Daniel (hebreo) 5:8 - Qullan Arunaka DC

⁸ Ukampis yatiñani jaqinakasa, yatirinakasa janiw uka qillqat amuyt'irjamäpkänti, janirakiw reyirus ukxat qhanañchirjamäpkänti.

Aymar Bibliia 1986

⁸ Take yatiñani jakenacasti, qhitinacatejj reyir sirviñataqui uscutäpcän ucanacasti reyin utaparuw mantapjjäna, ucampisa janiw maynis uca kellka leet'asin khanañchañjja puedcänti.

Qullan Arunaca

⁸ Take yatiñani jakenacasti, qhitinacatejj reyir sirviñataqui uscutäpcän ucanacasti reyin utaparuw mantapjjäna, ucampisa janiw maynis uca kellka leet'asin khanañchañjja puedcänti.

Daniel (hebreo) 5:8 Jak'a apnaqawi uñst'ayäwi

Génesis 41:8

Ukampis qhipärmanthix wali llakt'ataw reyix sartasïna, ukatsti Egipto markankir yatirinakaru, yatiñani jaqinakaruw irptayanïna. Ukatsti faraonax uka samkanakap jupanakar yatiyasïna, ukampis janiw maynisa uka samkanak qhanañchirjamäpkänti.

Isaías 47:9

Inas akatjamat jumxarux uka jan walt'añanakax jutchini, inamayäskaniw layqasitanakamasa, ijma warmi, jan wawanakaniw uñjasïta.

Jeremías 50:35

Tatitux siwa: “¡Babilonio jaqinakax jiwarapxpan! ¡Jilïrinakapasa, yatiñan jaqinakapas jiwarapxpan!

Daniel (hebreo) 2:27

Danielasti sarakïnwa: —Janiw mayni yatiñani jaqisa, yatirisa, warawaranak uñtasin yatir jaqis utjkiti, jach'a munañan reyix kuntix yatiñ munki uk qhanañchirixa.

Daniel (hebreo) 4:18

18 (15) “ ‘Uka samka naya, Nabucodonosor reyix samkasta. Jichhasti Beltsasar, qhanañchita kuntix uka samkax sañ munki uka, janiw khitisa yatiñani jaqinak taypit uk amuyt'apkiti; ukampis jumax qhanañchasmawa; qullan Diosan ajayupax jumampïskatap layku.”

Daniel (hebreo) 4:4

4 (1) “Naya, Nabucodonosor reyix, jach'a utaxan k'uchikiw jakasiskäyäta, wali qamirirakïyätwa.

Daniel (hebreo) 4:7

7 (4) Ukatsti, Babilonia markan utjiri yatir jaqinaka, yatirinaka, yatiñaninaka, warawaranak uñch'ukis yatirinakaw jutapxäna, ukat nayax jupanakar samkax yatiyasta, ukampis jupanakax janiw uk qhanañchirjamäpkänti.

Daniel (hebreo) 5:15

Ukhamasti, aka markan utjir taqi uka yatiñani jaqinakaw akankapxäna pirqan qillqatäki uk ullarañataki, ukat uk qhanañchañatakiraki, ukampis janiw kunätapsa amuyapkiti.