Eclesiastés 7:9 - Qullan Arunaka DC

⁹ Thithiñampix jan atipjayasimti, thithiñax pisi amuyt'an jaqinkiwa.

Aymar Bibliia 1986

⁹ Jan colerasiñampi atipayasimti, colerasiñajj pisi amuyt'an jakenquiwa.

Qullan Arunaca

⁹ Jan colerasiñampi atipayasimti, colerasiñajj pisi amuyt'an jakenquiwa.

Eclesiastés 7:9 Jak'a apnaqawi uñst'ayäwi

Génesis 4:8

Mä urusti, Cainax Abel jilaparuw säna: “Pampar saraskañäni” sasa. Kunapachatix panpachani pampankasipkän ukkhaxa, Cainax Abel jilaparuw jiwayañkam nuwjäna.

2 Samuel 13:22

Absalonax janiw Amnonar parlxaykxänti, walpun jupar uñisïna, Tamar kullakapar ukham ñanqha luratapata.

2 Samuel 13:28

uywatanakaparusti sarakitaynawa: “Amnonar walpun amuyapxäta machantatäxani ukapachaw nayax sapxäma: ‘Jiwayapxam’ sasa, ukatsti jumanakax jiwayapxätawa. Jupar jiwayañ janiw axsarapxätati, nayaw sapxsma. Ukhamasti ch'amañcht'asipxam, jan axsarapxamti” sasa.

2 Samuel 13:32

ukatsti Davidan jilapa, Simá jaqin Jonadab yuqapax akham arsüna: —Jach'a rey, jan amuyamti taqpach wawanakaman jiwaratapxa. Janiw taqini jiwarapkiti, jan ukasti Amnón saparukiw jiwayapxi, ukhampun Absalonax amtatayna, kunürutix Amnonax Tamar kullakapar waynaqkatayna ukürutpacha.

2 Samuel 19:43

43 (44) Israelitanakasti sasipkakïnwa: —¡Nanakax David reyitxa, jumanakat sipan tunka kutiw jupat arsuñax wakt'apxitu. Ukat juk'ampi, nanakaw nayraqat reyir mayipxta kuttanxañapataki. Ukhamasti, ¿kunatarak nanakar jisk'achañ chuymampi uñjapxistasti? —sasa. Ukampisa, Judá markankir jaqinakax israelitanakat sipan, qhuruchasiñampiw arsusisipkakïna.

Proverbios 14:17

Mäki kunatsa mayjt'asir jaqix, jan amuyt'asisaw luri, amuyt'asir jaqisti, llamp'u chuyma uñacht'ayi.

Proverbios 14:29

Llamp'u chuymanïñax, wali ch'ikhi kankañ uñacht'ayi; luqhi chuymanïñasti jan amuyt'asirïñ uñacht'ayaraki.

Proverbios 16:32

Llamp'u chuymanïñaw juk'amp askixa, jan axsarir ch'amani jaqïñat sipana; jiwas pachpa apnaqasiñaw juk'amp askixa, markanaka apnaqañat sipana.

Proverbios 25:8

jan mäki taripañ utar yatiyir jalamti, yaqha jaqiw jutasin may qhanañcharakispa, jumasti p'inqa tukusma.

Eclesiastés 7:10

Janipun jiskt'asimti, “¿Kunatsa nayra maranakax ancha sumänxa?” sasa, uka jiskt'asti janiw ch'ikhin jiskt'apäkiti.

Jonás 4:3

Ukat Tatay, achikt'asinsma, jichhax jakañax apaqxita. Jakaskañat sipansa jiwxañakiw wakisispa —sasa.

Jonás 4:8

Intix jalsunxäna ukapachasti, Tatitux mä junt'u thaya inti jalsu tuqit thayt'aniñapatak wakichäna, intix wali ch'amampiw Jonasan p'iqipxar junt'untäna, amuyasitapatxa ch'amapas q'ala thayjtatjamänwa, jiwxañak munxäna. Ukat säna: —Jakañat sipansa jiwxañakiw wakisxaspa —sasa.

Jonás 4:9

Tatitusti juparux jiskt'änwa: —¿Uka alin pharsxatapat phiñasitamax walikïskiti? —sasa. Jonás profetax sarakïnwa: —¡Jïsa, walikïskiwa, phiñasiñatsa niyaw jiwaskta! —sasa.

Marcos 6:19

Ukat Herodías warmix Juanar uñisïna, jiwayañ munarakïna, ukampis janiw kunjämatsa jiwayañjamäkänti.

Marcos 6:24

Tawaqusti mistuwayasin taykaparuw jiskt'asïna: —¿Kuns mayiristxa? —sasa. Taykapasti sänwa: —Bautisir Juanan p'iqip mayim —sasa.

Santiago 1:19

Munat jilatanaka, akanak amtapxam: taqi jumanakasti ist'añatakix jank'akïpxam; ukatsipana, parlañatakisa, thithiñatakis k'achakïpxam.