Daniel (hebreo) 5:11 - Qullan Arunaka DC

¹¹ aka Babilonia markan mä ch'ikhi, yatiñan jaqiw utji. Juparux qullan Diosan ajayupaw irpaski. Kunapachatix juma reyin awkimax reyïkäna ukapachaw uka jaqix qhana amuyunïtapa ch'ikhïtapa, yatiñanïtap uñacht'ayäna, diosanakjam yatiñanïkaspas ukhama. Ukatpï Nabucodonosor reyix, juma reyin awkimax uka jaqir taqi yatirinakana, layqanakana, yatiñan jaqinakana, warawaranak uñch'ukis yatir jaqinakan jilïripat utt'ayänxa.

Aymar Bibliia 1986

¹¹ jupan reinopansti mayni jakew utji kollan Diosan ajayupampi irpata. Cunapachatejj jach'a reyin awquipajj reyïcan ucapachajj uca jakejj wali suma khana amuyunïtapwa uñacht'ayäna, ch'iqhïtapa, yatiñanïtapa diosanacjama yatiñanïcaspas uqhama. Ucatpï juma jach'a reyin Nabucodonosor rey awquimajj uca jakerojj take yatiri, mago, yatiñani, uqhamaraqui warawaranaca uñch'uquiri jakenacan jilïripat utt'ayänjja.

Qullan Arunaca

¹¹ jupan reinopansti mayni jakew utji kollan Diosan ajayupampi irpata. Cunapachatejj jach'a reyin awquipajj reyïcan ucapachajj uca jakejj wali suma khana amuyunïtapwa uñacht'ayäna, ch'iqhïtapa, yatiñanïtapa diosanacjama yatiñanïcaspas uqhama. Ucatpï juma jach'a reyin Nabucodonosor rey awquimajj uca jakerojj take yatiri, mago, yatiñani, uqhamaraqui warawaranaca uñch'uquiri jakenacan jilïripat utt'ayänjja.

Daniel (hebreo) 5:11 Jak'a apnaqawi uñst'ayäwi

Génesis 41:38

ukat faraonax jupanakarux säna: —Janiw kawkhansa aka jaqjama Diosan ajayupani jikxatkañäniti —sasa.

2 Samuel 14:17

Arunakamampi chuymachat jikxatasiñsa yatirakïyätwa, juma reyisti, Diosan angelapjamätawa, taqi kunsa chiqaparupuniw uñjtaxa. ¡Tatitu Diosay jumar aski waxt'äwipamp phuqt'pan! —sasa.

Ezequiel 28:3

Janiw Daniel profetat sipan juk'ampi yatiñanïktati, janirakiw taqi imantatanaksa uñt'ktati,

Ezequiel 28:4

Yatiñamampi ch'ikhi chuymamampixa, walja qamir yänak jikxattaxa, imasiñ pirwanakamarus qurimpi, qullqimpiw phuqhanttaxa.

Daniel (hebreo) 1:4

wali suma uñnaqt'ani waynanaka, jan kunansa kamacht'ata, ch'ikhinaka, suma yatichatanaka, taqi kunsa yatirinaka, reyin jach'a utapan luqtañatakis wakicht'atanaka. Jupanakar caldeonakan arupampi, qillqatanakapamp yatichayañataki.

Daniel (hebreo) 2:11

Sinti ch'amapuniw juma reyin mayitamaxa, janiw khitis uka mayitamarux qhanañchkaspati, inas diosanakax qhanañchapxchispan; ¡ukampis uka diosanakax janiw jaqinak taypin jakapkiti! —sasa.

Daniel (hebreo) 2:22

Jupaw jamasan imantatanak qhanañchi; jupaw kunatix ch'amakankki uk uñt'i, jupampiw qhanax jaki.

Daniel (hebreo) 4:18

18 (15) “ ‘Uka samka naya, Nabucodonosor reyix samkasta. Jichhasti Beltsasar, qhanañchita kuntix uka samkax sañ munki uka, janiw khitisa yatiñani jaqinak taypit uk amuyt'apkiti; ukampis jumax qhanañchasmawa; qullan Diosan ajayupax jumampïskatap layku.”

Daniel (hebreo) 4:5

5 (2) Ukampis mä arumaw ikiñankasin mä samka samkasta, ukasti walpun mulljitu, kunayman lup'ïwinakampi, unañchäwinakampix axsarañat khathatiyitu.

Daniel (hebreo) 4:6

6 (3) Ukat nayax, Babilonia uraqin utjir taqi yatiñan jaqinakaruw jawsayta, kuntix uka samkax sañ munki uk nayar qhanañchapxañapataki.

Daniel (hebreo) 5:14

Juman chuymaman Diosan ajayupa jakaskatapa nayar yatiyapxitu, ukat jumax wali ch'ikhi, suma amuyt'an jaqïtama.

Daniel (hebreo) 5:7

Ukatsti wararisaw Babilonian utjir taqi yatirinakaru, yatiñan jaqinakaru, warawaranak uñch'ukis yatir jaqinakar jawsäna, ukat jupanakar sarakïna: —Khititix aka pirqan qillqatäki uk ullarkani, ukatsti kuntix ukax sañ munki uksa qhanañchkarakitani, ukax suma isinakamp isthapiyatäniwa, kunkaparusti mä quri wallqamp ajuntayatarakïniwa, markaxan apnaqäwipansti kimsïri jilïri apnaqirit utt'ayatarakïniwa —sasa.

Hechos 12:22

Ukat jaqinakax jach'at art'añ qalltapxäna: “¡Herodes, jumax janiw mä jaqjam parlktati, jan ukasti mä diosjamaw parltaxa!” sasa.

Hechos 14:11

Pablor ukham lurir uñjasinsti, jaqinakax Licaonia arut jach'at arsuñ qalltapxäna: —¡Diosanakaw jaqir uñtat jiwasanak taypir saraqanitayna! —sasa.

Hechos 16:16

Mä urusti, Tatitut mayisiñ chiqäkis ukkharuw sarasipkäyäta, thakhinsti, mä uywat tawaquruw jikxatapxta. Jupasti layqasir ajayunïnwa, kunatix qhipürun luraskani ukanak qhanañchirïnwa. Ukhamat uywirinakapatak walja qullqi jikxatirïna.

Apocalipsis 3:9

Uñjätawa, kuntix supayan tamapankasipki uka k'ari jaqinakampi lurkä uka. Jupanakax judío jaqjamaw tukupxi, ukampis chiqpachan janiw judío jaqinakäpkiti. Juma nayraqatan jupanakar killt'asiyä, nayan jumar munasitax yatipxañapataki.