Eclesiastés 10:8 - Qullan Arunaka DC

⁸ P'iya allirixa, pachpa p'iyaruw liwirantti. Pirqa tinkuyirirusti, katariw achji.

Aymar Bibliia 1986

⁸ Qhititejj mä p'iya lurqui ucajja, pachpa p'iyaruwa liwirantti. Qhititejj perka jaranucqui ucarojja, catariw achji.

Qullan Arunaca

⁸ Qhititejj mä p'iya lurqui ucajja, pachpa p'iyaruwa liwirantti. Qhititejj perka jaranucqui ucarojja, catariw achji.

Eclesiastés 10:8 Jak'a apnaqawi uñst'ayäwi

2 Samuel 17:23

Ahitófel jaqisti jupan amtataparjam jan lurapxatap uñjasax, asnop wakicht'asisin yurïwi markapan utjir utaparuw sarxäna; ukatsti wila masinakapan jan walt'añanakap taqi kun sumar askicht'xasinsti, jaychkatasïnwa. Ukhamaw jupax jiwxäna, ukatsti awkipan amay imäwipar imt'atäxänwa.

2 Samuel 18:15

Ukatsti Joab chachan yanapirinakapat tunkaniw Absalonar muyuntasin jiwayapxäna.

Ester (hebreo) 7:10

Ukhamaw Amán chachax jaychkatat uñjasïna, kawkïr jaychkatañtix Mardoqueotak wakichaykäna ukaru. Ukham lurayasaw reyix phiñasiñap apjtayasïna.

Salmos 57:6

6 (7) Nayampi timasirinakax sipit uchantapxi, uka sipitar jalt'añaxataki; mä jach'a p'iya jalantañaxatak lurapxi, ukampis jupanakakiw ukarux jalantxapxi.

Proverbios 11:6

Chiqa sarnaqir jaqinakarux aski kankañaw qhispiyani, inampst'ir jaqinakarusti juk'amp munañaw katjaskani.

Proverbios 26:27

Mä p'iya allirixa, uka pachparuw jalantani; mä jach'a qala qurumt'ayirirux, uka pachpa qalaw jupar jalxattani.

Eclesiastés 10:9

Qala k'uthir jaqixa, pachpa qalampiw usuchjasi. Lawa ch'ixtir jaqixa, pachpa lawampiw usuchjasi.

Amós 5:19

Kunjämatix mä jaqix leonan nayraqatapat jaltkasax mä osompirak jalthapki ukhamäniwa, jan ukax, maynix utapar mantasin amparap pirqar aykatasa katarimpi mich'intayaski ukhamäniwa.

Amós 9:3

Carmelo qullu patarus imantasisipkpan, ukakamas thaqhirix saraskakïwa; quta manqharus nayat imantasisipkpan, quta manqhankir laq'ur khithasaw nayax tukjayä;

Jueces 9:5

Ofrá sat markaru sarapxäna, kawkintix awkipax jakkatayna ukkharu, ukansti, uka qhuru jaqinakaxa, mä sapa qala patxarukiw Abimélec chachan paqallq tunka jilanakapar jiwarayapxäna. Jotam sata, Gedeonan sullka yuqapakiw imantasisin qhispïna.