Eclesiastés 10:12 - Qullan Arunaka DC

¹² Yatiñan jaqin arunakapax taqinin chuymaparuw purt'i, pisi amuyt'irin arunakapasti jupa pachparuw aynacht'ayi:

Aymar Bibliia 1986

¹² Yatiñan jaken arunacapampiw takenimpi munayasi, ucampis pisi amuyt'anin arunacapajj jupa pachpan aynacht'añapataquiquiwa:

Qullan Arunaca

¹² Yatiñan jaken arunacapampiw takenimpi munayasi, ucampis pisi amuyt'anin arunacapajj jupa pachpan aynacht'añapataquiquiwa:

Eclesiastés 10:12 Jak'a apnaqawi uñst'ayäwi

2 Samuel 1:16

Davidasti sarakïnwa: —Juma pachpaw jiwañamatak juchanïsktaxa, juma pachparakiw Tatitun ajllit reyipar jiwayatamsa arsusisktaxa —sasa.

Job 16:5

suma chuymachasiñ arunak sapxirisma, jumanakar ch'amacht'añataki.

Salmos 37:30

Aski jaqix yatiñ kankañampiw parli; chiqa jaqisti chiqap parli.

Salmos 64:8

8 (9) pachpa arunakapaw aynacht'añarux puriyani, jupanakar uñjirinakasti larusipxaniwa.

Proverbios 10:10

Jan wali amtampi nayra ch'irmt'ir jaqixa, jach'a jan walt'añanak utjayi; jan wali parlir jaqisti, aynacht'añaruw puri.

Proverbios 10:8

Yatiñan jaqix arsüwinakar jaysiwa; jan amuyt'asis parlir jaqisti aynacht'añaruw puri.

Proverbios 12:18

Jan amuyt'as arsur jaqix, arunakapampiw maynir chuym usuchji, amuyt'ampi arsur jaqin arunakapasti qullar uñtatawa.

Proverbios 15:2

Yatiñan jaqinakax yatiñ kankañampiw arsupxi, jan amuyt'an jaqinakasti luqhi arunakak parlapxi.

Proverbios 15:23

¡Kunja askisa jiskt'aru wakiskir arunak arusxatañaxa, wakisitapar arusxatañasti juk'amp askiwa!

Proverbios 19:5

K'arisis irkatir jaqix, mutuyatapuniw uñjasini; k'ari jaqisti janiw kunjämatsa jaltkaniti.

Proverbios 22:11

Reyix qhana chuyman jaqiruw muni, quña arumpi parlir jaqimpiw suman sarnaqasiraki.

Proverbios 26:9

Kamisatix machat jaqix ch'aphin ch'aphintatax jan usuyaskixa, ukhamarakiw jan amuyt'asir jaqix säwi arunak jan amuyt'kiti.

Proverbios 31:26

Jupax yatiñ kankañampipuniw parli, munasiñampiw wawanakapar yaticharaki.

Eclesiastés 12:11

Yatiñ kankañan jaqin säwi arunakapax mich'inakar uñtatawa, mayar apthapitasti ch'akt'ata ch'akurunakäkaspas ukhamawa, mä awatirin uskt'ata.

Eclesiastés 4:5

Jaqix siwa: “Jan amuyt'asir jaqix janiw irnaqañ munkiti, ukat manq'atjam jiwaski” sasa.

Eclesiastés 5:2

2 (1) Diosatak mä kun lurañatakis jan mäki arsumti, Diosax alaxpachankiwa, jumasti akapachankaraktawa. Ukat juk'ak parlañamax wakisi,

Eclesiastés 5:6

6 (5) Arsutamampix jan juchachasimti, janirak Diosan khithataparus “Pantjastwa” samti. ¿Kunatsa parlatamampix Diosar phiñasiyäta, ukat luratanakam t'unjañapatakisti?

Eclesiastés 9:17

Pisi amuyt'an jaqinakan reyipan arnaqasitapat sipansa, yatiñan jaqinakan quña arunakapaw juk'amp sum ist'asi.

Mateo 12:35

Mä suma jaqix sumanak arsu, chuymapan suma amtañanak utjatap layku, jan wali jaqisti jan walinakak arsu, chuymapan jan wali amtañanak utjatap layku.

Lucas 19:22

Ukat reyix jupar säna: ‘Jumax jan wali irnaqir uywatätawa, kipka arunakamampiw juchañchsma. Jumatix yatchïyäta nayan qhuru jaqïtaxa, jan uchkta ukkhat apsurïtaxa, kawkharutix jan yapuchkta ukkhat apthapirïtaxa,

Lucas 4:22

Jaqinakasti taqiniw Jesusat sum parlapxäna, jupan suma arunakap jupanakar parlt'atapat muspharasipxäna. Ukatsti Jiskt'asipxänwa: —¿Janit akax Josean yuqapäki? —sasa.

Efesios 4:29

Jan wali arunakax lakamat jan mistpati, jan ukasti mayninakar ch'amañchir suma arunak mistpan, ukhamat ist'irinakatak askïñapataki.

Colosenses 4:6

Parlatanakamasti sumäñapapuniwa, sapa maynir kunjäm arusxatañsa yatipxañamarakiwa.