Daniel (hebreo) 5:1 - Qullan Arunaka DC

¹ Babilonia marka apnaqir Belsasar reyix mä jach'a manq'äwi luräna, ukarusti jach'a jilïri jaqinakapat waranqaniruw jawsayäna, uka manq'äwinsti reyimpi uka jawsayata jaqinakapampix walpun vino umapxäna.

Aymar Bibliia 1986

¹ Babilonianquiri Belsasar reyejj mä jach'a mank'äwi luräna, ucatsti jach'a jilïri jakenacapatjja waranka jakenacaruw jawsayäna, uca mank'äwinsti reyimpi uca jawsayata jakenacapampejj walpun vino umapjjäna.

Qullan Arunaca

¹ Babilonianquiri Belsasar reyejj mä jach'a mank'äwi luräna, ucatsti jach'a jilïri jakenacapatjja waranka jakenacaruw jawsayäna, uca mank'äwinsti reyimpi uca jawsayata jakenacapampejj walpun vino umapjjäna.

Daniel (hebreo) 5:1 Jak'a apnaqawi uñst'ayäwi

Génesis 40:20

Kimsa uru qhipatsti faraonan urupänwa, ukatsti jupax mä jach'a phunchhäwi jaqinakapatak luräna. Jawsayat jaqinak nayraqatat faraonax vino luqtirinakana, t'ant'a luririnakan jilïrinakapar carcelat irpsuyanïna.

Ester (hebreo) 1:3

Asuero reyix marka apnaqäwip kimsa mara phuqkasaxa, mä jach'a phunchhäwi luräna, taqpach irnaqirinakapampitaki, jilïr yanapirinakapampitaki, ukatsti Persankiri, medonkir ejercitonakan jilïrinakaparuw jawsayäna, suyunakan jilïr mallkunakaparux jawsayarakïnwa.

Isaías 22:12

Uka urusti taqi ch'aman Tatitux jachapxañamataki, wararipxañamatakiw jawsapxtam, p'iqinakamsa q'ararasipxañamataki, ayquñ uñacht'ayañatakisti chhankha isinakamp isthapisipxañamataki.

Isaías 22:14

Ukampisa taqi ch'aman Tatitux nayaruw uñstitu, ukatsti sarakituwa: “Janipuniw uka jucha luratanakap pampachkäti; jan ukasti jumanakax jiwarapxätawa” sasa. Aka arunakax taqi ch'aman Tatitun arunakapawa.

Jeremías 50:35

Tatitux siwa: “¡Babilonio jaqinakax jiwarapxpan! ¡Jilïrinakapasa, yatiñan jaqinakapas jiwarapxpan!

Jeremías 51:39

Janchipan wali junt'jatäpxani ukkhasti, nayaw machjayir umanak churä, ukasti jupanakarux p'iqi muytayani. Ukhamat jupanakax jiwatjam ikirapxani, janirakiw mayampis sartkxapxaniti. Naya, Tatituw uk arsta.

Jeremías 51:57

Reyi, taqi ch'amani Tatitusti siwa: “Babiloniankir jilïrinakarux machjayäwa, yatiñani jaqinakaparusa, marka apnaqirinakaparusa, jilïrinakaparusa, soldadonakaparusa, q'al machjayä, jiwatjamaw ikirapxani, janirakiw mayampsa uka ikit sartkxapxaniti.

Daniel (hebreo) 5:30

Ukatsti uka arumpachaw Belsasar reyir jiwayxapxäna, jupasti caldeo jaqinakan reyipänwa, ukatsti Media uraqinkir Darío reyiw uka marka apnaqäwi katuntasxarakïna. Ukapachasti Darío reyix suxta tunk payan maranïnwa.

Nahúm 1:10

K'ithuntat ch'aphinakjama, waña jichhur uñtataw nakhantatäpxäta.