Eclesiastés 4:4 - Qullan Arunaka DC

⁴ Jan inakt'as irnaqaña, nayraqatar sartañax maynit maynikam jilankañ thaqhatapak uñjarakta, ukasti inamayarakikiwa, thayarus katthapiñ munksna ukhamakiwa.

Aymar Bibliia 1986

⁴ Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Qullan Arunaca

⁴ Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Eclesiastés 4:4 Jak'a apnaqawi uñst'ayäwi

Génesis 26:14

Ovejanakapasa, vacanakapasa, uywatanakapas waljapunïnwa, filisteonakasti ukham uñjasax jupar uñisiñ qalltapxäna.

Génesis 31:1

Ukampis Jacobux Labanan yuqanakapan akham parlasipkatap yatirakïna: “Jacobux taqi kunatix awkisankkäna ukanak katuntasisaw qamiripti” sasa.

Proverbios 27:4

Q'apisiñax chuyma ch'amakt'ayasiñ apani, munapayañax ukat sipan juk'amp jan waliwa.

Eclesiastés 1:14

Ukat nayax amuyta, akapachan kunanakatix lurañäki ukanakax inamayakïtapa, thayarus katthapiñ munksna ukhama.

Eclesiastés 2:21

maynix yatiñampi, uñt'añampi, suma luraña yatitampi luratapaxa jaytxañatakikiwa, khititix jan lurkäna taqi ukanaka jupan katuntasiñapataki ¡Ukasti inamayakiwa, jan chiqapar uñjañarakiwa!

Eclesiastés 2:26

Chiqpachansa Tatituw khitirutix munki ukarux yatiñ kankañsa, yatxatañ chuymsa, jan ukax kusisiñsa churi; ukatsipana jucha lurir jaqirux yänak jikxatañapatakiw irnaqayi, ukat khitirutix munki ukar churxañataki. ¡Ukasti inamayarakikiwa, thayarus katthapiñ munksna ukhamakiwa!

Eclesiastés 4:16

Jupax walja markarus apnaqkchini ukasa, qhiparux janiw uka jaqinakarusa, wawanakaparus kusisiykanit. Ukhamasti ukax inamayarakikiwa, thayarus katthapiñ munksna ukhamakiwa.

Eclesiastés 6:11

Mayakiw chiqaxa: walja arunak parlañanxa, axtañ arunakaw utji; ukampix janiw kuna asksa jikxatksnati.

Eclesiastés 6:9

Aliq amuyañat sipansa uñjañaw askixa. Ukampis ukax inamayawa, thayarus katthapiñ munksna ukhamakiwa.

Mateo 27:18

Pilatox amuyänwa uka jaqinakan uñisiñat Jesusar katuntayatapa.

Hechos 7:9

“Jacobun wawanakapax jiwasan nayra awkinakasawa. Jupanakax José jilaparux uñisipxänwa, ukat jupar aljantawayapxäna Egipto markar irpasxapxañapataki, ukampis Diosax Joseampïskänwa,

Santiago 4:5

Ukatpï Qillqatax sixa: “Diosax kuna ajaytix jiwasar uchkistu uk walpun munasi” sasa.

1 Juan 3:12

Janiw Caín chachjamäñasäkiti, jupax supayankatap laykux jilaparuw jiwayi. ¿Kunatsa jiwayänxa? Cainan luratanakapax janiw walïkänti, jilapan luratapasti askïnwa.