Daniel (hebreo) 6:4 - Qullan Arunaka DC

⁴ 4 (5) Ukhamïpan, uñjir jaqinakaxa, marka apnaqirinakasa kunaymanit Danielarux aynacht'ayañ thaqhapxäna, janiw sum apnaqirïkiti sasa reyi nayraqatan aynacht'ayañataki, ukampis Danielax lurañanakap sum luräna, janiw juparux kunjämatsa aynacht'ayirjamäpkänti.

Aymar Bibliia 1986

⁴ Ucatsti uca uñjirinacajja uqhamaraqui marca apnakerinacasa, cunaymanit Daniel chacharojj aynacht'ayañ thakapjjäna, janiw suma apnakerïquiti sasa aynacht'ayañataqui, ucampisa cunjämatejj Daniel jupajj chekapa jakënjja, janiw cunjämatsa juparojj aynacht'ayañ puedipcänti.

Qullan Arunaca

⁴ Ucatsti uca uñjirinacajja uqhamaraqui marca apnakerinacasa, cunaymanit Daniel chacharojj aynacht'ayañ thakapjjäna, janiw suma apnakerïquiti sasa aynacht'ayañataqui, ucampisa cunjämatejj Daniel jupajj chekapa jakënjja, janiw cunjämatsa juparojj aynacht'ayañ puedipcänti.

Daniel (hebreo) 6:4 Jak'a apnaqawi uñst'ayäwi

Génesis 41:38

ukat faraonax jupanakarux säna: —Janiw kawkhansa aka jaqjama Diosan ajayupani jikxatkañäniti —sasa.

Génesis 43:18

Ukampis jupanakax Josean utapar irpat uñjasisinxa, wal mulljasipxäna, ukatsti jupanakkamaw sasipxarakïna: —¡Akax janiw ukhamakïkiti! Kuna qullqtix nayrïr kutix costalanakasar uchapkatayna uka tumpampiw aka jaqix utapar irpanistu. Jichhax jutasin nuwjistaniwa, ukatsti t'aqhisiyat jaqirjamaw irnaqayistani, ukhamarak uywanakasarusa —sasa.

Proverbios 29:27

Aski jaqinakax, jan wali jaqinakarux uñisiwa; ñanqha lurir jaqinakasti, aski jaqinakarux uñisirakiwa.

Eclesiastés 4:4

Jan inakt'as irnaqaña, nayraqatar sartañax maynit maynikam jilankañ thaqhatapak uñjarakta, ukasti inamayarakikiwa, thayarus katthapiñ munksna ukhamakiwa.

Jeremías 18:18

Jaqinakasti sapxarakïnwa: “Jichhax Jeremiasar jan walt'ayañatak mä amtäwir puriñäni. Jiwasar yatichir sacerdotenakax utjaskaniwa, amuyt'an jaqinakas iwxanakap churañatakix utjaskaniwa, Tatitun arunakap yatiyir profetanakas utjaskapuniniwa. Jeremías profetar jiwayapxañapatak k'arintapxañäni. Kuntix jupax siski uka arunakarus janirak yäqkañäniti” sasa.

Jeremías 18:23

Ukampis Tatay, jumaw taqi amtatanakap yatta, nayar jiwayañatak amtapki ukanaka. ¡Ñanqha luratanakapat jan pampachamti, jucha luratanakapsa janirak armamti! ¡Juma nayraqatar tinkurayam, jach'a phiñasiñampi mutuyarakim!

Jeremías 20:10

Jaqinakan jisk'at parlasitanakapsa ist'araktwa: “¡Taqi chiqansa axsarañakiw utjaski!” sasa. “¡Jutapxam, juchañchapxañäni!” sapxiwa. Pachpa masinakaxas nayan pantjasiñax suyt'apxi. “Inas sallqjayaschini; ukat atipjañäni, jupatsa phuqsusirakiñäni” sapxarakiwa.

Jeremías 29:7

Kawkïr markarutix nayax apayapksma uka markan askipatak irnaqapxam, uka markatak nayat mayipxarakita, Babilonia markatix juk'ampi jach'aptanixa, jumanakax uka kipkarakiw jach'aptapxäta.

Daniel (hebreo) 3:8

Ukampis mayni caldeo jaqinakax, Nabucodonosor reyi nayraqatan judionakar aynacht'ayañatakiw amtapxäna,

Daniel (hebreo) 5:12

Uka jaqix samkanaksa, jan amuyt'kañjamanaksa, imantatanak qhanañchañatakis ch'amaniwa. Jupax Daniel sutiniwa, Nabucodonosor reyiw Beltsasar sasa sutichäna. Jichhasti juma reyix Danielar jawsayanim, jupasti pirqan qillqatäki uka arunak qhanañcharakïtamwa —sasa.

Daniel (hebreo) 6:22

22 (23) Diosaxax, leonanakan lakap jist'antiriw angelap khithani, ukhamat nayar jan kuns kamachapxañapataki, Diosax nayan jan juchanïtax yatiwa, ukhamaraki juma rey tuqis jan kuna juch lurataxsa yatirakiwa —sasa.

Mateo 26:4

jupanakasti k'arimpiw Jesusar katuntañ amtapxäna, ukhamat jiwayañataki.

Mateo 27:18

Pilatox amuyänwa uka jaqinakan uñisiñat Jesusar katuntayatapa.

Lucas 20:20

Uka qhipatsti jilïrinakax uñaqanak khithapxäna, jupanakax aski jaqinakjam tukusin Jesusar kuna arunsa pantjayañataki, ukatsti pantasitapat marka apnaqirinakar katuyañataki.

Lucas 20:26

Jaqinakan nayraqatapan satapampix janiw kunjämat aynacht'ayas katuntañjamäkänti, jan ukasti, Jesusan arsutapat wal muspharapxäna, ukat amukt'xapxarakïna.

Lucas 22:2

Sacerdotenakan jilïripampi, kamachi yatichirinakampix kunaymanit Jesusar jiwayañ thaqhapxäna, ukampis jaqiruw axsarapxäna.

Juan 19:4

Pilatosti wasitampiw mistunïna, ukat jupanakar sarakïna: —Janiw nayax kuna juchsa aka jaqin jikxatkti; uk yatipxañamatakiw irpsunta —sasa.

2 Corintios 11:12

Ukampis kuntix lurkta uk luraskakïwa, ukhamat khitinakatix nanakjam tukuñ munas aytayasiñ thaqhapki ukanakax, jan uka amuyunakapan sarnaqasipkañapataki;

Filipenses 2:15

ukhamat jan khitis jumanakar mä kunatsa juchañchaskañapataki, jan ukasti Diosan wawanakapjam jan akch'as q'añuni uka jan wali jaqinak taypin jikxatasipxañamataki. Jumanakasti, ch'amak taypin k'ajir warawarjam jupanak taypin k'ajapxapunim,

1 Timoteo 5:14

Ukat nayax tawaqu ijma warminakan jaqichasiñap munta, wawanakanïñapa, utap sum uñjirïñap munta, ukhamat uñisirinakapan jupanakar jan p'inqachaskañapataki.

Tito 2:8

sum parlasa, khitinsa jan juchañchañapataki. Ukhamat khititix jiwasxat jan wal parlki ukax p'inqachat uñjasini, janirakiw jiwasanakat kuna jan walsa parlkaniti.

1 Pedro 2:12

Diosar jan uñt'ir jaqinak taypin sum sarnaqapxam. Jichhas jupanakaxa, jumanakat jan wal parlapkchi ukasa, jumanakan aski luratanakam uñjasasti, Diosaruw jach'achapxani kunürutix jupax luräwinak wayt'ir jutkani ukkha.

1 Pedro 3:16

suma chuymamp parlxt'ayapxarakim. Cristor arkirinakjamax sum sarnaqapxam, ukhamat jan kunatsa juchanchatäpxañamataki. Jumanakan askinak luratanakamat jan wali parlirinakax jupanakpachaw p'inqasipxani.

Jueces 14:4

Awkip taykapasti janiw amuyapkänti Tatit pachpa taqi kunsa ukhamäñapatak wakt'ayatapa, Tatitux filisteonakampi kunjämatsa nuwasiñ thaqhaskäna, uka urunakansti filisteonakaw israelitanakar apnaqäna.

1 Samuel 12:4

Jupanakasti sapxarakïnwa: —Janipuniw kunapachas nanakarux t'aqhisiyapkistati, ñanqhachapkistasa, janirakiw qullqimpis chiqapar uñjatäñatakix chilltayasktati —sasa.

1 Samuel 18:14

Tatituw Davidar yanapäna ukat taqi kuna luräwipas nayraqataru mistüna.

1 Samuel 22:14

Ukatsti Ahimélec sacerdotex reyirux sarakïnwa: —¿Khitirak juma jach'a munañan reyin jilïrinakam taypin Davidjam taqi chuymampi phuqhiristi? Jupaxa, juma jach'a munañan reyin tullqamawa, jach'a utam uñjirinakan jilïripawa, uka utansa aski jach'añchäwi katuqirirakiwa.