Eclesiastés 5:8 - Qullan Arunaka DC

⁸ 8 (7) Mä markantix jan kunanir t'aqhisiyiri, chiqa aski lurañar mayjt'ayir uñjsta ukaxa, jan muspharamti, mä jilïrin yaqha jilïripaw utji, ukat juk'amp jilïriw jupanak paninxarux utjaraki.

Aymar Bibliia 1986

⁸ Mä marcantï uñjsta pobreru t'akhesiyiri, uqhamarac cheka asqui lurañaru mayjt'ayirsa, jan muspharamti ucatjja, jilïrjjarusti imt'asquiwa mayni juc'amp jupat jilïri, ucatsti uca paninjjarusti mayni jupanacat juc'ampi jilïriraquiw imt'ascaraqui.

Qullan Arunaca

⁸ Mä marcantï uñjsta pobreru t'akhesiyiri, uqhamarac cheka asqui lurañaru mayjt'ayirsa, jan muspharamti ucatjja, jilïrjjarusti imt'asquiwa mayni juc'amp jupat jilïri, ucatsti uca paninjjarusti mayni jupanacat juc'ampi jilïriraquiw imt'ascaraqui.

Eclesiastés 5:8 Jak'a apnaqawi uñst'ayäwi

2 Crónicas 26:10

Ukhamarus wasaranxa pukaranak lurayäna, ukatsti walja uywanakanïtap laykux pampansa qullunsa walja phuch'unak alliyäna. Jupansti pampanakansa, qullunakansa, irnaqiri jaqinakapaw utjäna, jupanakasti uva yapunakapana, huertonakapan irnaqasipkäna, jupan yapu lurañar munirïtap layku.

Job 24:23

Diosaw jupanakarux sumak jakayaski, ukampis sapa chillqtatap uñch'ukiski.

Salmos 12:5

5 (6) Tatitux jupanakarux siwa: “T'aqhin jakir jaqinakampi, jan yäqat jaqinakampix mutuyata, t'aqhisiyataw uñjasipxi. Jupanakar yanapt'añatakiw sartasï, yanapt'ayasiñ munataparjamaw yanapt'ä” sasa.

Salmos 55:9

9 (10) Tatay, jupanakarux tukjam, amtäwinakapsa t'unjam, nuwasiñampi uñisisiñampik jupanak taypin uñjta,

Salmos 82:1

Diosax qullan tantachasïwin sayt'asïna, jilïr taripirinakaruw taripäna:

Salmos 83:18

18 (19) ¡Juma sapak Diosätam yatipxpan, aka uraqxar juma sapak Alaxpachankirïtam yatipxarakpan!

Salmos 95:3

Tatitux jach'a ch'aman Diosawa, k'ari diosanakat sipan munañaniwa.

Proverbios 22:16

Qamiriptañ munasin jan kunaninakar lunthatirixa, jan kunaniw tukusini.

Proverbios 24:12

“Janiw kuns yatkäyätti” siskäta ukasa, Tatitux chuymam uñt'iwa, jupasti sapa mayniruw lurataparjam churani.

Proverbios 8:17

Nayar munasirinakarux munastwa, nayar thaqhirinakasti, jikxatapxituwa.

Eclesiastés 3:16

Akapachan ñanqha lurañanaka, jan walinak utjatap uñjarakta, ukanak lantix aski luraña, chiqapar uñjañaw utjañapäspa.

Eclesiastés 4:1

Ukatsti aka uraqin kunjämtix t'aqhisiyapki ukanak uñjta. Ukat t'aqhisiyatanakan jachatanakap uñjarakta, ukampis janiw khiti chuymacht'iripas utjkiti; t'aqhisiyirinakapax ch'amampiw apnaqapxi, ukampis janiw jupanakar khiti chuymachirix utjkiti.

Eclesiastés 5:9

9 (8) ¡Ukarux markax nayraqataruw sarti satawa, reyis mayninakar luqtiritaki satarakiwa!

Eclesiastés 7:7

Jan wali lurañanakax yatiñan jaqirux janiw walt'aykiti, qullqimpi chilltañax chuymap mayjt'ayi.

Eclesiastés 8:9

Akapachan kunanakatix luraski ukanak yatxatañar uchasitax laykuxa, kunjämatix jaqix masinakapar jan walinak lurañatakix ch'amanïki uk uñjarakta.

Isaías 10:12

Tatitux kuntix Sión qullun lurañ amtki, Jerusalén markansa lurañ amtki, ukanak phuqhapuniniwa. Ukham phuqhasasti, Asiriankir reyiruw mutuyani, jach'a jach'a chuymanïtapata, qhurütapat mutuyani.

Isaías 3:15

¿Kuna munañampirak markaxarusti uñisipxta, juk'a yäninakarus t'aqhisiyapxtasti?” Taqi ch'amani Tatitux ukham siwa.

Isaías 37:36

Uka arumasti Tatitun angelapax sarasin pataka kimsaqallq tunka phisqani waranqa jaqinaka asirionakan campamentopan jiwarayäna, qhipärmanthisti taqiniw jiwarat uñjasipxäna.

Isaías 5:7

Taqi ch'amani Tatitun uva yapupaxa, uka suma munat yapupasa, Israel markawa, Judá markarakiwa. Tatitusti jupanakatxa, kamachipar yäqatäñap munänxa, ukampis jaqi jiwayañanakak jikxatixa; chiqa luräwinak suyt'änxa, ukampisa t'aqhisiñat warariñanakak jikxatarakixa.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Ezequiel 18:18

“Ukampis awkipax, jaqi masipar t'aqhisiyatapata, lunthatasitapata, markap taypinsa jan walinak luratapatxa, pachpa juchanakapat mutuyäwi katuqasaw jiwaskani.

Amós 5:12

Nayax ñanqha luratanakam yattwa, walja juchanakamsa uñt'araktwa: aski jaqirux qullqi chilltayasisaw t'aqhisiyapxtaxa, taripañ utanakansti wajchanakan aynacht'añap thaqhapxtaxa.

Amós 6:12

¿Caballonakax qarqanak patanjam jalapxaspati? ¿Quta taypin qhulliñax wakisispati? ¡Jumanakax chiqa kankañxa jiwayir qullaruw tukuyapxtaxa, aski luräwin achupsti k'allk'uruw tukuyapxaraktaxa!

Miqueas 2:9

Warminakarusti munat utanakapsa aparapxtawa, wawanakarusti kuna askinaktix nayax churkta ukanakatsa, wiñayatakiw jark'apxta.

Zacarías 8:6

Khä urun taqi ukanakax markaxankirinakat qhiparapki ukanakatakix jan amuykayäniwa; ukampis nayatakix janiw ukhamäkaniti. Naya, taqi ch'aman Tatituw arsta.

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Lucas 1:32

Jupax wali aytat jaqïniwa, “Alaxpach Diosan Wawapa” satarakïniwa, ukatsti Dios Tatituw juparux nayra Davidarjam reyit utt'ayani,

Lucas 1:35

Angelasti sänwa: —Qullan Ajayuw jumxar jutani, ukatsti alaxpach Diosan ch'amapaw mä qinayjam jumarux imxattätam. Yurkani uka wawax Diosan Qullan Wawapa satarakïniwa.

Lucas 1:76

Jumasti, munat wawa, alaxpachankir Diosan profetapa satäyätawa, jumaw Tatitun nayraqatap saräta, thakhinakap wakicharakïta,

Hechos 12:23

Ukspachaw Tatitun angelapax Herodesar usuntayäna, Diosäkaspas ukham amuyasitap layku, jupasti laq'unakan manq'antataw jiwxäna.

Romanos 11:33

¡Kunja jach'as Diosan qamir kankañapasa, ch'ikhi kankañapasa, yatiñ kankañapasa! Janiw khitis jupan amtäwinakap qhanañchkaspati, janirakiw khitis jupan thakhip amuyt'kaspati.

Santiago 2:13

Ukampis khitinakatix mayninakat jan khuyapt'ayaski ukaxa, jan khuyapt'ayasiñampi taripatäniwa, khuyapayasirinakasti taripäwi urun sumakiw mistupxani.

1 Pedro 4:12

Munat jilatanaka, uka jach'a yant'anak jumanakxar jutatapatxa, jan mayjt'asipxamti, mä kuna jan walis jutkaspa ukhama.

1 Juan 3:13

Munat jilatanaka, akapachankirinakatix uñisipxstam ukaxa, jan mayjt'asipxamti.