Daniel (hebreo) 8:3 - Qullan Arunaka DC

³ Nayax jayaruw uñtta, ukatsti uka jawir thiyat mä urqu oveja mistusinkir uñjta. Uka ovejax pä jach'a waxranïnwa, uka waxranakat mayax qhipakiw mistutayna, ukampis uka waxrax mayäkis ukat juk'amp jach'änwa.

Aymar Bibliia 1986

³ Nayajj jayaruw uñtta, ucatsti uca jawira thiyat mä orko oveja mistusinquir uñjta. Uca ovejasti pä jach'a wajjranïnwa, maynïri wajjrajj khepaquiw mistutayna, ucampisa uca khepa misturi wajjrasti, juc'ampi jach'araquïnwa.

Qullan Arunaca

³ Nayajj jayaruw uñtta, ucatsti uca jawira thiyat mä orko oveja mistusinquir uñjta. Uca ovejasti pä jach'a wajjranïnwa, maynïri wajjrajj khepaquiw mistutayna, ucampisa uca khepa misturi wajjrasti, juc'ampi jach'araquïnwa.

Daniel (hebreo) 8:3 Jak'a apnaqawi uñst'ayäwi

1 Crónicas 21:16

Davidasti uñtasax Tatitun angelaparuw uñji, alaxpachampi aka uraqimpi taypin sayt'atäskänwa, amparapankkän uka espadampisti Jerusalén marka tuqiruw aytäna. Ukhamasti Davidampi jilïr awkinakampix chhankha isimpi isthapitax ajanunakapsa uraqir puriyañkamaw alt'apxäna,

Esdras 1:2

“Persiankir Ciro reyix akanak arsu: Alaxpachankir Tatitu Diosaw aka uraqinkir taqi markanak apnaqañaxatak amparaxar katuyitu, Judá uraqinkir Jerusalén markan jupan utap lurayañaxatakiw iwxarakitu.

Esdras 4:5

Ukat juk'ampi, mark apnaqirinakan yaqhip yanapirinakaparux qullq chilltapxäna, utachañ irnaqäwinak aynacht'ayañataki. Uksti, Ciro reyina, Darío reyin Persia mark apnaqäwi maranakapan ukham lurapxäna.

Ester (hebreo) 1:3

Asuero reyix marka apnaqäwip kimsa mara phuqkasaxa, mä jach'a phunchhäwi luräna, taqpach irnaqirinakapampitaki, jilïr yanapirinakapampitaki, ukatsti Persankiri, medonkir ejercitonakan jilïrinakaparuw jawsayäna, suyunakan jilïr mallkunakaparux jawsayarakïnwa.

Isaías 13:17

Jupanakatakisti Medo markankir jaqinak sartayä, uka jaqinakax janiw qullqitjam llakisipkiti, janirakiw qurirus munapayapkiti.

Isaías 21:2

Tatitux kuntix uñacht'aykitu ukax wali axsarkañawa: sallqjirix sallqjiwa, t'unjiristi t'unjarakiwa. ¡Elam markankirinaka, sartasipxam! ¡Medo markankirinaka, Babiloniar nuwantapxam! ¡Janiw juk'ampi ayquñanak ist'kxäti!

Isaías 44:28

Ciro reyiruw sista: ‘Jumaw awatirixätaxa, kuntix nayax munkä uk jumax luräta’; Jerusalenarusti saraktwa: ‘Jumax wasitat sayt'ayatäxätawa’; Tatitun utaparusti saraktwa: ‘Wasitat qalltatpach sayt'ayatäxätawa’ sasa.”

Jeremías 51:11

Tatitux Babilonia markaruw t'unjañ muni, Media uraqinkir reyinakan chuymaparusti uka pachpa t'unjañ amtäwinak uskuraki. Ukaw Tatitun phuqsusïwipaxa, jupan utapar kuntix lurapki ukanakata. ¡Jichhax mich'inakam wakicht'asipxam! ¡Jark'aqasiñanakamsa sum katxarupxam!

Daniel (hebreo) 10:5

Akatjamat uñtta mä jaqir sayaskiri, jupax linot lurat isimp isthapitänwa, wak'apasti suma qurit luratänwa.

Daniel (hebreo) 2:39

Juma qhipatsti, jan sinti yäqat yaqha reyiw utjani, ukxarusti kimsïri reyiw sartani, ukasti broncer uñtatäniwa, jupasti taqi aka uraqpach apnaqani.

Daniel (hebreo) 6:28

28 (29) Danielasti Darío reyin taqi markanak apnaqañapkamaxa, mä jach'a jilïri jaqit uñt'atakïskänwa, ukhamaraki Ciro reyix Persia marka apnaqkän ukapachasa.

Daniel (hebreo) 7:5

“Payïr jach'a laq'usti mä jukumarir uñtatänwa, maysa tuqit juk'amp waytata, maysa tuqitsti janiraki, laka ch'akhanakapan kimsa jaraphi ch'akhanak acht'atänwa; ukatsti uka jach'a laq'ur akham sapxir ist'arakta: ‘¡Sartam, sisantañkam aycha manq'antarakim!’ sasa.

Daniel (hebreo) 8:2

Uka unañchäwinsti nayax Susa markanjamak jikxatasïyäta Elam sat suyuna, Ulai siski uka jawir thiyana.

Daniel (hebreo) 8:20

“ ‘Uka pä waxrani urqu oveja uñjktas ukax, Media uraqina, Persia uraqin reyinakaparuw uñtasi.

Zacarías 1:18

18 (1) Yaqha unañchäwimp uñjarakta, ukansti pusi waxranak uñstanir uñjta.

Zacarías 2:1

1 (5) Yaqha unañchäwimp uñjta. Mä jaqiw uñstitu, amparapan tupuñ wiska iqt'ata.

Zacarías 5:1

Yaqha unañchäwimp uñjarakta. Mä qillqat llawu alayan tuyuskiri.

Zacarías 5:5

Ukatsti nayamp parlkäna uka angelax mistxasin, sarakituwa: “¡Uñstanki uk uñtam!”

Zacarías 5:9

Wasitat uñtasinsti, pä warmiruw uñstanir uñjarakta. Uka warminakasti waq'anan chhiqhanakapar uñtata chhiqhanakanïnwa, thayaw jupanakar jalayaskäna, alayanjam uka tupuñ apasxapxarakïna.

Zacarías 6:1

Ukatsti yaqha unañchäwimp uñjta. Nuwasïwir sarir pusi carronak pä bronce qullunak taypit uñstasinkir uñjarakta.

Números 24:2

Balaamax Israel markarux ayllunakapatkam utjnuqtat uñjäna, ukhamaruw Tatitun ajayupax jupxar jutäna,

Josué 5:13

Mä urusti, Josué chachax Jericó marka jak'ankasin, jupan nayräxapan mä chacharuw uñjäna, amparapar espadas apt'ata. Josué chachasti jupar jak'achasisin akham jiskt'äna: —¿Jumax nanakankirïtati, jan ukax uñisirinakaxankirïtacha? —sasa.

Apocalipsis 13:11

Ukatsti yaqha jach'a axsarkañ animalar uraqit mistusinkir uñjarakta. Ukasti pä waxranïnwa, waxranakapasti urqu ovejan waxranakapar uñtatänwa, parlapasti dragonan parlapjamänwa.

Apocalipsis 5:6

Ukatsti qhapaq qunuñ jak'an mä Cordero uñjta. Uka Corderosti, kharinukutäkaspa ukhamaw sayt'atäskäna, uka pusi jakaskirinakampi, pä tunka pusin jilïrinakampi muyuntata. Paqallqu waxranïnwa, nayranakapas paqallqurakïnwa. Uka paqallqu nayranakasti Diosan paqallqu ajayuparakïnwa, uraqpachar khithanitäki ukanaka.