Daniel (hebreo) 8:12 - Qullan Arunaka DC

¹² Kawkhantix nayrapachax wilañchanak luqtasiñäkän ukawjarusti ejercitopampi purintasin takisïna, chiqa kankañsa takisirakïnwa. Kuntix jupax munkäna ukanak luräna, taqi luräwinakapansa atipt'arakïnwa.

Aymar Bibliia 1986

¹² Cawqhantejj nayrajj sacrificionaca loktasiña chekanacsti ejercitopampi purintasaw taquisiraquïna, cunatejj chekapäqui ucsa pamparuw taquisiraquïna. Cuntejj jupajj muncäna ucanacwa luraraquïna, take aca luräwinacanwa atipt'araquïna.

Qullan Arunaca

¹² Cawqhantejj nayrajj sacrificionaca loktasiña chekanacsti ejercitopampi purintasaw taquisiraquïna, cunatejj chekapäqui ucsa pamparuw taquisiraquïna. Cuntejj jupajj muncäna ucanacwa luraraquïna, take aca luräwinacanwa atipt'araquïna.

Daniel (hebreo) 8:12 Jak'a apnaqawi uñst'ayäwi

Job 12:6

Lunthatanakax utanakapan k'uchikiw jakasipxi; Diosar ñanqhachirinakasti jan llakiniw jakasipxi, jupanakas Tatitur apnaqkaspa ukham amuyasipxaraki.

Salmos 119:142

Chiqapar uñjañamax askiwa, yatichäwimasti chiqaparakiwa.

Salmos 119:43

Janikiy lakaxat chiqa arunak apaqistati, nayax arunakamaruw chuymax uchta.

Salmos 28:5

Jupanakax janiw Diosan luräwinakapat amtasipkiti, janiw luratanakapat yatiñ munapkiti, ¡jupay jan mayampitak jupanakar tukjpan!

Isaías 59:14

Kunatix chiqapar uñjañäki ukasti jisk'achjatänwa, kunatix chiqapäki ukasti jiwasat jayankiwa, chiqa kankañax uraqir willtatjamawa; janiw chiqa lurañax utjkxiti,

Jeremías 12:1

Tatay, jumampi ch'axwañarutix uskusïxa, juman arumakipuniw chiqapaxa; ukampis nayax jiskt'añ munirisma, ¿kunatsa ñanqha jaqinakatakix taqi kunas sumak lurasirapi? ¿kunatsa ch'uxña luririnakax sumak jakasipxi?

Daniel (hebreo) 11:28

Amtäwinakap phuqhasaxa, amsta tuqinkir reyix nuwasïwin katuntat yänak apt'ataw markapar kutt'xani. Mä qawqha pachatsti, uka reyix sumankañatak arust'äwi luratarux janiw phuqkaniti.

Daniel (hebreo) 7:21

Ukatsti, uka waxran Tatitun markapampi nuwasiskir uñjarakta, jupanakarusti atipjänwa,

Daniel (hebreo) 8:4

Uka urqu ovejasti waxranakapampiw muqinuqaskäna inti jalanta tuqiru, amsta tuqiru, aynach tuqiru, janiw kuna yaqha uywas uka ovejar saykatirix utjkänti, janirakiw kawkïri uywas muqisiñapat jaltirix utjkänti. Uka ovejasti kuntix munkän uk luräna, sapa kutiw juk'amp ch'amani tukxäna.

Apocalipsis 13:7

Ukatsti Diosan wawanakapampi nuwasiñatakis munañanïñ kankañax churatarakïnwa jupanakar atipjañkama; ukhamarus kunayman jaqinakaru, markanakaru, kunayman parlani jaqinakar apnaqañataki.

1 Samuel 23:9

Ukampisa, Davidax Saúl reyin ukham nuwantañ amtatap yatisax Abiatar sacerdoteruw mayïna efod isi aptaniñapataki, ukat Tatitur jiskt'añataki.