Daniel (hebreo) 5:7 - Qullan Arunaka DC

⁷ Ukatsti wararisaw Babilonian utjir taqi yatirinakaru, yatiñan jaqinakaru, warawaranak uñch'ukis yatir jaqinakar jawsäna, ukat jupanakar sarakïna: —Khititix aka pirqan qillqatäki uk ullarkani, ukatsti kuntix ukax sañ munki uksa qhanañchkarakitani, ukax suma isinakamp isthapiyatäniwa, kunkaparusti mä quri wallqamp ajuntayatarakïniwa, markaxan apnaqäwipansti kimsïri jilïri apnaqirit utt'ayatarakïniwa —sasa.

Aymar Bibliia 1986

⁷ Ucat warariraqui, take yatiri, uqhamaraqui yatiñani, warawaranaca uñch'uquiri jakenacajj Babilonian utjcänsa take ucanacaruw jawsayäna, ucat jupanacarojj saraquïna: “Qhititejj aca perkan kellkatäqui uca leet'ani ucat uca kellkajj cuntejj saña munqui uca khanañcharaquitani, ucajj púrpura sat suma isinacampi isthapiyatäniwa, cuncaparusti mä kori cadenaw warcuntasiraquini, nayan reinojjansti quimsïri chekaru utt'ayataraquïniwa” sasa.

Qullan Arunaca

⁷ Ucat warariraqui, take yatiri, uqhamaraqui yatiñani, warawaranaca uñch'uquiri jakenacajj Babilonian utjcänsa take ucanacaruw jawsayäna, ucat jupanacarojj saraquïna: “Qhititejj aca perkan kellkatäqui uca leet'ani ucat uca kellkajj cuntejj saña munqui uca khanañcharaquitani, ucajj púrpura sat suma isinacampi isthapiyatäniwa, cuncaparusti mä kori cadenaw warcuntasiraquini, nayan reinojjansti quimsïri chekaru utt'ayataraquïniwa” sasa.

Daniel (hebreo) 5:7 Jak'a apnaqawi uñst'ayäwi

Génesis 41:8

Ukampis qhipärmanthix wali llakt'ataw reyix sartasïna, ukatsti Egipto markankir yatirinakaru, yatiñani jaqinakaruw irptayanïna. Ukatsti faraonax uka samkanakap jupanakar yatiyasïna, ukampis janiw maynisa uka samkanak qhanañchirjamäpkänti.

Ester (hebreo) 3:1

Ukat mä qawqha urunakatsti, Asuero reyix Hamedata chachan Amán yuqaparuw marka apnaqañapatak jilïrit utt'ayäna, jupax Agag chachat saraqirïnwa.

Éxodo 7:11

Uk uñjasinsti faraonax yatiñan jaqinakaparu, layqanakaparuw jawsayanïna, jupanakasti yatiñanakapampix kipkarak lurapxäna;

Proverbios 1:9

Uka yatichäwinakapasti p'iqimatakix mä suma pillur uñtatäniwa, kunkaman mä suma wallqar uñtatarakïniwa.

Cantar de los cantares 1:10

¡Ajanumax aretenak taypin wali jiwakiwa! ¡Kunkamas perlanakat lurat wallqa taypin wali jiwakiwa!

Isaías 47:13

Iwxirinakamax waljanipunïnwa. ¡Jichhax warawara uñch'ukirinakax uñstanipxpan, khitinakatix warawaranak uñch'ukis yatxatapki ukanakaxa, kunatix akat qhiparu luraskani ukanak yatiyirinakasa, khitinakatix jumar qhispiyañ munapktam ukanakas jichhax uñstanipxpan!

Jeremías 50:35

Tatitux siwa: “¡Babilonio jaqinakax jiwarapxpan! ¡Jilïrinakapasa, yatiñan jaqinakapas jiwarapxpan!

Ezequiel 16:11

qurit lurat yänakampiw k'achachsma, amparamarus chipanampiw uchsma, kunkamarus mä wallqampiw ajuntayaraksma;

Daniel (hebreo) 1:20

Kuna luräwinakatix wali amuyt'ampi lurañ wakiskäna ukanakatakisti, reyix uka waynanakaruw jiskt'äna, reyitakisti uka waynanakaw wali ch'ikhïpxänxa, markapan utjir tunka yatiñani jaqinakat sipansa.

Daniel (hebreo) 1:4

wali suma uñnaqt'ani waynanaka, jan kunansa kamacht'ata, ch'ikhinaka, suma yatichatanaka, taqi kunsa yatirinaka, reyin jach'a utapan luqtañatakis wakicht'atanaka. Jupanakar caldeonakan arupampi, qillqatanakapamp yatichayañataki.

Daniel (hebreo) 2:2

Ukat jupax yatirinakaru, layqanakaru, taqi yatiñani jaqinakar jawsayanïna uka samkanak tuqit juparu qhanañchapxañapataki. Uka jaqinakasti reyin nayraqataparuw uñstapxäna,

Daniel (hebreo) 2:27

Danielasti sarakïnwa: —Janiw mayni yatiñani jaqisa, yatirisa, warawaranak uñtasin yatir jaqis utjkiti, jach'a munañan reyix kuntix yatiñ munki uk qhanañchirixa.

Daniel (hebreo) 2:48

Uka qhipatsti reyix Danielar mä jach'a jilïrit utt'ayäna, juparusti walja churäwinak waxt'arakïna; ukhamarus Babilonia suyu apnaqañapatakiw utt'ayäna, ukxarusti uka markan utjir yatiñani jaqinakan jilïripat utt'ayarakïna.

Daniel (hebreo) 2:6

Ukampisa, jumanakatix uka samka amtasiyapxitäta, uka samka qhanañchapxarakitätaxa, nayax walja waxt'äwinak churapxäma, walja askinakamp katuqapxäta, jach'ar aptatäpxätawa. Ukhamasti, uka samka amtayapxita, uk qhanañchapxarakita —sasa.

Daniel (hebreo) 4:14

14 (11) uka angelax jach'at art'asisaw sarakïna: “ ‘Uka quqa liwinukupxam; layminakapsti khuchhurapxam, laphinakapsa wikharapxam, achunakapsa willitatapxam. Ch'iwipankki uka pampa laq'unakas jaltxapxpan, layminakapan tapachasir jamach'inakas chhuktawayxapxarakpan.

Daniel (hebreo) 5:11

aka Babilonia markan mä ch'ikhi, yatiñan jaqiw utji. Juparux qullan Diosan ajayupaw irpaski. Kunapachatix juma reyin awkimax reyïkäna ukapachaw uka jaqix qhana amuyunïtapa ch'ikhïtapa, yatiñanïtap uñacht'ayäna, diosanakjam yatiñanïkaspas ukhama. Ukatpï Nabucodonosor reyix, juma reyin awkimax uka jaqir taqi yatirinakana, layqanakana, yatiñan jaqinakana, warawaranak uñch'ukis yatir jaqinakan jilïripat utt'ayänxa.

Daniel (hebreo) 5:15

Ukhamasti, aka markan utjir taqi uka yatiñani jaqinakaw akankapxäna pirqan qillqatäki uk ullarañataki, ukat uk qhanañchañatakiraki, ukampis janiw kunätapsa amuyapkiti.

Daniel (hebreo) 5:16

Ukampis nayax ist'twa jumax taqi pächasiñanaka, jan amuyt'kañanak qhanañchirïtama. Jumatix uka arunak ullaräta, ukat kuntix ukax sañ munki uk qhanañcharakitätaxa, jumax suma isinakamp isthapiyatäyätawa, kunkamarusti mä quri wallqamp ajuntayataraki, nayan marka apnaqäwixansti kimsïri jilïrit utt'ayatarakïyätawa —sasa.

Daniel (hebreo) 5:29

Ukspachaw Belsasar reyix arsurakïna, Danielar wila chupika isinakamp isthapiyapxañapataki, kunkaparus mä quri wallqamp ajt'ayapxañapataki, ukatsti taqi jaqinakaruw yatiyarakïna, marka apnaqäwi taypin kimsïri jilïrit ukspach Danielan utt'ayatäñapataki.

Números 22:17

Nayaw wali jach'añchäwinak churäma, maykität uksa nayax phuqhäwa; aka markar ñanqhachañatak jutakimaya” sasa.

Números 22:7

Ukatsti Moab, Madián markanakan jilïrinakapax qullqi apt'ataw sarapxäna, israelitanakar ñanqhachatat churañataki, Balaam jak'ar purisasti, Balac reyin arunakap yatiyapxäna.

Números 24:11

¡Jichhpach utamar sarxam! Nayax jumar walja churäwinak churañ arsüyäta, ukampis Tatituw jan ukham lurasiñap munkiti —sasa.

1 Samuel 17:25

ukatsti sapxarakïnwa: “¿Uka chachar mistunir uñjapxtati? ¡Israel markar axsarayiriw jutarakiki! Reyisti uka jaqir atipt'irirux qamir yänak churani, phuchhapsa warmipatakiw churani, wila masinakapas janirakiw qullqi churkaniti” sasa.