Daniel (hebreo) 7:1 - Qullan Arunaka DC

¹ Mä arumaxa, Belsasar reyix, mä mara Babilonia marka apnaqaskäna ukkhasti, Danielax mä samka samkasitayna, unañchäwinak uñjarakitayna. Ikit uñatatasinsti, kuntix samkan uñjkatayna taqi ukanak qillqsüna:

Aymar Bibliia 1986

¹ Mä arumajja, cunapachatejj Belsasar reyejj Babilonia marca niya mä mara apnakcän ucapachajj, Daniel chachajj mä samcanacampi, unañchäwinacampwa uñjäna. Cunapachatejj iquit uñatatän ucapachasti cunanactejj uca samcana, uqhamaraqui uca unañchäwin uñjcatayna take ucanacwa kellksüna, ucanacasti aqhamawa:

Qullan Arunaca

¹ Mä arumajja, cunapachatejj Belsasar reyejj Babilonia marca niya mä mara apnakcän ucapachajj, Daniel chachajj mä samcanacampi, unañchäwinacampwa uñjäna. Cunapachatejj iquit uñatatän ucapachasti cunanactejj uca samcana, uqhamaraqui uca unañchäwin uñjcatayna take ucanacwa kellksüna, ucanacasti aqhamawa:

Daniel (hebreo) 7:1 Jak'a apnaqawi uñst'ayäwi

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Génesis 46:2

Uka arumasti Diosax mä samkan Israelar parlxayäna, sutipat jawsarakïna: —¡Jacob! —sasa. Jacobusti: —Akankasktwa, —sarakïnwa.

Job 4:13

Arumasti, ikix jaqinakar atipjki ukapachaw, mä jan wali samka uñjta.

Isaías 30:8

Tatitusti Isaías profetarux siwa: Jichhax jutam, kuntix uñjkta uk qillqam, mä qillqañar taqi ukanak qillqantam, ukasti qhipa urunakatak qhiparpan, taqininsa amtaskañapataki.

Isaías 8:1

Tatitusti sarakituwa: “Isaías, wakisiw Urías profetampiru, ukhamaraki Zacarías khititix Jeberequiasan yuqapäki ukampir jawsaniñamaxa, jupanakasti kuntix lurkäta ukanak uñjapxani. Jupanak nayraqatan ñiq'it lurat mä jach'a pallallxar jach'a qillqampi akïr suti suma qhan qillqantäta: ‘Maher-salal-hasbaz’ sasa, ukasti sañ muni: ‘T'unjatäñax niyaw jutaski, lunthatanakas niyaw akankxi.’ ”

Jeremías 23:28

¡Mä profetatix mä samka samkaschi ukaxa, qhanak sispan mä samkakïtapa, ukampis arunakaxtix katuqchi ukasti, kunjämtix katuqki ukhampach yatiypan! Trigo jipimpi trigo achumpix janiw mayakïkaspati. Arunakaxax ninjamawa, qarqanak jisk'a jisk'a tukjir martilljamawa. Naya, Tatituw uk arsta.

Jeremías 27:7

Taqi markanakasti jupampiru, wawapampiru, allchhipampiru katuyatawa, jupanakaw apnaqapxani, kunürutix markapar yaqha jach'a markanakampi, jach'a ch'aman reyinakampi apnaqatäñax wakt'kani uka urukama.

Jeremías 36:32

Ukhamasti Jeremías profetax yaqha jisk'a lip'ichinak aptasin Baruc qillqiriparuw churi, ukatsti jupax kuntix Jeremiasax siskäna taqi uka arunak qillqarakïna, kawkïr qillqattix Joacín reyix nakhantaykäna ukan qillqatäkäna uka kipka arunakarak qillqantayäna. Ukhamarus Jeremiasax uka qillqatarux yaqha arunakampi yapxatarakïna.

Jeremías 36:4

Jeremiasasti Nerías jaqin Baruc sat yuqaparuw jawsäna, ukatsti taqi kuntix Tatitux siskäna uka arunak qillqañapatakiw sarakïna, Baruc chachasti mä lip'ichiruw taqi uka arunak qillqantäna.

Ezequiel 1:1

Naya, sacerdote Ezequiel, Buzí sat jaqin yuqapa, mä uruw nayax Babilonia uraqina, Quebar sat jawir thiyan sayt'atäskäyäta, khitinakatix katuntat apatäpkatayna ukanak taypina. Ukhamäkiriruw alaxpachax jist'artäna, ukatsti Tatiturux mä unañchäwin uñjta. Ukasti kimsa tunkïr marana, pusïr phaxsita phisqa uru saraqatarünwa, Joaquín reyix katuntata apatäkän ukat niya phisqa mara qhipata. Tatitusti nayaruw amparap luqxatitu.

Daniel (hebreo) 1:17

Tatitusti aka pusi waynanakarux ch'ikhi chuyma, amuyt'a chuyma churäna, kunayman qillqatanak amuyt'apxañapataki, ukhamarak taqi yatiñanaksa. Ukhamarusa, Danielax samkanaka, unañchäwinak qhanañchañ yatirakïna.

Daniel (hebreo) 2:1

Nabucodonosor reyix niya pä mara marka apnaqkäna ukapachaw jupax walja samkanak samkasitayna, ukham samkasitapatsti wal llakisxäna, janirakiw ikthapkänsa.

Daniel (hebreo) 2:26

Ukat reyix Danielar säna, khitirutix Beltsasar sasa sutichkäna ukaru: —¿Jumasti nayan samkax yatiyitasmati? ¿Kuntix uka samkax sañ munki uk qhanañcharakitasmati? —sasa.

Daniel (hebreo) 4:13

13 (10) “ ‘Samkaxansti akatjamat alaxpachat mä angelar saraqasinkir uñjta,

Daniel (hebreo) 4:5

5 (2) Ukampis mä arumaw ikiñankasin mä samka samkasta, ukasti walpun mulljitu, kunayman lup'ïwinakampi, unañchäwinakampix axsarañat khathatiyitu.

Daniel (hebreo) 5:1

Babilonia marka apnaqir Belsasar reyix mä jach'a manq'äwi luräna, ukarusti jach'a jilïri jaqinakapat waranqaniruw jawsayäna, uka manq'äwinsti reyimpi uka jawsayata jaqinakapampix walpun vino umapxäna.

Daniel (hebreo) 5:22

Jumasti Belsasar jach'a rey, uka reyin yuqapätawa, askirakiw yatisktaxa, kunatix awkimatak utjkäna uksa, ukampis janirakiw alt'at chuymamp sarnaqktati.

Daniel (hebreo) 5:30

Ukatsti uka arumpachaw Belsasar reyir jiwayxapxäna, jupasti caldeo jaqinakan reyipänwa, ukatsti Media uraqinkir Darío reyiw uka marka apnaqäwi katuntasxarakïna. Ukapachasti Darío reyix suxta tunk payan maranïnwa.

Daniel (hebreo) 7:13

“Nayax uka unañchäwinak arumax uñjaskakïyätwa: “Qinayanak taypin maynir jutaskir uñjta, jaqin yuqapar uñtata, jupasti chuymani Jilïr jaqiruw jak'achasi, ukat nayraqatapar irpkatapxaraki.

Daniel (hebreo) 7:15

“Naya, Danielasti, axsarayasïyätwa; taqi kunanaktix uñjkäyäta ukanakat llakt'asisa,

Daniel (hebreo) 7:7

“Nayax samkasiskakïyätwa, akatjamat pusïri laq'ur uñstanir uñjarakta. Ukasti sinti axsarkañapunïnwa, mulljaskaña, wali ch'amanirakïnwa. Laka ch'akhanakapasti wali jach'anaka hierrotkamakïnwa; manq'antasax taqi kun tukjarakïna, jilt'anaksti takisirakïnwa. Maya laq'unakat sipansa mayjapunïnwa, p'iqipansti tunka waxranïnwa.

Daniel (hebreo) 8:1

Belsasar reyin kimsïr mara marka apnaqäwipan naya, Danielax yaqha unañchäwi uñjarakta, nayra yaqha unañchäwinakat sipansa yaqha.

Joel 2:28

28 (1) “Taqi akanak qhipatsti, nayax jaqinakxaruw ajayux khithanï; yuqanakamasa, phuchhanakamasa, nayat parlapxani, chuyman jaqinakasti samkanak samkasipxani, waynanakasti jutir urut unañchäwinak uñjapxarakini.

Amós 3:7

Tatitux janipuniw kunsa lurkaspati profeta luqtirinakapar jan yatiykasaxa.

Habacuc 2:2

Dios Tatitux sarakituwa: “Kuntix uñacht'aykäma ukxa, mä ñiq'it lurat pallallxar qillqam, ukhamat ullart'añax jasakïni.

Números 12:6

Tatitux jupanakaruw säna: “Ist'apxam kuntix sapkäm uka arunaka: Jumanak taypin mä profetax nayan arunakax yatiyir utjki ukapachax, nayaw jupampix unañchäwinak tuqi parlta, samkanak tuqi parlarakta;

Romanos 15:4

Taqi kunatix nayratpach Qillqatäkän ukanakax jiwasanakaruw yatichistu, uka Qillqatanakan jikxatapxtan; llamp'u kankaña, chuymachasiña, suyt'äwin ch'amañchasiña.

2 Corintios 12:1

Jach'achasiñax janiw wakiskiti. Ukampis Tatitut katuqat unañchäwinakata, qhanañchäwinakat arsuñaxawa.

Apocalipsis 1:19

Kuntix uñjktas uk qillqantam, kunatix jichhax utjki, kunatix akat qhipar utjkani ukanaksa qillqantarakim.

Apocalipsis 10:4

Uka paqallqu q'ixu q'ixunakan ist'ayasitapatsti, nayax qillqañampïskäyätwa, ukampis alaxpachat mä aru ist'ta, uka arusti situwa: “Amuki imxäsim kuntix uka paqallqu qhixu qhixunakax parlki ukxa, janirak qillqamti” sasa.