Eclesiastés 12:7 - Qullan Arunaka DC

⁷ Uka qhipatsti laq'ax uraq laq'aruw kuttxani, kunjämäkäntix nayrax ukhama, ajayusti khititix churkän uka Diosaruw kutkatxani.

Aymar Bibliia 1986

⁷ Uca pasatatsti lak'acäna ucajj lak'aruw cuttjjani, cunjämäcäntejj nayrajj uqhama, ajayusti Diosan ucaruraquiw cutt'jjaraquini, qhititejj churcäna ucaru.

Qullan Arunaca

⁷ Uca pasatatsti lak'acäna ucajj lak'aruw cuttjjani, cunjämäcäntejj nayrajj uqhama, ajayusti Diosan ucaruraquiw cutt'jjaraquini, qhititejj churcäna ucaru.

Eclesiastés 12:7 Jak'a apnaqawi uñst'ayäwi

Génesis 18:27

Ukampis Abrahamax saskakïnwa: —Tatay, nayan ukham jumar arsutaxat pampacht'ita, jumaw Diosätaxa, nayasti juman nayraqataman jan yäqañ jaqikïtwa;

Génesis 2:7

Ukxarusti Diosax laq'at jaqirux luräna, nasapat phust'asin jakañ churäna. Ukhamat jaqix jakxäna.

Génesis 3:19

Sapüru manq'añamsti jump'imampiw jikxatäta, ukax jiwañamkamäniwa, laq'ata luratäkta uka laq'ar kuttañamkama, laq'ätawa, laq'arurakiw tukxäta —sasa.

Job 20:11

Ch'aman waynpachakiw amay imäwi manqharu mantani.

Job 7:21

¿Janit juchaxat pampachkitasmasti? ¿Jan wali luratax janit pampachkasmasti? Nayax jank'aw uraqir imantat uñjasxä, thaqhität ukapachasti, janiw jikxatkxitätati.

Salmos 103:14

jupaw yati jiwasanakax kunat luratätansa uka: jupax ask yati laq'at luratätasxa.

Salmos 104:29

ajanum imantaskta ukapachax mulljasipxiwa; samanap apaqkta ukkhasti jiwt'apxiwa, laq'aruw tukxapxaraki.

Salmos 146:4

jiwxapxi ukapachaxa, laq'aruw tukxapxi, ukürpachaw amtatanakapax tukusxi.

Salmos 31:6

6 (7) Yaqha diosanakar yupaychirirux uñisipuntwa. Nayasti Tatituruw taqi chuymamp katuyasta.

Salmos 90:3

Jumaw jaqirux laq'ar tukuytaxa, “Jaqinaka, laq'ar kuttxapxam” sasa.

Isaías 57:16

Janiw markaxarux juchañchkäti, janirakiw wiñayatakis phiñaskäti, naya pachpaw jumarux lurassma, janirakiw juman ch'ama laq'ayasiñamsa munkti.

Jeremías 38:16

Ukampis Sedequías reyix Jeremías profetatakix jamasat aka juramento lurarapïna: —Khititix jakañ churkistu uka Tatitun sutipxaruw juramentompi arsurapsma, janiw jiwaykämati, janirakiw khitinakatix jiwayañ munapktam ukanakan amparaparus katuykämati —sasa.

Daniel (hebreo) 12:2

Amay imäwin ikiskirinakat, waljaniw sartapxani: mayninakax wiñay jakañataki, mayninakasti wiñay p'inqachatäñataki, t'aqhisiyatäñatakiraki.

Zacarías 12:1

Tatituw Israel markatak ak yatiyitu: Alaxpach jach'ar tukuyiri, akapach uraqsa utt'ayiri, jaqirus jakañ churiri Tatitux siwa:

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

Números 27:16

—Tatitu Diosay, jumaw taqi jaqinakarus jakañ churtaxa, markaman nayraqatap sarañapatak mä jilïr utt'ayam, jupasti taqi chiqanjam irparakpan, jupanakan jan awatirin tamar uñtat jan sarnaqasipkañapataki —sasa.

Lucas 23:46

Jesusax jach'at art'asïna akham sasa: —¡Awkixay, amparamaruw ajayux katuyasxsma! —sasa. Uk arsusin jiwawayxäna.

Hechos 7:59

Qalamp k'upjapkän ukkhasti, Estebanax Tatitut mayisïna: “Tatit Jesús, ¡ajayux katuqt'asxita!” sasa.

Hebreos 12:23

ukhamarak alaxpachan qillqantatäpki uka Diosan nayrïr wawanakaparusa. Taqinir taripir Diosaru, Diosax askir tukuyki uka aski jaqinakan ajayuparuw jak'achasipxtaxa,

Hebreos 12:9

Ukhamarus kunapachatix wawanakäkäyätan ukkhax, janchi awkinakasax chiqachistänwa, jiwasanakasti ist'arakïyätanwa. ¿Jichhasti janit ukat juk'ampi jakañ jikxatañatak alaxpach Awkisar ist'añasasti wakiskisti?