Eclesiastés 3:11 - Qullan Arunaka DC

¹¹ Diosax pachaparuw taqi kuns munkañ luri; ukhamarus jaqin amuyuparux kunatix wiñayäki uk uchi, janisay jaqix kuntix Diosax lurki, kuntix lurkani uk amuykpan.

Aymar Bibliia 1986

¹¹ Diosasti horasaparuwa take cunsa suma luri; uqhamaraquiw jupajj jaken chuymaparu amuyt'ayi cunatï wiñayäqui uca, janisay jakejj takpacha amuyt'cpan Diosan luratanacapa, uqhamaraqui cuntï lurcani ucanacata.

Qullan Arunaca

¹¹ Diosasti horasaparuwa take cunsa suma luri; uqhamaraquiw jupajj jaken chuymaparu amuyt'ayi cunatï wiñayäqui uca, janisay jakejj takpacha amuyt'cpan Diosan luratanacapa, uqhamaraqui cuntï lurcani ucanacata.

Eclesiastés 3:11 Jak'a apnaqawi uñst'ayäwi

Génesis 1:31

Diosasti taqi kuntix lurkatayna ukanakan wali sumätap uñjäna. Ukhamat suxtïr urux phuqhasïna.

Job 11:7

¿Jumasti amuytati Tatitun amtäwinakap uñt'aña, taqi munañ kankañap yatiñkam puriñsa?

Job 37:23

Taqi ch'aman Diosax jan amuyt'kayawa, jupax jach'a ch'amani chiqaparakiwa; chiqapar uñjañ kankañapax jach'awa, janiw khitirus t'aqhisiykiti.

Job 5:9

¡jupax muspharkañ jach'a luräwinak luri, uka luräwinaksti janiw khitis amuyt'irjamäkiti!

Salmos 104:24

¡Tatay, luräwinakamax waljapuniwa! Yatiñ kankañampiw taqi kuns lurtaxa; ¡uraqix luratanakaman phuqhantatawa!

Proverbios 16:4

Tatitux mä amtäwimpiw taqi kuns luri; ñanqha jaqirusa t'aqhisiñ urutakiw irnuqi.

Eclesiastés 1:13

ukatsti nayax yatxatañaruw uchasta, kunatix aka uraqin luraski ukanak ch'ikhi kankañamp yatxatasa. ¡Tatitux ch'ama tukuyañampiw jaqinakarux jisk'ar tukuyi!

Eclesiastés 11:5

Janiw jumax thayan kawksar saratapsa yatktati, janiw kunjämsa wawax taykapan purakapan jilki uksa yatktati, janirakiw Diosan kunjäm luratanakapsa yatktati.

Eclesiastés 7:13

Diosan luräwinakapat sum amuyt'am: ¿khitirak jupan k'umuptayatapar chiqachaspasti?

Eclesiastés 7:23

Taqi akanak wali amuyt'ampiw uñakipta, ukhamasti yatiñ kankañanïñ munäyäta, ukampis janiw jikxatañjamäkänti.

Eclesiastés 7:29

Nayax akhamak jikxatta: Diosax jaqirux chiqap luräna, ukampis pachpa jaqiw jakañap jan walt'añar puriyi.

Eclesiastés 8:17

ukatsti juk'amp amuyta, jaqix kuntix Diosax lurki ukanaka, akapachan kunatix luraski ukanak janiw amuykiti. Qawqsay munasax thaqhaskpan, ukampis janiw jikxatkaniti; yatiñan jaqix “yattwa” saskaspawa, chiqpachansa janiw jikxatkiti.

Mateo 11:27

“Awkixasti taqi kun churxitu. Janiw khitis Yuqarux uñt'kiti, jan ukasti Awkikiw uñt'i; Awkirusti janirakiw khitis uñt'kiti, jan ukasti Yuqakiw Awkirux uñt'i, khitirutix Yuqax uñt'ayañ munki ukanakampi.

Mateo 13:22

Ch'aphi taypir purir jathasti, suma arunak ist'ir jaqinakawa, akapach yänakat llakisitapampi, qamir yänakar munatapampiw atipjayasipxi. Taqi ukanakaw suma arunakar chhaqtayi, janirakiw chuymanakapan jiltaykiti.

Marcos 7:37

Jupanakasti wali muspharataw sapxarakïna: “Taqi kunsa sumpun luri. ¡Uqaranakas ist'xiwa, amutunakas arsxarakiwa!” sasa.

Romanos 1:28

Diosar jan uñt'añ munapxatap laykuxa, jupax jan wali amtäwinakaparuw jaytanuku, kunatix jan lurañäki uk lurapxañapataki.

Romanos 11:33

¡Kunja jach'as Diosan qamir kankañapasa, ch'ikhi kankañapasa, yatiñ kankañapasa! Janiw khitis jupan amtäwinakap qhanañchkaspati, janirakiw khitis jupan thakhip amuyt'kaspati.

Deuteronomio 32:4

Jupaw jiwasan arxatirisaxa; luräwinakapax jan kamskayawa, luratapas chiqaparakiwa. Jupax chiqa kankañan Diosapawa, janiw ñanqha luratapax utjkiti, ¡jupax chiqawa, askirakiwa!