Daniel (hebreo) 8:9 - Qullan Arunaka DC

⁹ Uka waxranakat mayïritxa, yaqha jisk'a waxraw misturakïna, uka waxrasti aynach tuqiruw sinti jilarakïna, ukhamaraki inti jalsu tuqiru, Suma Uraqi satäki uksa tuqiru.

Aymar Bibliia 1986

⁹ Uca maynïri wajjratsti yakha jisc'a wajjraw misturaquïna, uca wajjrasti aynach tokeruw sinti jilaraquïna, inti jalsu tokerus uca quipcaraqui suma orake satäqui ucsaru.

Qullan Arunaca

⁹ Uca maynïri wajjratsti yakha jisc'a wajjraw misturaquïna, uca wajjrasti aynach tokeruw sinti jilaraquïna, inti jalsu tokerus uca quipcaraqui suma orake satäqui ucsaru.

Daniel (hebreo) 8:9 Jak'a apnaqawi uñst'ayäwi

Salmos 105:24

Diosax markaparux waljaniptayänwa, egipcionakat juk'ampi ch'aman tukuyäna.

Salmos 48:2

2 (3) ¡Qullan jach'a qullux munkayawa, alay tuqin jikxataski uka qulluxa! ¡Taqi akapachan kusisiñapawa! ¡Jach'a ch'aman reyin markapawa!

Jeremías 3:19

“Israel marka, nayax jumar wawaxat katuqañatakiw amtasta, mä suma munkañ uraqi jumar churañ amtarakta, taqi aka uraqinakat sipan juk'ampi suma uraqi. Nayasti sarakïyätwa: ‘Jichhax awki sisxchitaniya’ sasa, ukatsti janiy nayat jayar sarkxchiniti sarakïyätwa.

Ezequiel 20:15

“ ‘Wasaran jupanakarux juramentompi arsurakta, jupanakar churata uraqir jan mantayañataki, yaqha uraqinakat sipan wali suma uraqiru, kawkhantix leches, misk'is umjam jalaski uka uraqiru.

Ezequiel 20:6

Uka urusti nayax Egipto uraqit jupanakar irpsxañatakiw arsurakta, jupanakatak thaqkäyät uka markar irpsxañataki, leches misk'is umjam jalaski uka markaru. ¡Taqi markanakat sipan juk'ampi suma markäki ukaru!

Daniel (hebreo) 11:16

Atipir reyisti, atipjayasirinakampix kuntix munkani uk lurani, janiw khitis jupar saykatirix utjkaniti, kunanaktix thakhin jikxatkani taqi ukanaksa t'unjaskakiniwa, ukatsti Suma Uraqi satäki ukan qhiparxani.

Daniel (hebreo) 11:21

“ ‘Uka rey qhipatsti mä jan wali jaqiw marka apnaqani, uka jaqin reyïñapax janiw wakiskasapänti, jupax jan wali amtäwinakap imantasaw sallqjañanakamp reyit utt'asini.

Daniel (hebreo) 7:8

“Waxranak uñch'ukiñkamasti, uka waxranak taypit yaqha jisk'a waxraw jilsunïna, ukatsti kimsa waxranakxa jik'irapxänwa, ukanak lantisti qhipa mistunir jisk'a waxraw ukankxäna, uka waxrax jaqi nayrat nayranïnwa, lakapasti wali jach'a jach'a tukusaw arsüna.

Zacarías 7:14

Ukatpï nayax mä jach'a tutuka thayampjam jupanakar uksar aksar apanuktxa, jan uñt'apkäna uka markanak taypiru, uka qhipatsti uraqipax mä ch'usa wasarar tukutaw qhiparxäna, ukansti janiw khitis jakirjamäkxänti. ¡Jupanakan juchanakap laykuw ukkha suma markax q'ala tukjata, laqayaki qhiparäna!”