Eclesiastés 6:12 - Qullan Arunaka DC

¹² Niy yatitawa, janiw khitis yatkiti kunatix jaqitakix aka jakht'at inamay urunakapan askïki ukxa. Urunakapax ch'iwir uñtataw sarakipani, ¿khitirak jupar yatiyaspa kunatix akapachan jiwatap qhipat luraskani uksti?

Aymar Bibliia 1986

¹² Uqhamasti, janiw qhitis yatquiti cunatejj jaketaqui asquïqui uca inamaya sallkjjata jact'ata jacañapa urunacapana ucjja. Urunacapasti mä ch'iwjamaquiw pasjjani, ucatjja, ¿qhitiraqui yatiyaspasti cunatejj aca oraken pascani, jiwjjani uca khepatsti?

Qullan Arunaca

¹² Uqhamasti, janiw qhitis yatquiti cunatejj jaketaqui asquïqui uca inamaya sallkjjata jact'ata jacañapa urunacapana ucjja. Urunacapasti mä ch'iwjamaquiw pasjjani, ucatjja, ¿qhitiraqui yatiyaspasti cunatejj aca oraken pascani, jiwjjani uca khepatsti?

Eclesiastés 6:12 Jak'a apnaqawi uñst'ayäwi

1 Crónicas 29:15

Juman nayraqatamanxa jaya markankir sarir jaqikïpxtwa, kamisatix nayra awkinakaxax sarir jaqikïpxäna ukhama, nanakan jakäwinakaxas aka uraqin mä ch'iwir uñtatakiwa, jan kuna suyt'añani.

Job 14:2

Panqarar uñtataw panqart'i, ukatsti wañsuwayxakiwa; ch'iwir uñtataw chhaqtawayi.

Job 14:21

Wawanakapax jach'añchatäsipkpasa, janiw jupax uk yatkiti; jan walt'añarus purisipkpan, janiw jupax uk amuykiti;

Job 8:9

Jiwasax masür jaqinakakïtanwa, janiw kuns yatktanti, jakäwisax aka uraqin ch'iwjam sarakipirikiwa.

Salmos 102:11

11 (12) Jakañ urunakaxax ch'iwir uñtataw sarakipi, qurar uñtataw wañsuskarakta.

Salmos 109:23

ch'iwir uñtataw chhaqtaskta; ¡thayax pilpinturjamaw jalayitu!

Salmos 144:4

Jaqix mä samsumpi sasikiwa, jakañapax chhaqtir ch'iwjamakiwa.

Salmos 16:5

Tatay, jumaw nayan taqi kunaxätaxa; jumaw askinakamampi phuqhantista; jakañaxax amparamar katuyatawa.

Salmos 17:15

Nayasti kusisitaw jikxatasï; ajanuy ajanu jumar uñkatasina, ¡uñatatkä ukkhax nayraqataman jikxatasisina!

Salmos 4:6

6 (7) Waljaniw sapxi: “¿Khitirak kusisiñ churistanisti?” sasa. ¡Tatay, khuyapayasiñampiy uñtanipxita!

Salmos 47:4

4 (5) Jupaw markapäñatak ajllisistu, munat Jacobun jach'añchatäñapataki.

Salmos 89:47

47 (48) Tatay, amtasim, jakañ urunakaxax juk'atakikiwa; juman irnuqat jaqix juk'a urunakakiw jaki.

Eclesiastés 10:14

¡Pisi amuyt'an jaqix kuns parlakiwa! ¿Khitis saspa kunatix luraskani ukxa? ¡Janiw khitis jutir urunakat kuns yatkiti!

Eclesiastés 12:13

Parlañax tukusxiwa. Taqi kunaw satäxi. Diosar yupaycham, kamachi arunakapar phuqham, taqi ukanakan jaqitakïtap layku.

Eclesiastés 2:24

Mä jaqitakix manq'asiña, umaña, irnaqäwipat kusisiña ukakiw juk'amp askixa, ukampis taqi ukas Tatitut jutatap amuyarakta.

Eclesiastés 2:3

Amuyuxampi, yatiñ kankañampi apnaqatax vino mallt'añ munasaw machañar katuyasta, jaqix akapachan jakht'at urunakapan kuna asksa jikxataspa, uk yatiñataki.

Eclesiastés 3:22

Ukat nayax amuyta, jaqin askipax luräwipat kusist'añakiwa, ukampis juparux ukhamaw wakt'i, jupan jiwxatapatsti janiw khitis kunatix luraskän uk uñacht'aykaniti.

Eclesiastés 6:11

Mayakiw chiqaxa: walja arunak parlañanxa, axtañ arunakaw utji; ukampix janiw kuna asksa jikxatksnati.

Eclesiastés 7:15

Taqi akanak uñjawayta aka juk'a inamay jakañaxanxa: aski jaqinakax askinak lurkasaw jiwapxi, ñanqha jaqinakasti jan walinak lurkasas walja maranakaw jakapxi.

Eclesiastés 8:13

ukampis jucharar jaqinakatakix janiw kunas sumäkiti, jakäwipas Diosar jan axsaratap laykux mä ch'iwjamakiw sarawayxi.)

Eclesiastés 8:7

akat qhipar kunatix luraskani uk jan yatitapaw jupan jach'a llakipaxa, janirakiw jupar khiti amuyt'ayiris utjkiti.

Eclesiastés 9:6

Munasiñapasa, uñisisiñapasa, munapayasiñapas ukan tukusxi, janipuniw jupanakax akapach luräwinak mayampsa lurkxapxaniti.

Eclesiastés 9:9

Munasit warmimampix kusisit jakasim, Tatitux akapachan juk'a urunak churktam ukana; akapachan jan inakt'as irnaqatamat ukakiw wakt'tam.

Miqueas 6:8

Tatitux niyaw sistam, kunsa lurasma askïñatakixa, kunsa jupax jumat suyixa: askïñama, taqinirus chiqap uñjañam muni, Tatit Diosamarus alt'at chuymamampi yupaychañama.

Santiago 4:14

¡ukampis kunäkanitix qharür jakañamax uk janiw yatisipktati! Jumanakasti mä urpu qinayjamakïpxtawa, ukax mä jisk'apach uñstasax mäkiw chhaqti.