Daniel (hebreo) 8:16 - Qullan Arunaka DC

¹⁶ ukatsti mä jaqin arup ist'arakta, Ulai sat jawir tuqit parlasinkiri akham sasa: ‘Gabriel, uka jaqir aka unañchäwi tuqit qhanañcham’ sasa.

Aymar Bibliia 1986

¹⁶ ucatsti mä jaken arupa ist'aracta, Ulai sisqui uca jawirat parlasinquiri aqham sasa: “Gabriel, aca jaker khanañcham cunsa sañ muni aca unañchäwejj uca toketa” sasa.

Qullan Arunaca

¹⁶ ucatsti mä jaken arupa ist'aracta, Ulai sisqui uca jawirat parlasinquiri aqham sasa: “Gabriel, aca jaker khanañcham cunsa sañ muni aca unañchäwejj uca toketa’ sasa.

Daniel (hebreo) 8:16 Jak'a apnaqawi uñst'ayäwi

Daniel (hebreo) 10:14

Jichhasti nayax, kunanakatix markaman akat qhiparu utjkani ukanakat qhanañchiriw jutta, unañchäwi uñjatamax uka urunakat yatiyi’ sasa.

Daniel (hebreo) 10:21

Jichhasti sarakïmawa kunatix chiqa qillqatan qillqantatäki ukanakxata: uka angelanakampi nuwasiñaxanxa, Israel markar arxatiri Miguel angelakiw nayar yanapt'itu.’

Daniel (hebreo) 7:16

ukat nayax sayt'atäpkän ukanakat maynïriruw jak'achasta, juparuw achikt'asta taqi ukanakat nayar chiqap qhanañchañapataki. Jupasti nayarux ukanakat qhanañcharakitu akham sasa:

Daniel (hebreo) 8:2

Uka unañchäwinsti nayax Susa markanjamak jikxatasïyäta Elam sat suyuna, Ulai siski uka jawir thiyana.

Zacarías 1:9

Uka samkaxansti mä angelaw nayamp parlaskäna, ukat jupar jiskt'asta: “Tata, ¿khitinakas uka jaqinakaxa?” sasa. Angelasti situwa: “Nayaw khitinakäkitix uk uñacht'ayäma” sasa.

Zacarías 2:4

4 (8) juparusti sarakiwa: “T'ijum, tupuñ wiska iqt'atäkis uka waynar yatiyiri: ‘Jerusalén markax machaqat jaqinakanïxani, waljapunïniw jaqinakapasa, uywanakapasa, janiw uyunakanïñapas wakiskxaniti.

Lucas 1:19

Angelasti juparux sänwa: —Nayax Gabriel angelätwa, Diosan munañap lurirïtwa; jupaw nayarux khithanitu aka suma yatiyäwinak jumar yatiyiri.

Lucas 1:26

Ukat suxta phaxsirusti, Diosax Gabriel angelaruw Galileankir Nazaret markar khithanïna,

Hechos 10:13

Ukatsti Pedrox mä aru ist'äna, jupar siri: “Pedro, sartasim, jiwarayam, ukatsti manq'am” sasa.

Hechos 9:7

Saulompi chik sarir jaqinakasti wali mulljataw jikxatasipxäna, uka aru ist'apxataynawa, ukampis janiw khitirus uñjapkataynati.

Hebreos 1:14

Diosar luqtañanxa, taqpach angelanakaw ajayüpxi, qhispiyasiñ katuqapkani ukanakar yanapt'añatak khithanitawa.

Apocalipsis 1:12

Nayasti arxaykitu ukar uñtañatakiw qhipäxar uñakipasta; kutikipstasinsti, qurit lurat paqallqu candeleronak uñjta,

Apocalipsis 22:16

“Naya, Jesusaw angelaxar khitta iglesianakar taqi akanak yatiyañapataki. Nayätwa David reyit saraqirixa; qhantati ururi warawarätwa.”