Daniel (hebreo) 7:4 - Qullan Arunaka DC

⁴ Nayrïr jach'a laq'ux mä leonar uñtatänwa, chiqhapasti jach'a pakan chhiqhapjamänwa. Nayax ukhamaw uka jach'a laq'ur uñch'ukiskäyäta, ukhamaruw chhiqhanakap jik'iqapxäna, uraqit waytasin qhipäx kayunakapxaruw sayt'asiyapxäna, mä jaqïkaspas ukhama, chuymapasti mä jaqin chuymapäkaspas ukhamaw tukuwayxarakïna.

Aymar Bibliia 1986

⁴ Kallta animalasti mä leonar uñtatänwa, mä siwik'ara sat jamach'in chhekhapat chhekhapanjamänwa. Nayajj uqhamaw uca animalaru uñch'uquiscäyäta, uqhamaruw chhekhanacapjja jiq'ekapjjäna, oraket aptasinsti khepäjja cayunacapjjaruw sayt'ayapjjäna, mä jakëcaspas uqhama lejjwipasti mä jaken lejjwipäcaspas uqhamaw tucuwayjjaraquïna.

Qullan Arunaca

⁴ Kallta animalasti mä leonar uñtatänwa, mä siwik'ara sat jamach'in chhekhapat chhekhapanjamänwa. Nayajj uqhamaw uca animalaru uñch'uquiscäyäta, uqhamaruw chhekhanacapjja jiq'ekapjjäna, oraket aptasinsti khepäjja cayunacapjjaruw sayt'ayapjjäna, mä jakëcaspas uqhama lejjwipasti mä jaken lejjwipäcaspas uqhamaw tucuwayjjaraquïna.

Daniel (hebreo) 7:4 Jak'a apnaqawi uñst'ayäwi

2 Samuel 1:23

“¡Saúl, Jonatán! Munat jaqinaka! Jakañansa, jiwañansa, janiw jaljtapxirïkiti. ¡Jach'a pakanakat sipan juk'amp jaltirïpxänwa! ¡Leonanakat sipan juk'amp ch'amanïpxänwa!

Job 25:6

¡jaqix ukanakat sipan juk'amp jan kunatak askiwa, mä jan yäqkañ laq'umpi sasikiwa!

Salmos 9:20

20 (21) Tatay, axsarañ chuymay jupanakarux churam, ¡jupanakax jaqikïpxatap yatipxpan.

Jeremías 25:38

Putupat mistunir leonar uñtataw jupax mistuni, jupanakan markapasti q'ala t'unjataw uñjasi, Tatitun phiñasiñapax mä ninjamaw aqti, mä jach'a nuwasïwi apayaniraki.

Jeremías 4:13

Uñtapxam, uñisirinakax mä qinayjamaw jutanti, nuwasiñ carronakapasti mä jach'a thayjamaw jutantapxi, caballonakapasti pakat sipansa juk'ampi jalapxi. ¡Kunakïkan jiwasatakixa, janiw kawkhar imantasiñasas utjkistuti!

Jeremías 4:7

Leonax niyaw putupat mistuni; markanak tukjiristi niyaw jutanti; markam t'unjiriw markapat mistuniwayi, markanakamxa, ch'usa wasara, q'ala t'unjat tukuyani.

Jeremías 48:40

Tatitux siwa: “Moab markan uñisiripax jutantiwa, chhiqhas janatatat jach'a pakar uñtataw jutanti.

Jeremías 49:19

Edom marka, jan kamsasakiw jumarux nuwantäma, kunjämatix leonax akatjamat khitirus thuqxatkix ukhama. Nayaw uñisirim ajllï, mä juk'a pachanaki jumar atipjañapataki. Janiw yaqha Diosax nayjam utjkiti, janiw khitis nayar saykatirix utjkiti, janirakiw kawkïr awatiris nayarux saykatkitaspati.

Lamentaciones 4:19

Jiwasar arknaqirinakasti alayan tuyur pakanakat sipan juk'amp jaltirïpxiwa; qullunak tuqinakan arknaqistu, ¡wasar tuqinakansti sipitanak jiwasatak uchantapxaraki!

Ezequiel 17:3

Jupanakarusti sarakim: ‘Tatitux akham siwa: Mä jach'a pakaw Líbano qullurux puri, chhiqhanakapasti sinti jach'anakawa, kunayman sami phuyunakaniwa. Cedro quqan alay laymip katxaru,

Ezequiel 28:2

“Jumasti Ezequiel, jichhax Tiro markan reyipar sarakim: “ ‘Tatitux akham siwa: Chuymamax jach'a jach'a tukuñampi phuqhantatawa, mä diosäkasmas ukham amuyastaxa, diosanakan qunuñapan qunt'ata, jach'a qutampi muyuntata. Ukampis jumax janiw diosäktati, jan ukasti, mä jaqikïtawa, mä diosan yatiñapanïkasmas ukham amuyastaxa.

Ezequiel 28:9

Jichhasti, ¿jumar jiwayir jaqinak nayraqatankkasasti, mä diosäkasmas ukham amuyasiskakïtati? ¡Jiwayapkätam uka nayraqatanxa, janiw jumax kunäktasa, mä jisk'a jaqikïtawa!

Daniel (hebreo) 2:38

kawkha chiqanakantix jaqinakasa, animalanakasa, jamach'inakasa jakapki uka chiqanak amparamaruw katuytam; jupaw ukanak apnaqañamatak taqpach katuytam.

Daniel (hebreo) 4:36

36 (33) “Ukapachaw nayax amuythapisxta, ukatsti markaxan apnaqäwipsa, jach'añchäwinakaxsa, ch'aman kankañaxsa wasitat katxarakta. Yanapirinakaxasa, markan jilïri apnaqirinakapas nayar thaqhiriw jutapxitu, nayasti wasitat markaxa apnaqañ qalltxarakta, ch'aman kankañaxasti nayra pachat sipansa juk'ampiw jilxattxarakïna.

Daniel (hebreo) 7:12

Uka yaqha jach'a laq'unakarusti munañanïñap apaqxapxarakïna, ukampis janiw jiwarayapkänti, jan ukasti pachap puriniñapkam jakayasipkakïnwa.

Daniel (hebreo) 7:5

“Payïr jach'a laq'usti mä jukumarir uñtatänwa, maysa tuqit juk'amp waytata, maysa tuqitsti janiraki, laka ch'akhanakapan kimsa jaraphi ch'akhanak acht'atänwa; ukatsti uka jach'a laq'ur akham sapxir ist'arakta: ‘¡Sartam, sisantañkam aycha manq'antarakim!’ sasa.

Mateo 24:28

Mä arunxa: Kawkhantix jaqi jiwatax utjkixa, ukkharuw siwiq'aranakax tantachasipxi.

Deuteronomio 28:49

Diosasti wali jayankir uraqit jumar uñisir marka sartayani, juman jan uñt'at markat jutani, janiw jupanakan parlapsa yatktati. Uka jaqinakax jank'akiw nuwantasiñ yati, jaltir pakalir uñtata;

Apocalipsis 13:2

Nayax uñjkta uka axsarkañ animalasti leopardo animalar uñtatänwa; kayunakapasti oso animalan kayunakapjamänwa, lakapasti leonan lakapjamarakïnwa. Dragonasti uka animalarux ch'amapampi, reyi qunuñapampi, wali munañanïñ kankañapampi katuyäna.