Eclesiastés 11:5 - Qullan Arunaka DC

⁵ Janiw jumax thayan kawksar saratapsa yatktati, janiw kunjämsa wawax taykapan purakapan jilki uksa yatktati, janirakiw Diosan kunjäm luratanakapsa yatktati.

Aymar Bibliia 1986

⁵ Cunjämatejj jumajj jan yatcta thayajj cawquirutejj sarqui ucjja, janirac cunjämasa wawajj taycapana puracapan jilqui ucsa, janiraquiw yatctati take cun lurir Diosan luratanacapatjja.

Qullan Arunaca

⁵ Cunjämatejj jumajj jan yatcta thayajj cawquirutejj sarqui ucjja, janirac cunjämasa wawajj taycapana puracapan jilqui ucsa, janiraquiw yatctati take cun lurir Diosan luratanacapatjja.

Eclesiastés 11:5 Jak'a apnaqawi uñst'ayäwi

Job 37:23

Taqi ch'aman Diosax jan amuyt'kayawa, jupax jach'a ch'amani chiqaparakiwa; chiqapar uñjañ kankañapax jach'awa, janiw khitirus t'aqhisiykiti.

Job 38:4

Nayax aka uraqi utt'aykäyäta ukapachasti ¿kawkinkarakïyätasti? ¡Jumatix chiqpacha sum yatsta ukapachax sitaya!

Job 5:9

¡jupax muspharkañ jach'a luräwinak luri, uka luräwinaksti janiw khitis amuyt'irjamäkiti!

Salmos 104:24

¡Tatay, luräwinakamax waljapuniwa! Yatiñ kankañampiw taqi kuns lurtaxa; ¡uraqix luratanakaman phuqhantatawa!

Salmos 40:5

5 (6) Dios Tatay, muspharkañ luratanakamax waljawa, nanakat khuyapayatamas waljarakiwa. ¡Janiw khitis jumjamax utjkiti! Ukanakxat yatiyañ munta, arsuñ munarakta, ukampis nayatakix janiw jakht'añjamäkiti.

Salmos 92:5

5 (6) Tatay, ¡luratanakamax sinti muspharkayawa!, ¡amtatanakamax jan amuyt'kayawa!

Eclesiastés 1:13

ukatsti nayax yatxatañaruw uchasta, kunatix aka uraqin luraski ukanak ch'ikhi kankañamp yatxatasa. ¡Tatitux ch'ama tukuyañampiw jaqinakarux jisk'ar tukuyi!

Eclesiastés 1:6

Thayax aynach tuqiruw thayt'i, ukatsti amsta tuqiruw muyti. ¡Thayax muytas muytasaw sari! ¡Muytanisax pachpar muyjtaskakiwa!

Eclesiastés 11:4

Yapuchañ munasax jan thayak uñch'ukkamti, achunak apthapiñ munasas jan qinayanakak uñch'ukkamti.

Eclesiastés 3:10

Diosax jaqir ch'ama tukuñanak katuyatap amuyta, ukat ukanakampix jisk'ar tukuyañataki.

Eclesiastés 3:11

Diosax pachaparuw taqi kuns munkañ luri; ukhamarus jaqin amuyuparux kunatix wiñayäki uk uchi, janisay jaqix kuntix Diosax lurki, kuntix lurkani uk amuykpan.

Eclesiastés 7:24

¡Taqi kunatix utjki ukax janiw jikxatañjamäkiti! ¡Sinti ch'amawa, jan khitinsa amuyt'kayarakiwa!

Eclesiastés 8:17

ukatsti juk'amp amuyta, jaqix kuntix Diosax lurki ukanaka, akapachan kunatix luraski ukanak janiw amuykiti. Qawqsay munasax thaqhaskpan, ukampis janiw jikxatkaniti; yatiñan jaqix “yattwa” saskaspawa, chiqpachansa janiw jikxatkiti.

Isaías 40:28

¿Janit yatipktasti, janit ist'kta? Tatituw, wiñay Diosaxa, aka uraqpacha luririxa, janiw jupax ch'amtaykiti, janirakiw qarjaskisa, yatiñ kankañapasti jan tukuskiriwa.

Juan 3:8

Thayax kawksatsa thayt'anikiwa, thayt'atapsa ist'askam, ukampis janiw yatktati kawksat jutatapsa, kawksar saratapsa. Ukhamarakiw Ajayut yuritanakaxa —sasa.

Romanos 11:33

¡Kunja jach'as Diosan qamir kankañapasa, ch'ikhi kankañapasa, yatiñ kankañapasa! Janiw khitis jupan amtäwinakap qhanañchkaspati, janirakiw khitis jupan thakhip amuyt'kaspati.