Eclesiastés 7:7 - Qullan Arunaka DC

⁷ Jan wali lurañanakax yatiñan jaqirux janiw walt'aykiti, qullqimpi chilltañax chuymap mayjt'ayi.

Aymar Bibliia 1986

⁷ Jan wali lurañanacajj yatiñan jakerojj pisi amuyt'aniruw puriyi, churäwinaca chilltañasti jan waliruw chuymap tucuyaraqui.

Qullan Arunaca

⁷ Jan wali lurañanacajj yatiñan jakerojj pisi amuyt'aniruw puriyi, churäwinaca chilltañasti jan waliruw chuymap tucuyaraqui.

Eclesiastés 7:7 Jak'a apnaqawi uñst'ayäwi

Éxodo 23:8

“Qullqi chilltatax janipuniw katuqasïtati, uka qullqix amuyt'asir jaqinakaruw juykhuptayi; ukatsti jan juchaninakax juchañchataw uñjasipxi.

Proverbios 17:23

Ñanqha lurir jaqix jamasat qullq chilltayasi, chiqapar taripañäki uk maysar q'iwt'añataki.

Proverbios 17:8

Yaqhanakar qullqi chilltas sarnaqir jaqix, taqi kunatakis ch'amanïkaspa ukham amuyasi; amuyatapatxa, kuna lurañanakansa walt'askakiwa.

Eclesiastés 4:1

Ukatsti aka uraqin kunjämtix t'aqhisiyapki ukanak uñjta. Ukat t'aqhisiyatanakan jachatanakap uñjarakta, ukampis janiw khiti chuymacht'iripas utjkiti; t'aqhisiyirinakapax ch'amampiw apnaqapxi, ukampis janiw jupanakar khiti chuymachirix utjkiti.

Eclesiastés 5:8

8 (7) Mä markantix jan kunanir t'aqhisiyiri, chiqa aski lurañar mayjt'ayir uñjsta ukaxa, jan muspharamti, mä jilïrin yaqha jilïripaw utji, ukat juk'amp jilïriw jupanak paninxarux utjaraki.

Eclesiastés 8:9

Akapachan kunanakatix luraski ukanak yatxatañar uchasitax laykuxa, kunjämatix jaqix masinakapar jan walinak lurañatakix ch'amanïki uk uñjarakta.

Isaías 1:23

Jilïr apnaqirinakamas nayatak sayt'asirkamakiwa, lunthatanakampis suman jakasipxi. Taqinis qullqi chilltayasirkamakiwa, waxt'äwinak katuqañak munasipki. Wajcharux janiw chiqapar uñjapkiti, ijma warminakarus janirakiw chiqapar uñjapkiti.

Isaías 33:15

Khititix chiqaparu kuns lurki, chiqa parlkaraki, khititix ch'amampi aparas jan qamiriptkiti, waxt'äwinak laykuki jan kuns lurkiti; jaqi jiwayirinakan arunakapsa janirak ist'kiti, nayranakapsa jan ñanqhanak uñjañatak ch'irmthapkaraki,

Deuteronomio 16:19

Chiqa kankañampiw markar taripapxani, apnaqapxarakini, janiw kuna qullqsa chilltayasipkaniti, qullqi chilltayasiñax jach'a amuyt'an jaqinakarux juykhu tukuyi, chiqa kankañampi parlir jaqinakan arunakapsa maysaruw uñtayi.

Deuteronomio 28:65

Uka markanakan jakkasin janiw sumankañsa, samarañsa jikxatkätati; qawqhas kusisiñ munaskätawa, ukampis Diosax llakt'atak sarnaqayätam.

1 Samuel 12:3

jumanak nayraqatanktwa: Nayatix khitin urqu vacapsa, asnopsa katuntastxa, khitirus t'aqhisiystxa, ñanqhachstxa, jan ukax khitimpis qullqi chilltayastxa ukaxa, Tatitu nayraqatana, kawkïr reyirutix jupax ajlliski uka nayraqatan juchañchapxita, nayasti uka manut phuqxäwa —sasa.

1 Samuel 21:14

14 (15) Ukat Aquís reyix jilïrinakapar säna: —Aka jaqin luqhïtap yatisinsti, ¿kunatakirak nayan nayraqataxar irpanipxtasti?

1 Samuel 8:3

Ukampis Samuelun yuqanakapax janiw awkipjam sarnaqapkänti, jan ukasti taqi kun muniriw tukxapxäna, qullqimpiw chilltayasipxäna, janirakiw kuns chiqapar uñjapkänti.