Eclesiastés 11:8 - Qullan Arunaka DC

⁸ ukampis maynix walja maranak jakkasax taqi kunampisay kusisiskpan, janiw armasiñapäkiti utjkani uka jan walt'añ walja urunakata, ukatsti taqi kunatix jutañampïski ukax inamayakiwa.

Aymar Bibliia 1986

⁸ Ucatsti maynejj walja maranaca jacchini ucasa, uqhamarac take ucanacampisa cusiscchini ucasa, ucampis amtasiñapawa ch'amac urunacasti waljäniwa, ucatsti take cunatejj jutcani ucajja inamayaquiwa.

Qullan Arunaca

⁸ Ucatsti maynejj walja maranaca jacchini ucasa, uqhamarac take ucanacampisa cusiscchini ucasa, ucampis amtasiñapawa ch'amac urunacasti waljäniwa, ucatsti take cunatejj jutcani ucajja inamayaquiwa.

Eclesiastés 11:8 Jak'a apnaqawi uñst'ayäwi

Job 10:21

jan mayampitaki sarxañäki ukar janïr sarxarkipana, ch'amakan markaparu, ch'iyär qinayanakan markaparu,

Job 10:22

ch'iwin markaparu, jan walt'añan markaparu, kawkhantix pachpa qhanasa ch'amakampix mayakïki ukaru.

Job 14:10

Ukampisa, jaqix jan mayampitakiw jiwxi; jiwxasinsti, ¿kawkirurak sarxisti?

Job 14:12

ukampis alaxpachan utjañapkamasti, jaqix janiw amay imäwipat sartkaniti; janirakiw ikïwipatsa p'arxtkaniti.

Job 15:23

Jiwat janchipasti siwiq'aranakan manq'aparuw tukuni; tukusiñ urupa jak'ankatap yatisi.

Job 18:18

Qhanat ch'amakar jaqunukutaw uñjasini; akapachat apanukutaw uñjasirakini.

Salmos 49:20

20 (21) Jaqix qamirïskpasa, janiw wiñayatakïkiti, uywanakjam jiwirikiwa.

Eclesiastés 11:2

Qawqhatix utjktam ukanak mayninakamp jaljasim, ukampis jumax janiw yatktati, markarux kuna jan walitix jutkani uka.

Eclesiastés 2:15

ukat sista: “Kunatix pisi amuyt'anirux suyt'ki ukax nayaruw suyt'arakitu, ukhamasti nayatakix wali yatiñanïñax janiw askïkiti. ¡Ukas inamayakiwa!

Eclesiastés 2:17

Nayax jakañar uñisiñaruw purta, kunatix aka uraqin luraski ukax nayatakiw sayt'i. Chiqpachansa, taqi ukas inamayakiwa, ¡thayarus katthapiñ munksna ukhamakiwa!

Eclesiastés 2:19

Ukatsti, ¿khitirak naya qhipat jutir jaqin ch'ikhïtapsa, pisi amuyt'anïtapsa yatispasti? Ukatsipana nayax kunanaktix ch'ama tukuñampi, yatiñ kankañamp jikxatkta uk katusini. ¡Ukas inamayarakikiwa!

Eclesiastés 2:26

Chiqpachansa Tatituw khitirutix munki ukarux yatiñ kankañsa, yatxatañ chuymsa, jan ukax kusisiñsa churi; ukatsipana jucha lurir jaqirux yänak jikxatañapatakiw irnaqayi, ukat khitirutix munki ukar churxañataki. ¡Ukasti inamayarakikiwa, thayarus katthapiñ munksna ukhamakiwa!

Eclesiastés 4:16

Jupax walja markarus apnaqkchini ukasa, qhiparux janiw uka jaqinakarusa, wawanakaparus kusisiykanit. Ukhamasti ukax inamayarakikiwa, thayarus katthapiñ munksna ukhamakiwa.

Eclesiastés 4:8

mä sapa chachax jan jila masinakani, jan wawanakani, jan jilanakaniwa, ukat janiw kunapachas samart'kiti, janipuniw qamir yänakap uñjkasas kusisitäkiti, janirakiw jiskt'askarakisa: “¿Khititakis taqi akanak jikxattxa? ¿Kunatsa jakäwixan jan k'uchirtaspachätxa?” sasa. Ukampis taqi akanakax inamayakiwa, mä jathi q'ipïkaspas ukhama.

Eclesiastés 6:11

Mayakiw chiqaxa: walja arunak parlañanxa, axtañ arunakaw utji; ukampix janiw kuna asksa jikxatksnati.

Eclesiastés 6:6

Jupax pä waranqa maras jakchisapän ukas janiw yänakapat kusiskasapänti. Chiqpachansa, ¡taqiniw uka pachpar sarapxi!

Eclesiastés 7:14

Sumankaña jutipanxa kusisim; jan walt'añ jutipansti amuyt'asirakim, mayasa, mayasa Diosankiwa, ukatsti jaqix janipuniw yatkiti kunatï jutir urunakana jutkani ukatxa.

Eclesiastés 8:12

Ukhamasti jucharar jaqix walja kuti juchanak lurkasas walja maranakaw jakaski. (Nayax khitinakatix Tatitur jach'añchapki, axsarapki ukanakan sumak jakasipxatap yatiyäta;

Eclesiastés 8:15

Ukat nayax kusisiñxat sista: “Kusisiñax utjpan” sasa. Jaqitakix akapachan janiw yaqha suma luräwipax utjkiti, jan ukasti manq'aña, umaña, kusist'aña ukakiw utji, jaqitakix ukakiw irnaqatapat utji, Diosax akapachan jakañ churki uka urunakapana.

Eclesiastés 9:7

T'ant'amsti kusisiñamp manq'asim, vinomsa kusisiñampirak umt'asim, juman luratanakamax Tatiturux kusisiyiwa.

Jeremías 13:16

Tatitu Diosamar jach'añchapxam, jupax ch'amaka janïra puriyankipana, ch'amak qullunakan jumanakan janïr liwirtkipana; kawkïr qhantix jumanakax suyapkäyäta uk jupax ch'amakar janïr tukuykipana.

Joel 2:2

ch'amaka laxa uruwa, qinaya ch'iwi ururakiwa. Wali ch'amani walja soldadonakan ejercitow qullunakan aywtani, willjta qhanar uñtataw uraqxar purintani. Janipuniw kunapachas ukax uñjasirïkänti, kunatix jichhax uñstki ukaxa, jutir urunakansa janirakiw uñjaskaniti.

Mateo 22:13

Ukatsti reyix uywatanakaparuw säna: ‘Kayumpita, amparampit ñach'antas anqa ch'amakar jaqunukupxam, ukan wararini, laka ch'aksa t'urusirakini.’

Juan 12:35

Jesusasti jupanakarux sänwa: —Mä juk'a urunakakiw qhanax jumanak taypinkani. Qhana utjkipan sarnaqapxam, ch'amakamp jan katjayasiñataki; ch'amakan sarnaqiristi janiw kawksar saratapsa yatkiti.

Deuteronomio 32:29

Jupanakatix yatiñanïpxaspaxa, amuyt'apxaspawa; kunäkanitix ukanaksa yatipxarakispawa.

Judas 1:18

sapkäyätam ukanakat amtasipxam: “Qhipa urunakanxa, Tatitut larusir jaqinakaw utjani, jupanakasti jan wali amtäwinakaparjamaw jakapxani” sasa.