Daniel (hebreo) 6:8 - Qullan Arunaka DC

⁸ 8 (9) Ukhamasti, juma reyix uka arsüwim apsupunim, sutimamp qillqantarakim, jan mayjt'ayatäñapataki, kunjämäkitix medonakana, persanakan kamachinakapax ukhamarjama, ukasti janiw p'akintatäkaspati —sasa.

Aymar Bibliia 1986

⁸ Uca laycu, juma, jach'a reyejj, uca arsüwimjja apsupunim, sutimampisa kellkantaraquim jan mayjt'ayatäñapataqui, cunjämäquitejj medo, persa jakenacan leyinacapajj uqhamarjama, ucasti janiw t'unatäcaraquispati, sasa.

Qullan Arunaca

⁸ Uca laycu, juma, jach'a reyejj, uca arsüwimjja apsupunim, sutimampisa kellkantaraquim jan mayjt'ayatäñapataqui, cunjämäquitejj medo, persa jakenacan leyinacapajj uqhamarjama, ucasti janiw t'unatäcaraquispati, sasa.

Daniel (hebreo) 6:8 Jak'a apnaqawi uñst'ayäwi

Ester (hebreo) 1:19

Ukhamasti, reyitaki walikïchi ukaxa, mä kamachi mistuypan, uka kamachix Persia, Media uka markankir kamachinakaparu qillqantatarakïpan, jan khitinsa p'akintkaya: ‘Vasti reinax janipuniw mayampis reyin ukarux jutañapäkxiti’ sasa. Reina kankañasti yaqha aski warmiru churatäxpan.

Ester (hebreo) 3:12

Mara qallta phaxsina tunka kimsani uru saraqatarusti reyix qillqirinakaparuw jawsayäna, Amán chachan arsutanakap qillqapxañapataki, ukatsti yanapirinakaparu, suyunak apnaqirinakaparu, taqi markan jilïrinakapar uk apayapxañapataki. Uka qillqatanakasti sapa suyunakan utjir markanakan arupatkam qillqatänwa, Asuero reyin sutipamp qillqxatata, surtijapamp limxatataraki,

Ester (hebreo) 8:10

Qillqatanakasti Asuero reyin sutipampi qillqxatatänwa, chimpupampi chimpxatataraki. Ukatsti, qillqat apirinakaruw apayapxäna, jupanakasti reyin wali jalir caballonakapxat jalayapxarakïna.

Ester (hebreo) 8:3

Ester reinax wasitat reyimp parläna, jupax reyin kayupar killt'asisina, jacht'asisaw achikt'asïna, Amán chachan arsutapax ina ch'usar tukuyatäñapataki, judionakar jan wali lurañ amtatanakapan jan phuqhasiñapataki.

Ester (hebreo) 8:8

Jichhasti sapxsmawa, kunatix judionakatak askïkaspa ukarjam nayan sutixamp qillqapxam. ¡Ukatsti qillqatanakarux reyin chimpupamp chimpuntawayapxam! —sasa. Reyin sutipamp qillqxatata, chimpupampi chimpxatat qillqatanakax janiw ina ch'usar tukuykaspati.

Salmos 94:21

aski jaqir ñanqha lurañ amtirinakampi, jan juchan jaqir jiwayañatak juchañchirinakampi.

Isaías 10:1

¡Ay, kunakïkan jumanakatxa, jan chiqa kamachinak apsurinaka, jan phuqhañjam kamachinak mistuyirinaka,

Daniel (hebreo) 5:28

PARSÍN arusti: juman apnaqäwimax payar jaljtatawa, jichhasti medonakaru, persanakar katuyatarakïniwa” sañ muni —sasa.

Daniel (hebreo) 6:12

12 (13) ukspachaw reyin ukaru uka kamachxat parlir sarapxäna, ukatsti juparux sapxänwa: —Juma jach'a reyix mä kamachi yatiytaxa, ukasti, aka kimsa tunka urunakanxa janiw khitis kuna diosarusa, khiti jaqirus mayisiñapäkänti, jan ukasti juma jach'a reyirukiwa mayisiñapänxa, uka kamachi p'akintirirusti, leonanakan putupar jaquntatäñapataki, ¿janich jan ukax ukhamäkixa? Reyisti ukxarux sarakïnwa: —Ukhamapunïskiwa. Uka kamachisti medonakana, persanakan kamachinakaparjamax phuqhasiñapapuniwa, janirakiw p'akintatäkaspati —sasa.

Daniel (hebreo) 6:15

15 (16) ukampis uka jaqinakax wasitat reyin nayraqataparux jutapxäna, sapxarakïnwa: —Juma reyix sum yattaxa, medonakana, persa jaqinakan kamachinakaparjamaxa, reyin sutipamp qillqantat kamachinakax janiw p'akintatäkaspati —sasa.

Mateo 24:35

Alaxpachampi akapachampix tukusiniwa, arunakaxasti janiw tukuskaniti.