Eclesiastés 4:13 - Qullan Arunaka DC

¹³ Mä tuqitxa, pisi amuyt'an iwxanak jan ist'asir reyit sipansa, mä jan kunan ch'ikhi waynaw askixa.

Aymar Bibliia 1986

¹³ Maya toketjja, asquiwa mä pobre waynajja yatiñanïchi ucqhajja, pisi amuyt'ani awqui reyit sipansa, jupasti jichhajj janiw cuna ewjja arsa catokcaspati uca laycu.

Qullan Arunaca

¹³ Maya toketjja, asquiwa mä pobre waynajja yatiñanïchi ucqhajja, pisi amuyt'ani awqui reyit sipansa, jupasti jichhajj janiw cuna ewjja arsa catokcaspati uca laycu.

Eclesiastés 4:13 Jak'a apnaqawi uñst'ayäwi

Génesis 37:2

Akaw Jacobun wila masipan sarnaqäwipaxa. Joseax tunka paqallqun maranïskän ukkhaxa, jilanakapamp chikaw ovejanak awatirïna, uka jilanakapasti Bilhá, Zilpá warminakan wawanakapänwa, uka warminakasti awkipan uñt'atanakapänwa. Joseasti kuna jan walinaktix jilanakapax lurapxirïkän ukanak awkiparux yatiyapunirïnwa.

1 Reyes 22:8

Israelan reyipasti Josafatar sänwa: —Mayniw utjaski, jupa tuqiw Tatiturux jiskt'araksna. Jupasti Micaías satawa, Imlá chachan yuqapawa. Ukampis nayax jupar walpun uñista, jupax janipuniw suma yatiyäwinak yatiykituti, jan ukasti jan walinakak yatiyitu —sasa. Josafat reyisti sänwa: —Jan ukham samti —sasa.

2 Crónicas 25:16

Profetax uka arunak arskäna ukkhaxa, reyix juparux saskakïnwa: —¿Khitirak jumarusti reyin amuyt'ayiripat uchtamsti? ¡Jan ukanak parlkamti! Jan ukax ¿jiwayatäñcha muntaxa? —sasa. Profetasti ukxarux janiw juk'amp arskxänti, ukampis sänwa: —Diosax uk luratamata, iwxa arunakaxar jan ist'atamatsa t'unjätamwa —sasa.

Proverbios 19:1

Jan kunani, chiqa kankañan jaqïñax juk'amp askiwa, jan yatiñan k'arintasir jaqïñat sipana.

Proverbios 28:6

Sallqjasir qamir jaqïñat sipansa, jan kunanïskaña, chiqa lurirïskañaw juk'amp askixa.

Eclesiastés 4:12

Mayni sapax atipjatäspawa, ukampis panix atipjapxaspawa, ukhamarus kimsat k'anat wiskax janiw mäki t'aqaskaspati.

Eclesiastés 7:19

Mä markan tunka jilïrinakat sipansa, yatiñ kankañaw yatiñan jaqirux juk'amp ch'am churi.