Daniel (hebreo) 9:2 - Qullan Arunaka DC

² Mä mara marka apnaqkäna ukapachaw, naya, Danielax Jeremías profetan qillqatapat amuyt'askäyäta, kunapachatix Jerusalén markax paqallq tunka mara qhipat t'unjat uñjaskani ukxata, kunjämtix Tatitux profetar yatiykatayna ukarjama.

Aymar Bibliia 1986

² Cunapachatejj jupajj mä mara apnakcän ucapachaw naya Daniel Jeremías profetan libropa leescaraquïyäta, pakallko tunca mara pasañapäquis uca toketa, Jerusalén marcan t'unjatäñapataqui, cunjämtejj Tatitojj profetaru siscatayna uqhamarjama.

Qullan Arunaca

² Cunapachatejj jupajj mä mara apnakcän ucapachaw naya Daniel Jeremías profetan libropa leescaraquïyäta, pakallko tunca mara pasañapäquis uca toketa, Jerusalén marcan t'unjatäñapataqui, cunjämtejj Tatitojj profetaru siscatayna uqhamarjama.

Daniel (hebreo) 9:2 Jak'a apnaqawi uñst'ayäwi

2 Crónicas 36:21

ukhamat kuntix Diosax Jeremías profetap tuqi siskäna ukan phuqhasiñapataki. Judá uraqix samarañ urunakan kusisiñap amtasïna, aynacht'at sarnaqañ taqpach urunakapana, paqallq tunka mara phuqhasiñapkama.

Esdras 1:1

Ciro reyin Persia marka nayrïr mara apnaqäwipana, ukhamarak Jeremías profeta tuqi Tatitun arupa yatiyatäkäna ukan phuqhasiñapatakisti, Tatitux Ciro reyiruw ch'amañchäna, taqpach markachirinakar aru tuqi, qillqat tuqi, aka kamachi yatiyañapataki:

Salmos 119:24

Arunakamax nayan kusisiñaxawa, arsutanakamax nayan amuyt'ayirixawa.

Isaías 64:10

10 (9) Qullana markanakamax ch'usa wasarar tukuyatawa, Jerusalenasti laqayar tukuyata, q'ala tukjatarakiwa.

Jeremías 1:1

Nayax Hilcías chachan yuqapa Jeremías profetätwa. Anatot sata markan jakasirïtwa, sacerdotenakan wila masipat saraqirïtwa. Anatot markax Benjamín ayllu uraqinkiwa.

Jeremías 25:18

Jerusalén markaru, Judá uraqinkir taqi markanakaru, reyinakapampi taqi jilïrinakapampi umañapatakiw churta, ukhamat jupanakan t'unjatäñapataki, markanakapas q'ala tukjat apanukutäñapataki, axsarkaña mulljaskañ tukjatäñapataki. Aka arunak qillqaski ukkhakamas uka markanakan axsarkañaru, mulljaskañaru, ñanqhar tukutäñapataki.

Jeremías 26:18

“Ezequiasax aka Judá uraqi apnaqkän uka urunakanxa, Moréset sat chiqat jutir Miqueasaw Tatitun sutipxar taqi jaqinakar yatiyäna, akham sasa: ‘Taqi ch'aman Tatitux akham siwa: Sión qullux mä qhullinukut yapjamaw qhiparani, Jerusalenasti laqayanakjam mayjar willthapitaw uñjasini, Tatitun utapax utachatäki uka qullusti, quranakampi phuqhantataw uñjasini’ sasa.

Jeremías 26:6

ukhamasti nayax kunjämtix Siló chiqankir templorux lurktxa, ukhamarak jichhax Jerusalenankir templorux lurä. Aka markarusti taqi akapachankir markanakatakix mä uñtaskaña ñanqhacharakï.’ ”

Jeremías 27:7

Taqi markanakasti jupampiru, wawapampiru, allchhipampiru katuyatawa, jupanakaw apnaqapxani, kunürutix markapar yaqha jach'a markanakampi, jach'a ch'aman reyinakampi apnaqatäñax wakt'kani uka urukama.

Jeremías 29:10

“Tatitux siwa: ‘Kunapachatix Babiloniaru paqallqu tunka mara apnaqañap phuqhasxani ukkhasti, nayax jumanakat amtasxäwa, arsutaxarjamaw phuqharakï, jumanakarusti aka pachpa uraqiruw kuttayanxapxarakïma.

Jeremías 7:34

Judá uraqin markanakapatsti, Jerusalén markatsa, kusiskañanaka, phunchhäwinaka, jaqichasiñ q'uchunak q'al chhaqtayä; taqi markpachasti ch'usa wasarar tukutarakïniwa” sasa.

Lamentaciones 1:1

¡Walja jaqinakan markax kunja sapakis uñjasxi! ¡Markanakan jilïripa markax mä ijma warmir uñtatakïxiwa! ¡Uñtkañ suma markaxa ch'ama irnaqañanakamp t'aqhisiyataw uñjasxi!

Ezequiel 29:11

Janipuniw jaqinakasa, kuna uywanakas uka chiqnam sarakipapkaniti. Pusi tunka maraw ukan janipun khitis jakkaniti.

Daniel (hebreo) 9:3

Nayasti Tatitu Dios tuqiruw uñtta jupar mayisisa, achikt'asisa, ayuno lurasa, chhankha isinakamp uchasisa, qhillar qunusaraki.

Miqueas 3:12

Jumanakan juchanakam laykuw Tatitun Jerusalén markapax q'ala tukjata uñjasini, mayjaru willthapitarakïniwa, kawkhankkitix Tatitun utapax uka qullus quran qurantataw uñjasini.

Zacarías 1:12

Tatitun angelapasti sänwa: “Taqi ch'amani Tatay, paqallq tunka maraw Jerusalenampitaki, Judá markanakampitakix q'apisitäxtaxa, ¿kunapachas jupanakat khuyapt'ayasxäta?” sasa.

Zacarías 7:5

“Taqi markpacharu, sacerdotenakampir akham sarakim: ‘Jumanakax phisqïri, paqallqüri phaxsi saraqataruw ayuno lurañsa, jachañsa phuqhapxtaxa, ukat jichhakamax paqallqu tunka maräxiwa. Ukampis janiw nayar jach'añchañatak lurapktati,

Mateo 24:15

“Daniel profetax kuna jan wali luräwitix Tatitun utapan luraskani uka tuqit qillqäna. Kunapachatix jumanakax Daniel profetan qillqataparjam Qullan Chiqana ñanqha luririn utjantasir uñjapkäta ukkhaxa, ullart'irix sum amuypan,

Marcos 13:14

“Kunapachatix jumanakax ukham ñanqha lurañanak jan wakiskir chiqan uñjapkät ukkhaxa, (khititix ullarki ukax amuyt'pan), Judeankirinakax qullunakar jaltxapxpan;

Hechos 8:34

Etiope aytat jaqisti Feliperuw jiskt'äna: —Sitaya, ¿profetasti khititarak uk parlisti, jupa pachpatti, jan ukax yaqhatcha? —sasa.

1 Timoteo 4:13

Nayan puriniñaxkamasti, iglesiankirinakatak Diosan Arunakap ullaram, jupanakarusti ch'amañcham, yaticht'arakim.

Apocalipsis 1:3

Aka yatiyäwi arunak ullaririx kusisiñaniwa. Diosat katuqat arunak ist'irinakasa, akan qillqatäki uka arunakarjam sarnaqirinakas kusisiñanïpxarakiwa, uka arunakan phuqhasiñap urux niy jak'ankxiwa.