Daniel (hebreo) 9:7 - Qullan Arunaka DC

⁷ Jumax Tatay, chiqapapunïtawa, jichhürusti nanak judionakax wali p'inqa tukupxta; Jerusalén markan jakirinaka, taqpach Israel markankirinaka, jak'ankirinaka, jayankirinaka; kawkha markanakarutix jumax, jumataki sayt'asipxatap layku ananukkta ukan jakirinaka.

Aymar Bibliia 1986

⁷ Jumajj, Tata, chekapapunïtawa, ucampisa nanaca judionacajj wali p'enkasipjjta; cawquïrinacatejj Jerusalén marcan jacapqui ucanacjamaraqui, uqhamaraqui yakha israelitanacjamaraqui, uca quipcaraqui cawquïrinacatejj jacapqui yakha marcanacana, uqhamaraqui jumaw ucanacarojj uqham ananucuracta juma nayrakatan sayt'asipjjatap laycu.

Qullan Arunaca

⁷ Jumajj, Tata, chekapapunïtawa, ucampisa nanaca judionacajj wali p'enkasipjjta; cawquïrinacatejj Jerusalén marcan jacapqui ucanacjamaraqui, uqhamaraqui yakha israelitanacjamaraqui, uca quipcaraqui cawquïrinacatejj jacapqui yakha marcanacana, uqhamaraqui jumaw ucanacarojj uqham ananucuracta juma nayrakatan sayt'asipjjatap laycu.

Daniel (hebreo) 9:7 Jak'a apnaqawi uñst'ayäwi

Esdras 9:13

“Nanakan juchachasitanakaxata, ñanqha luräwinakaxat taqi uka jan walt'añanakarux puripxta. Nanakan Tatituxay, janiw juchanakaxatjam mutuyapkistati, jan ukasti, jan kuna llakin sarnaqasiñak churapxistaxa,

Esdras 9:15

“¡Tatay, Israel markan Tatit Diosapa, jumax chiqaparuw uñjapxista! Jumarakiw wakt'ayarakta nanak taypit mä tama qhispiyasina jakañapsa, kunjämatix jichhürux uñjapkta ukhama. Nanakasti chiqpachan juma nayraqatan wali juchanïpxtwa; jumar jak'achasiñatakis janiw askïpkti” sasa.

Nehemías 9:33

Ukampis jumax chiqapätawa, taqi kunanakatix nanakxaru jutkäna ukanakat mutuñanakaxax wakisïnwa; jumax chiqaparuw uñjapxistaxa, nanakaw kunatix jan walïki uk lurapxtxa.

Salmos 119:137

Tatay, jumax askïtawa; kamachi arunakamax chiqapawa.

Salmos 44:15

15 (16) Sapüruw jisk'achat uñjasta; ajanuxas p'inqaxat uraqinkiwa,

Salmos 51:14

14 (16) ¡Dios Tatay! Nayan qhispiyirixa, jiwañat qhispiyita, q'ucht'asisaw juman chiqätam qhanañchä.

Salmos 51:4

4 (6) Jumataki, jumatakiw juchachasta, jumax juchañchkta uka juch lurta. Ukat juchañchatamax chiqapa; taripäwimas jan kamskayaraki.

Isaías 11:11

Uka urunakanxa, Tatitux wasitat ch'amap uñacht'ayani, markapat jilt'irinakarusti akïr markanakat kuttayanxani: Asiria, Egipto, Patros, Etiopía, Elam, Sinar, Hamat, ukhamarak quta tuqinkir markanakatsa.

Isaías 45:16

Taqi khitinakatix diosanak lurasipki ukanakaxa, p'inqachjata, jisk'achjataw uñjasipxani.

Jeremías 12:1

Tatay, jumampi ch'axwañarutix uskusïxa, juman arumakipuniw chiqapaxa; ukampis nayax jiskt'añ munirisma, ¿kunatsa ñanqha jaqinakatakix taqi kunas sumak lurasirapi? ¿kunatsa ch'uxña luririnakax sumak jakasipxi?

Jeremías 23:6

Uka reyin apnaqäwipansti, Judá uraqix qhispiyatäniwa, Israel markas taqi jan walit jark'aqataw jakasini. Aka sutimpiw sutichapxani: ‘Tatituw jiwasan atipjirisaxa’ ” sasa.

Jeremías 24:9

Jupanakarusti yaqha markanakatakis axtaskañ tukuyä, jisk'achjata, apanukuta, ñanqhachjata ukhamaw kawki markanakarutix nayax ananukkä uka markanakan sarnaqapxani.

Jeremías 3:25

Jichhax p'inqasiñatsa amuki alt'asipxañäni, wawatpacha jichhakamaxa, jiwasanakasa, awkinakasasa, Tatitu Dios nayraqatan juchanak lurapxtanxa, janirakiw juparux jaysapktanti.”

Jeremías 32:32

kuntix Israel uraqin markanakapaxa, Judá uraqin markanakapasa, reyinakapasa, jilïrinakapasa, sacerdotenakapasa, profetanakapasa, ukhamarak Judá uraqina, Jerusalén markana jakirinakas lurapkitu ukanakat jupanakarux q'al chhaqtayä.

Jeremías 33:16

Uka urun Judá uraqix suman jikxatasini, Jerusalén markasti jan khitin kun sataw jakasirakini. Ukat aka sutimpi sutichatarakïni: ‘Tatituw jiwasan atipjañasaxa’ sasa.

Jeremías 4:17

Judá uraqirusti q'alpun muyuntapxani, Tatitutak sayt'asitapat ukham muyuntapxani. Naya, Tatituw uk arsta.

Jeremías 7:19

Ukampis nayar ñanqhachañat sipansa, jupanakpachaw juk'ampi ñanqhachasisipki, jupanakatakisti mä p'inqarakiwa. Naya, Tatituw uk arsta.

Ezequiel 16:63

Jumasti amtasisax wal p'inqasïta, jisk'achjataw amuyasïta, janiw arsuskarakïtasa, nayax jumar uka jan wali luratanakam pampachkäma ukapachaxa. Naya, Tatituw uk arsta.’ ”

Ezequiel 36:31

Jumanakasti jan wali sarnaqäwinakamata, juchanak lurapxatanakamat amtasipkäta ukapachasti, jumanakpachaw p'inqasipxäta, jan wali luratanakam layku.

Ezequiel 5:10

Jumanak taypinsti awkinakax pachpa wawanakaparuw manq'antasipxani, wawanakasti awkinakaparuw manq'antapxarakini. Jumar juchañchañatak arsutaxsti phuqhapunïwa, jilt'iri jaqinakarusti taqi tuqiruw ananukurakï.

Ezequiel 6:12

Jayankirinakax usunakampiw jiwarapxani, jak'ankirinakasti nuwasïwin jiwarapxani, kawkïrinakatix ukanakatsa jakañan qhiparapkani ukanakasti, manq'atjamaw jiwarapxarakini. Ukham nayax Israel markxarux phiñasiñaxa samarasï.

Daniel (hebreo) 9:14

Ukat Tatay, aka jach'a jan walinak wakichasin nanakxar apayaniraktaxa; jumasti, nanakan Tatit Diosaxay, taqi luratanakaman chiqapapunïtawa; ukampis nanakaw jumaru jan ist'añ munapksmati.

Daniel (hebreo) 9:18

Tatituxay ist'apxitaya; nanakan aynacht'atanakax uñtanim, juman sutim jach'añchañ markan t'unjatätapsa uñtanimaya. Janiw nanakan askïpxatax layku jumar achikt'asinipksma, jan ukasti juman jach'a khuyapayasiñam laykuw mayisinipxsma.

Daniel (hebreo) 9:8

Nanakax Tatay, taqiniw jumatak sayt'asipxatax laykux p'inqasipxta, reyinakaxasa, jilïrinakaxasa, awkinakaxasa p'inqasipxarakiwa.

Amós 9:9

Israel markan jawq'sutäñapatakix nayaw arsü, susuñampi susurpayañataki, kamisatix mä susuñat sususax, mä trigosa uraqir jan jalaqtayaski ukhama.

Romanos 6:21

ukampis ¿kuna askirak jikxatapxtasti? Jichhasti jumanakax taqi ukanakat p'inqasipxtawa, ukanakasti jiwañarukiw puriyi.

Deuteronomio 32:4

Jupaw jiwasan arxatirisaxa; luräwinakapax jan kamskayawa, luratapas chiqaparakiwa. Jupax chiqa kankañan Diosapawa, janiw ñanqha luratapax utjkiti, ¡jupax chiqawa, askirakiwa!

Deuteronomio 4:27

Tatitusti jumanakarux taqi markanakaruw ananukupxätam, ukatsti mä juk'anikirakiw jumanakat uka markanakan jilt'ani.