Eclesiastés 2:22 - Qullan Arunaka DC

²² Ukhamasti, ¿kuns jaqix akapachan jan inakt'as irnaqasa, llakisisax jikxati?

Aymar Bibliia 1986

²² Uqhamasti, ¿cuna ascsa jakejj apsu aca orakena take ucanac lurasinjja, uqhamarac uca take llaquisisinjja?

Qullan Arunaca

²² Uqhamasti, ¿cuna ascsa jakejj apsu aca orakena take ucanac lurasinjja, uqhamarac uca take llaquisisinjja?

Eclesiastés 2:22 Jak'a apnaqawi uñst'ayäwi

Salmos 127:2

Willjtat sarnaqatanakax inamayawa, jayp'ukam irnaqatas inamayawa, jump'i apsutampi t'ant'a manq'atas inamayawa, Diosax munat wawanakapan ikiñanakapkam t'ant'a churki ukapachaxa.

Proverbios 16:26

Irnaqir jaqin manq'a munatapaw irnaqañar jariyi; manq'at awtjayasiñaw irnaqañar nukt'i.

Eclesiastés 1:3

¿Jaqisti kuna askirak jikxati, akapachan sapür irnaqasasti?

Eclesiastés 2:11

Ukatsti nayax kuntix lurkäyäta, qawqha ch'amtix irnaqañatak apskäyät uk uñakipta, ukat taqi kunas inamayakïtap amuyarakta, thayarus katthapiñ munksna ukhamakiwa, janiw kuna askis akapachan utjkiti.

Eclesiastés 3:9

¿Ukataq irnaqir jaqisti, kuna askirak jikxatisti?

Eclesiastés 4:6

Ukampis nayax sistwa: “Mä juk'a samart'añax askiwa jan samart'as irnaqañat sipana, ukampis jan inakt'as irnaqañax inamayakiwa” sasa.

Eclesiastés 4:8

mä sapa chachax jan jila masinakani, jan wawanakani, jan jilanakaniwa, ukat janiw kunapachas samart'kiti, janipuniw qamir yänakap uñjkasas kusisitäkiti, janirakiw jiskt'askarakisa: “¿Khititakis taqi akanak jikxattxa? ¿Kunatsa jakäwixan jan k'uchirtaspachätxa?” sasa. Ukampis taqi akanakax inamayakiwa, mä jathi q'ipïkaspas ukhama.

Eclesiastés 5:17

17 (16) Ukhamarus taqi jakäwipansti ch'amakanjam sarnaqawayi, jan walt'añana, t'aqhisiñana, chuyma usuyasiñanakana.

Eclesiastés 8:15

Ukat nayax kusisiñxat sista: “Kusisiñax utjpan” sasa. Jaqitakix akapachan janiw yaqha suma luräwipax utjkiti, jan ukasti manq'aña, umaña, kusist'aña ukakiw utji, jaqitakix ukakiw irnaqatapat utji, Diosax akapachan jakañ churki uka urunakapana.

Mateo 16:26

¿Kuna askirakïspa jaqitakisti taqpach uraqix jupankxaspa, ukat jakañap apt'asispa ukasti? Jan ukax ¿qawqhampis mä jaqix jakañap alasispasti?

Mateo 6:11

Sapüruy manq'añ churanipxita.

Mateo 6:25

“Sapxaraksmawa: Jan llakisipxamti, kuntix manq'apkäta, umapkäta, isisipkäta ukanakata. ¿Janit jakañax manq'at sipan juk'ampïki, janchis isit sipan juk'ampïkisti?

Mateo 6:34

Jan qharürut llakisipxamti, qharürux llakisiñatak pachax utjaskaniwa. Sapürurakiw llakinakan phuqhantatäski.

Lucas 12:22

Ukxarusti Jesusax yatiqirinakaparux siwa: “Sapxsmawa: Manq'añatsa, isisiñatsa jan llakisipxamti.

Lucas 12:29

Ukhamasti kuntix manq'apkäta, umapkäta ukanakat jan llakit sarnaqapxamti.

1 Corintios 16:16

Nayasti muntwa jumanakax jupanakjam yanapt'asiri, irnaqiri jilatanakar ist'apxañama.

Filipenses 4:6

Janipun kunatsa llakisipxamti, taqi kunsa Diosarupun mayisipxam, ukatsti yuspagarapxarakim.

1 Timoteo 6:8

ukampis manq'añasatix utjaskchi, isisas utjaskchixa, ukampix kusisitakïskañasawa.

1 Pedro 5:7

Taqi llakisiñanakamsti Diosan amparapar jaytapxam, jupasti jumanakarux imasipkätamwa.