Daniel (hebreo) 7:5 - Qullan Arunaka DC

⁵ “Payïr jach'a laq'usti mä jukumarir uñtatänwa, maysa tuqit juk'amp waytata, maysa tuqitsti janiraki, laka ch'akhanakapan kimsa jaraphi ch'akhanak acht'atänwa; ukatsti uka jach'a laq'ur akham sapxir ist'arakta: ‘¡Sartam, sisantañkam aycha manq'antarakim!’ sasa.

Aymar Bibliia 1986

⁵ “Payïri animalasti mä osor uñtatjamaraquïnwa, maysa toketjja juc'ampi waytata, maysa toketsti janiraqui, uca animalasti quimsa jaraphi ch'aqhanaca acht'atänwa; ucatsti ist'aractwa aqham siri: ‘¡Saram, ucatsti kawkha aychtejj muncta uca mank'antaniraquim!’ sasa.

Qullan Arunaca

⁵ “Payïri animalasti mä osor uñtatjamaraquïnwa, maysa toketjja juc'ampi waytata, maysa toketsti janiraqui, uca animalasti quimsa jaraphi ch'aqhanaca acht'atänwa; ucatsti ist'aractwa aqham siri: ‘¡Saram, ucatsti kawkha aychtejj muncta uca mank'antaniraquim!’ sasa.

Daniel (hebreo) 7:5 Jak'a apnaqawi uñst'ayäwi

2 Reyes 2:24

Eliseosti kutikipstasin jupanakar uñkatäna, ukatsti Tatitun sutipxaruw jupanakar ñanqhachäna. Ukspachaw pä jukumarix ch'umit mistunïna, ukatsti jupanakat pusi tunka payaniruw jisk'a jisk'a tukjäna.

Proverbios 17:12

Jan amuyt'ani ñanqha amtäwini jaqimp jikthaptañat sipansa, qallunakap aparat qhuru osamp jikthaptañaw juk'amp walïspa.

Isaías 56:9

Tatitux siwa: Uñisir markanaka, Jutapxam, markaxar nuwantapxam; ch'umi animalanakjam manq'arpayapxam;

Daniel (hebreo) 11:2

Jichhasti kunatix chiqäki uk yatiyarakïma: “ ‘Kimsa reyiw Persia marka apnaqaskakini, ukanak qhipatsti pusïri yaqha reyiw sartani, jupasti mayni kimsa reyit sipansa sinti qamirïniwa. Kunapachatix ukhama qamiri kankañapampi wali munañanipuni tukxani ukapachasti, taqi qamir kankañapampiwa Grecia markatakix sayt'ani.

Daniel (hebreo) 2:39

Juma qhipatsti, jan sinti yäqat yaqha reyiw utjani, ukxarusti kimsïri reyiw sartani, ukasti broncer uñtatäniwa, jupasti taqi aka uraqpach apnaqani.

Daniel (hebreo) 5:28

PARSÍN arusti: juman apnaqäwimax payar jaljtatawa, jichhasti medonakaru, persanakar katuyatarakïniwa” sañ muni —sasa.

Daniel (hebreo) 7:4

Nayrïr jach'a laq'ux mä leonar uñtatänwa, chiqhapasti jach'a pakan chhiqhapjamänwa. Nayax ukhamaw uka jach'a laq'ur uñch'ukiskäyäta, ukhamaruw chhiqhanakap jik'iqapxäna, uraqit waytasin qhipäx kayunakapxaruw sayt'asiyapxäna, mä jaqïkaspas ukhama, chuymapasti mä jaqin chuymapäkaspas ukhamaw tukuwayxarakïna.

Daniel (hebreo) 7:6

“Kimsïr jach'a laq'usti, leopardor uñtatänwa, ukampis jikhanipxarux pusi chhiqhanïnwa; pusi p'iqinirakïnwa, uka laq'urusti taqi munañanïñaw churatarakïna.

Oseas 13:8

Qallunakap chhaqhayasir jukumarir uñtataw jupanakarux jikxatä, ukatsti chuymapsa jisk'a jisk'a tukjä. Mä leonar uñtataw jupanakarux pachpan manq'antä; ch'uminkir laq'ur uñtataw jupanakarux tukjarakï.

Apocalipsis 13:2

Nayax uñjkta uka axsarkañ animalasti leopardo animalar uñtatänwa; kayunakapasti oso animalan kayunakapjamänwa, lakapasti leonan lakapjamarakïnwa. Dragonasti uka animalarux ch'amapampi, reyi qunuñapampi, wali munañanïñ kankañapampi katuyäna.