Eclesiastés 5:10 - Qullan Arunaka DC

¹⁰ 10 (9) Khititix qullqi munki ukax juk'amp muni; khititix qamirïki ukax, jan utjirinjamakiwa amuyasi. Ukasti inamayarakikiwa,

Aymar Bibliia 1986

¹⁰ Qhititejj kollke munqui ucajja juc'ampwa muni; qhititejj kamirïqui ucajj, jan utjirinjamaquiwa amuyasi. Ucasti inamayaraquiquiwa.

Qullan Arunaca

¹⁰ Qhititejj kollke munqui ucajja juc'ampwa muni; qhititejj kamirïqui ucajj, jan utjirinjamaquiwa amuyasi. Ucasti inamayaraquiquiwa.

Eclesiastés 5:10 Jak'a apnaqawi uñst'ayäwi

Salmos 52:1

1 (3) Munañan jaqi, ¿kunatarak ñanqha luratamat jach'achastasti? ¡Diosan munasiñapax jan tukuskiriwa!

Salmos 52:7

7 (9) “Uñtapxam, jan axsarir jaqiru, Diosar jan iyawsañ munir jaqiru, qamir yänakapar alkatasir jaqiru, ñanqha luras sarnaqir jaqiru” sasa.

Salmos 62:10

10 (11) Ch'axwañanakarux jan wayusipxamti; ¡janirak lunthatasiñarus chuym katuyasipxamti! Qamiris tukusipkätaxa, qullqir jan alkatapxamti.

Eclesiastés 1:8

Taqi kunaw qarjayasi uk qhanañchirix janiw khitis utjkiti; janiw uñjkasasa, ist'kasas ukanakamp sisthapkiti, ukhamat kusisiñapataki.

Eclesiastés 2:10

Kuntix munkäyät uk luräyäta; kunampitix kusisiñ munkäyät ukampiw kusisïyäta. Taqi chuymaxampiw luratanakaxat kusisïyäta, ukatsti uka kusisiñaw nayan churäwixäna.

Eclesiastés 2:11

Ukatsti nayax kuntix lurkäyäta, qawqha ch'amtix irnaqañatak apskäyät uk uñakipta, ukat taqi kunas inamayakïtap amuyarakta, thayarus katthapiñ munksna ukhamakiwa, janiw kuna askis akapachan utjkiti.

Eclesiastés 2:26

Chiqpachansa Tatituw khitirutix munki ukarux yatiñ kankañsa, yatxatañ chuymsa, jan ukax kusisiñsa churi; ukatsipana jucha lurir jaqirux yänak jikxatañapatakiw irnaqayi, ukat khitirutix munki ukar churxañataki. ¡Ukasti inamayarakikiwa, thayarus katthapiñ munksna ukhamakiwa!

Eclesiastés 3:19

Chiqpachansa jaqinakampi uywanakampix mä sapa tukuyanikiwa: maynis maynisa kipkak jiwapxani, jakayir samanas jupanakatakix janiw yaqha yaqhäkiti. Jaqix janiw uywat sipan jilankkiti; taqi kunas inamayakiwa,

Eclesiastés 4:16

Jupax walja markarus apnaqkchini ukasa, qhiparux janiw uka jaqinakarusa, wawanakaparus kusisiykanit. Ukhamasti ukax inamayarakikiwa, thayarus katthapiñ munksna ukhamakiwa.

Eclesiastés 4:4

Jan inakt'as irnaqaña, nayraqatar sartañax maynit maynikam jilankañ thaqhatapak uñjarakta, ukasti inamayarakikiwa, thayarus katthapiñ munksna ukhamakiwa.

Eclesiastés 4:8

mä sapa chachax jan jila masinakani, jan wawanakani, jan jilanakaniwa, ukat janiw kunapachas samart'kiti, janipuniw qamir yänakap uñjkasas kusisitäkiti, janirakiw jiskt'askarakisa: “¿Khititakis taqi akanak jikxattxa? ¿Kunatsa jakäwixan jan k'uchirtaspachätxa?” sasa. Ukampis taqi akanakax inamayakiwa, mä jathi q'ipïkaspas ukhama.

Eclesiastés 5:9

9 (8) ¡Ukarux markax nayraqataruw sarti satawa, reyis mayninakar luqtiritaki satarakiwa!

Eclesiastés 6:7

Jaqix manq'añatakix jan inakt'asaw irnaqi, ukampis janiw sisthapkiti.

Mateo 6:19

“Akapachan jan walja yänak imapxamti, uka yänakax ina ch'usaruw tukusispa, thuthaw q'al thuthantaspa, jan ukax lunthataw lunthatsurakispa.

Mateo 6:24

“Janiw khitis pani uywirir luqtkaspati, maynirux munasiniwa, maynirusti uñisiniwa, jan ukax maynirux alkataniwa, maynirusti jisk'achaniwa. Diosampiru, qamir yänakampirux janiw khitis luqtkaspati.

Lucas 12:15

Ukampis saskakïnwa: —Amuyasipxam jumanakatakik taqi kunsa munañxata; jaqin jakañapax janiw kunatix utjarapki uka walja yänakapankkiti —sasa.

1 Timoteo 6:10

Qullqir munañax taqi jan wali luräwinakan saphipawa; ukat mayninakax juk'amp munapxatap laykux iyawsäwit maysar saranukupxi, ukatsti jach'a t'aqhisiñanakaruw puripxi.