Eclesiastés 1:3 - Qullan Arunaka DC

³ ¿Jaqisti kuna askirak jikxati, akapachan sapür irnaqasasti?

Aymar Bibliia 1986

³ Aca oraken wali irnakasinjja, ¿cuna ascsa jakesti jicjjati?

Qullan Arunaca

³ Aca oraken wali irnakasinjja, ¿cuna ascsa jakesti jicjjati?

Eclesiastés 1:3 Jak'a apnaqawi uñst'ayäwi

Eclesiastés 2:11

Ukatsti nayax kuntix lurkäyäta, qawqha ch'amtix irnaqañatak apskäyät uk uñakipta, ukat taqi kunas inamayakïtap amuyarakta, thayarus katthapiñ munksna ukhamakiwa, janiw kuna askis akapachan utjkiti.

Eclesiastés 2:18

Nayax akapachan kuntix lurkäyät ukanak uñisiñaruw purta, ukampis taqi ukanak naya qhipat jutir jaqir jaytañaxäniwa.

Eclesiastés 2:19

Ukatsti, ¿khitirak naya qhipat jutir jaqin ch'ikhïtapsa, pisi amuyt'anïtapsa yatispasti? Ukatsipana nayax kunanaktix ch'ama tukuñampi, yatiñ kankañamp jikxatkta uk katusini. ¡Ukas inamayarakikiwa!

Eclesiastés 2:22

Ukhamasti, ¿kuns jaqix akapachan jan inakt'as irnaqasa, llakisisax jikxati?

Eclesiastés 3:9

¿Ukataq irnaqir jaqisti, kuna askirak jikxatisti?

Eclesiastés 4:3

ukampis uka panit sipansa khitinakatix janïr yuripki ukanakaw wali kusisitäpxi, jupanakax janïraw aka uraqin jan wali luratanakap uñjapkiti.

Eclesiastés 4:7

Maysa tuqitsti akapachan kunatix inamayäki uk uñjarakta:

Eclesiastés 5:16

16 (15) Akaw sinti llakiskayaxa: kunjämatix aka uraqir jutki ukhamakiw sarxani. ¿Kuna askirak apsusti jan inakt'as irnaqatapatsti?

Eclesiastés 5:18

18 (17) Nayax akhamak amuyta: jakäwin askipax manqt'asiña, umt'asiña, aka uraqin mä juk'a urunak Diosax churkistu ukan jan inakt'as irnaqatasat kusist'aña ukakiwa, ukampis ukaw jiwasanakar wakt'istu.

Eclesiastés 6:12

Niy yatitawa, janiw khitis yatkiti kunatix jaqitakix aka jakht'at inamay urunakapan askïki ukxa. Urunakapax ch'iwir uñtataw sarakipani, ¿khitirak jupar yatiyaspa kunatix akapachan jiwatap qhipat luraskani uksti?

Eclesiastés 7:11

Akapachan jakiritakix yatiñanïñaw askixa, ukampis yatiñanïñampi, kamirïñampiw juk'amp askixa.

Eclesiastés 9:13

Akapachan yaqha uñjarakta, ukasti nayatakix mä suma yatichäwiwa:

Eclesiastés 9:3

Akapachan taqi kunatix luraski ukanakat akaw jan walïkiti: taqinirus pachpakiw suyt'aski. Mä tuqitxa, jaqin amuyupax ñanqha lurañampi phuqt'atawa; taqi jakäwipansti luqhi kankañaw amuyuparux apnaqi; ukatsti tukuyarux jiwañarukiw purxi.

Eclesiastés 9:6

Munasiñapasa, uñisisiñapasa, munapayasiñapas ukan tukusxi, janipuniw jupanakax akapach luräwinak mayampsa lurkxapxaniti.

Isaías 55:2

¿Kunatsa qullqinakam kunatix jan t'ant'äki ukar inamay churasipkta? ¿Kunatsa qullqinakam kunatix jan askïki ukar inamay tukjasipkta? Sum ist'apxita, ukat suma manq'anak manq'apxäta, suma muxsa manq'anak manq'apxäta.

Habacuc 2:13

Taqi ch'amani Tatitusti, luratanakamxa, jan inakt'atanakamsa inamayaruw tukuyani, taqi luratanakamas ninampi tukjatäniwa.

Habacuc 2:18

¿Kunatakis askix mä diosaxa sum lurt'asin tukuyatäkchi ukaxa? ¿Kunatakis askix jaqin lurt'at mä diosaxa yatichäwinakapas k'arikamakïchi ukaxa? uka yaqha diosanakax janiw parlapkiti; ¿kunjämaraki uka yaqha diosanak lurir jaqisti uka diosanakar atint'asispasti?

Mateo 16:26

¿Kuna askirakïspa jaqitakisti taqpach uraqix jupankxaspa, ukat jakañap apt'asispa ukasti? Jan ukax ¿qawqhampis mä jaqix jakañap alasispasti?

Juan 6:27

Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

1 Corintios 16:16

Nayasti muntwa jumanakax jupanakjam yanapt'asiri, irnaqiri jilatanakar ist'apxañama.