Eclesiastés 7:16 - Qullan Arunaka DC

¹⁶ Jan sinti askix tukumti, janirak sinti yatiñanis tukumti. ¿Kunatarak jumapach aynacht'añ muntasti?

Aymar Bibliia 1986

¹⁶ Jan sinti suma jake tucumti, janirac sinti yatiñanis tucumti. ¿Cunatsa juma pachpajj aynacht'ascätajja?

Qullan Arunaca

¹⁶ Jan sinti suma jake tucumti, janirac sinti yatiñanis tucumti. ¿Cunatsa juma pachpajj aynacht'ascätajja?

Eclesiastés 7:16 Jak'a apnaqawi uñst'ayäwi

Génesis 3:6

Warmisti uka quqan achupan manqt'añatakisa, yatiñanïñatakisa sumätap uñkatäna. Ukhamasti jupax mä achu apaqasin manq'antäna. Ukatsti chachaparurakiw churäna, jupasti manq'antarakïnwa.

Job 11:12

Kunürutix ch'uminkir asnox suma asnor tukxani, uküruw pisi chuyma jaqix amuythapisini.

Job 28:28

Jaqinakarusti Diosax sänwa: “Yatiñ kankañax: Tatitur taqi chuyma jaysañawa; ch'ikhi kankañax: ñanqhat jithiqtañawa” sasa.

Proverbios 23:4

Qamiriptañatak jan ch'amachasimti; jan ukxat llakisimti.

Proverbios 25:16

Misk'i jikxatät ukaxa, jan jilañchjas manq'amti, jilañchjas manq'asma ukasti waq'aqjasïtawa.

Eclesiastés 12:12

Kuntix maynix ukanakat apski ukax suma iwxa arunakawa. Walja qillqatanak qillqañax janipuniw tukuskiti, ukanakat yatxatañax qarjayiwa.

Mateo 23:29

“¡Kamachi yatichirinaka, fariseonaka, k'ari chuymaninaka; kamacht'apkakïta!, jumanakax profetanakan imäwip lurapxtaxa, aski jaqinakan amay imäwinakap k'achachapxtaxa,

Mateo 23:38

Uñtapxam, utamax q'ala tukjatäniwa;

Mateo 23:5

Jaqin uñjayasiñatakikiw taqi kunsa lurapxi. Paranakaparu, amparanakapar Diosan arunakap qillqsut apañak munapxi, jach'a chhaxchhan isinakampi isthapisiñak munapxi.

Mateo 9:14

Ukatsti Bautisir Juanan arkirinakapaw Jesusar jak'achasisin jiskt'apxäna: —Nanakampi fariseonakampix wal ayunapxta, ¿kunatarak juman yatiqirinakamasti jan ayunapxisti? —sasa.

Lucas 18:12

Nayax semanan pä kutiw ayuno lurta, kuntix jikxatta ukanakat sapa tunkat maya churaraksma’ sasa.

Romanos 10:2

Jupanak laykusti saraktwa, jupanakan mä suma amtäwipaw Diosar luqtañatak utji; ukampis uka amtäwipax janiw chiqpach yatiñ kankañxar utt'ayatäkiti.

Romanos 11:25

Jilatanaka, nayax Diosan jamasan imantatäki uk yatipxañam munta, ukhamat jan jumanakax yatiñaninakjam tukusipkañamataki: yaqhip israelitanakax chuymanakap qalarayasipxi, ukasti jan israelitanakäpki ukanakan mantañapkamakiwa.

Romanos 12:3

Diosax munasiñapan iwxa arunak nayar churatap laykuw taqi jumanakar sapxsma, jan maynis jumanak pachpax jilankatam amuyasipxamti, jan ukasti, kunatix wakiski ukhamak amuyasipxam, kuntix Diosax waxt'äwinak iyawsañamp chika churki ukarjama.

1 Corintios 3:18

Janiy khitis jupapach sallqjaspati: maynitix jumanak taypin akapach yatiñ kankañaparjam yatiñan tukchixa, jan kun yatirjamak tukpan, ukhamat chiqpach yatiñan tukuñapataki.

1 Corintios 3:20

Ukatsti sarakiwa: “Yatiñaninakan amuyunakapan luqhi kankañätap Tatitux yatiwa” sasa.

Filipenses 3:6

kamachir phuqhañ laykusti, Diosan iglesiapar uñisiñampi arknaqirïyätwa, janiw khitis kamachi jan phuqhataxat juchañchkitaspati.

Colosenses 2:18

Jan khitis llamp'u chuymanjam tukus jumanakar juchañchpati, khitinakatix angelanakar yupaychapki ukanakaxa, jupanakasti unañchäwinak uñjapxta sapxiwa, ukampis ukax k'arikamakiwa, jan wali amuyunakapatsti jach'a jach'aw tukupxi.

Colosenses 2:23

Chiqpachansa uka yatichäwinakax sumäkaspas ukhamawa, jaqirux Diosar sum arkañapat yatichatap layku, alt'at chuymanïñ yatichatap layku, ukhamarak janchi apnaqañ yatichatap layku, ukampis janchin munañapar atipjañatakix inamayakiwa.

1 Timoteo 4:3

Uka jaqinakax chacha warmi jaqichasiñat jark'apxi, Diosan uchat manq'anakat tuwasipxi, uka manq'anakasti Diosar iyawsirinakana, chiqa uñt'irinakan yuspagarañ chuymampi manq'añapatak uchatawa.

Apocalipsis 18:19

Ukatsti laq'ampiw p'iqinakapat willxatasipxäna, jachapxäna, wararipxarakïna: “¡Ay, kunarurak purt'asta! ¡Llakkañätaw ch'aman jach'a marka! Qamir yänakamampiw qutan barcompi irnaqirinakax qamiriptapxi. ¡Jichhasti jank'akirakis uka qamir yänakamax tukusiwayxixä!”