 1:50

Diosax khuyapayasipuniniwa taqi jupar jach'achirinakaruxa.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

Romanos 9:22

Diosasti, mutuyaña, ch'amap uñacht'ayañ munasax wal llamp'uchasïna, khitinakatix mutuyatäñ wakiskäna, chhaqhañar sarkän ukanakataki.

Deuteronomio 12:25

Janipun wila manq'apxamti, ukat jumanakas wawanakamas suman jakapxäta, Diosan nayraqatapan suma luräwinak chiqap uñacht'ayapxatamata.

Deuteronomio 12:28

“Ist'apxam, phuqhapxarakim, taqi kuntix sapksma uka arunaka, ukhamat jumanakasa, wawanakamas sum sarnaqapxañamataki, kunatix Diosan nayraqatapan askïki, chiqäki ukanak luratamata.

Deuteronomio 4:40

Jichhürun churapksma uka kamachi arunakap phuqhapxam, ukatsti jumanakasa, wawanakamasa, sumakiw sarnaqapxäta, walja maranakarakiw jakapxäta Tatit Diosamax wiñayatak churapkätam uka uraqina.”

2 Pedro 2:9

Ukhampï Tatitux wawanakapar yant'anakat qhispiyañ yatixa, ukhamarak jan wali jaqinakarus taripäwi urun mutuyañatak yaqhachixa.