Daniel (hebreo) 7:7 - Qullan Arunaka DC

⁷ “Nayax samkasiskakïyätwa, akatjamat pusïri laq'ur uñstanir uñjarakta. Ukasti sinti axsarkañapunïnwa, mulljaskaña, wali ch'amanirakïnwa. Laka ch'akhanakapasti wali jach'anaka hierrotkamakïnwa; manq'antasax taqi kun tukjarakïna, jilt'anaksti takisirakïnwa. Maya laq'unakat sipansa mayjapunïnwa, p'iqipansti tunka waxranïnwa.

Aymar Bibliia 1986

⁷ “Unañchäwejjan pusïri animal uñjcta ucasti sinti ajjsarcañapunïnwa, sustjascaña, uqhamarusa wali ch'amaniraqui. Laca ch'aqhanacapasti hierrocamaquïnwa, wali jach'anacaraqui; take cunwa mank'antäna, tucjaraquïna, jilt'anacsti taquisiraquïnwa. Take uca mayni animalanac uñjcta ucanacat sipansa mayjapunïnwa, p'ekepansti tunca wajjranacaniraquïnwa.

Qullan Arunaca

⁷ “Unañchäwejjan pusïri animal uñjcta ucasti sinti ajjsarcañapunïnwa, sustjascaña, uqhamarusa wali ch'amaniraqui. Laca ch'aqhanacapasti hierrocamaquïnwa, wali jach'anacaraqui; take cunwa mank'antäna, tucjaraquïna, jilt'anacsti taquisiraquïnwa. Take uca mayni animalanac uñjcta ucanacat sipansa mayjapunïnwa, p'ekepansti tunca wajjranacaniraquïnwa.

Daniel (hebreo) 7:7 Jak'a apnaqawi uñst'ayäwi

2 Samuel 22:43

¡Thayan apat laq'arjamaw jupanakarux tukusiyta! ¡Thakhinkir ñiq'irjamaw taksurakta!

Job 41:14

14 (6) ¿Khitis lakap ansatatayaspa, ari laka ch'akhanakap uñjañatakisti?

Daniel (hebreo) 2:19

Uka arumpachaw Danielax uka jan qhanañchañjam samkat mä unañchäwi tuqi uñjäna, ukat jupax alaxpachankir Tatitur

Daniel (hebreo) 7:13

“Nayax uka unañchäwinak arumax uñjaskakïyätwa: “Qinayanak taypin maynir jutaskir uñjta, jaqin yuqapar uñtata, jupasti chuymani Jilïr jaqiruw jak'achasi, ukat nayraqatapar irpkatapxaraki.

Daniel (hebreo) 7:2

“Nayax samkaxan pusi tuqit thayax thayt'asinkiri, jach'a qutan umanakap wal unxtayaskir uñch'ukiskäyäta.

Daniel (hebreo) 8:10

Sinti jilantatapatsti, alaxpach warawaranakkamaw purïna, uka warawaranaksti williranïnwa, takisirakïnwa,

Daniel (hebreo) 8:22

Kawkïri pusi waxranakatix nayrïri waxran p'akisitapat mistunipkäna ukanakaxa, aka markatxa pusi yaqha markanakaw uñstani, sañ munaraki, ukampis janiw nayrïr reyin ch'amapanïkaniti.

Zacarías 2:1

1 (5) Yaqha unañchäwimp uñjta. Mä jaqiw uñstitu, amparapan tupuñ wiska iqt'ata.

Apocalipsis 12:3

Ukatsti yaqha chimpuw alaxpachan uñstarakïna: mä jach'a wila dragón animalaw uñstäna, ukasti paqallqu p'iqinïnwa, tunka waxran kuna, sapa p'iqirusti mä pillumpi asxatata.

Apocalipsis 13:1

Ukatsti axsarkañ mä jach'a animalar qutat mistur uñjta, ukasti paqallqu p'iqinïnwa tunka waxran kuna. Sapa waxrarusti mä pillunïnwa, p'iqinakapansti Diosar ñanqhachir jan wali sutinak qillqataw utjäna.

Apocalipsis 17:12

“Tunka waxranak uñjktas ukax, tunka reyinakawa, jupanakasti janïraw reyit utt'atäpkiti, ukampis mä juk'atakikiw reyi kankañ katuqapxani, uka jach'a axsarkañ animalamp chika.

Apocalipsis 17:7

Ukat angelax sarakitu: “¿Kunatarak muspharastasti? Nayaw kuntix aka unañchäwix sañ munki uk amuyt'ayäma. Khitïkitix uka warmisa, khitïkitix uka paqallqu p'iqini, tunka waxrani jach'a axsarkañ animalas uk sarakïma.

Apocalipsis 17:8

Jumax uñjkta uka axsarkañ animalax nayrapachan jakkäna ukawa, jichhasti ukax janiw jakkxiti, ukampis aka uraqi manqhat mistsunini, jiwañar janïr sarkasa. Uraqin jakirinakasti, khitinakantix sutinakapax akapach qalltatpach jakañ qillqatan jan qillqantatäki ukanakasti, uka axsarkañ animalar uñjasax walpun muspharapxani, uka axsarkañ animalasti nayraw utjäna, jichhasti janiw utjkxiti, ukampis wasitat uñstanini.