Eclesiastés 2:23 - Qullan Arunaka DC

²³ Taqi jakäwipas llakisiña, ch'ama tukuñakiwa; janiw amuyupas arumax samart'kiti. ¡Ukax inamayarakikiwa!

Aymar Bibliia 1986

²³ Take jacañapanjja t'akhesiñaquiw utji, uqhamarac llaquisiñanacaquiwa; janiw arumasa amuyupanjja samarquiti, lup'iscaquiwa. ¡Ucasti inamayaquiwa!

Qullan Arunaca

²³ Take jacañapanjja t'akhesiñaquiw utji, uqhamarac llaquisiñanacaquiwa; janiw arumasa amuyupanjja samarquiti, lup'iscaquiwa. ¡Ucasti inamayaquiwa!

Eclesiastés 2:23 Jak'a apnaqawi uñst'ayäwi

Génesis 3:17

Chacharusti sarakïnwa: —Warmimar ist'atam layku, ukhamarak “Janiw manq'ätati” sisksma uka quqan achupat manq'atamatxa, jichhax jucham laykuw uraqix ñanqhachatäni; taqi jakawimanxa, wali ch'am tukusaw manq'añam achuyasïta.

Génesis 47:9

Jacobusti sarakïnwa: —Patak kimsa tunkan maranïxtwa, uksa aksa sarnaqarakta, uka juk'a maranakansti jakañax nayatak ch'amänwa, janïraw qawqha maranakatix nayra awkinakaxax jakapkäna ukar purkti —sasa.

Ester (hebreo) 6:1

Uka arumasti reyix janiw ikthapkänti, ukat kawkïr qillqatantix markan taqi jach'a luräwinakapax qillqatäki uka qillqat aptayanïna, jupan nayraqatapan ullarapxañapataki.

Job 14:1

Jaqin jakäwipax mä juk'a urutakikiwa, t'aqhisiñanakampi phuqhantata.

Job 5:7

Pachpa jaqiw llakir puriñ thaqhasiski, kamisatix pachpa nina taypit sank'anakax mistki ukhama.

Salmos 127:2

Willjtat sarnaqatanakax inamayawa, jayp'ukam irnaqatas inamayawa, jump'i apsutampi t'ant'a manq'atas inamayawa, Diosax munat wawanakapan ikiñanakapkam t'ant'a churki ukapachaxa.

Salmos 32:4

amparamax uruy arumaw jatxattasin t'aqhisiyitäna. Lupin suwantir panqarjamaw wañsurakiyäta.

Salmos 90:15

¡Qawqha urunakatix t'aqhisiyapkista ukkha urunakarak kusisiyapxita.

Eclesiastés 1:13

ukatsti nayax yatxatañaruw uchasta, kunatix aka uraqin luraski ukanak ch'ikhi kankañamp yatxatasa. ¡Tatitux ch'ama tukuyañampiw jaqinakarux jisk'ar tukuyi!

Eclesiastés 1:18

Chiqpachansa juk'amp yatiñansti juk'amp jan walt'añaw utji; juk'amp yatxatirix juk'amp llakisi.

Eclesiastés 2:11

Ukatsti nayax kuntix lurkäyäta, qawqha ch'amtix irnaqañatak apskäyät uk uñakipta, ukat taqi kunas inamayakïtap amuyarakta, thayarus katthapiñ munksna ukhamakiwa, janiw kuna askis akapachan utjkiti.

Eclesiastés 5:12

12 (11) Irnaqir jaqix juk'sa, jan ukax waljsa manq'askpan, sumpun ikt'asi; ukampis qamirirux yänakapax janiw ikthapiykiti.

Eclesiastés 5:17

17 (16) Ukhamarus taqi jakäwipansti ch'amakanjam sarnaqawayi, jan walt'añana, t'aqhisiñana, chuyma usuyasiñanakana.

Eclesiastés 8:16

Nayax juk'amp yatiqañaru, yatxatañaru, akapachan kuntix lurapki uk uñakipañaruw uchasta, ukampis jaqix uruy arumaw jan ikthapkiti,

Daniel (hebreo) 6:18

18 (19) Uka qhipatsti reyix jach'a utaparuw sarxäna, janiw uka arumax kuns manq'känti, janirakiw k'uchirt'asirïkän ukhamsa k'uchirt'askänti; uka arumax janiw ikthapirjamäkänsa.

Hechos 14:22

Uka markanakansti Tatitur iyawsirinakarux ch'amañcht'apxänwa, ixwt'apxarakïnwa: “Tatitur iyawsañanakaman ch'aman sayt'apxam. Diosan markapar mantañatakix, t'aqhisiñax wakisipuniwa” sasa.