Daniel (hebreo) 4:3 - Qullan Arunaka DC

³ 3 (31) ¡Kunja jach'as luräwinakapaxa, muspharkañ luratanakapasa! Jupan marka apnaqäwipasti wiñayatakïniwa, munañanïñapas wawanakapansa wawanakapatakïniwa.

Aymar Bibliia 1986

³ ¡Cunja jach'as luräwinacapajja, uqhamaraqui milagronacapasa! Jupan reinopasti wiñayataquipunïniwa, munañanïñapasa wawanacapans wawanacapataqui.

Qullan Arunaca

³ ¡Cunja jach'as luräwinacapajja, uqhamaraqui milagronacapasa! Jupan reinopasti wiñayataquipunïniwa, munañanïñapasa wawanacapans wawanacapataqui.

Daniel (hebreo) 4:3 Jak'a apnaqawi uñst'ayäwi

Salmos 104:24

¡Tatay, luräwinakamax waljapuniwa! Yatiñ kankañampiw taqi kuns lurtaxa; ¡uraqix luratanakaman phuqhantatawa!

Salmos 105:27

jupanakasti Diosan muspharkañanakap wasaran uñacht'ayapxäna: ¡Egipto uraqin muspharkañanak lurapxäna!

Salmos 145:13

Qhapaq markamax wiñay qhapaq markawa, qhapaq apnaqäwimax wiñay apnaqäwirakiwa, Tatitux arsutanakap phuqhiriwa, taqi luräwinakapan munasiñaniwa.

Salmos 66:7

Ch'amapampiw wiñayatak markanakar apnaqi; nayranakapax markanakaruw uñch'ukiski, qallasir jaqinakan jupatak jan sayt'añapataki.

Salmos 72:18

Israelan Tatit Diosapax jach'añchatäpan, jupakiw muspharkañanak luririxa;

Salmos 77:19

19 (20) Jumax lamar qutan thakhi jist'arastaxa, walja umanak taypinjam makhattaxa, ukampis janiw khitis takt'atam jikxatkänti.

Salmos 86:10

Juma sapakiw jach'a Diosätaxa; muspharkañanak lurtaxa.

Salmos 92:5

5 (6) Tatay, ¡luratanakamax sinti muspharkayawa!, ¡amtatanakamax jan amuyt'kayawa!

Isaías 25:1

Tatay, jumätaw nayan Diosaxaxa; nayax jumaruw yupaychsma, muspharkañ amtatanakam phuqhatamata, nayra pachatpach ukanakan chiqätapata, sutimsa jach'aruw aptarakta.

Isaías 28:29

Taqi ukham lurañanak yatxatañax taqi ch'aman Tatitut juti. Jupax muspharkañ amtäwinakaniwa, wali amuyt'ampirakiw uka amtäwinakap phuqhi.

Isaías 9:7

7 (6) Davidan qunuñapan qunt'asini; aka uraqpach apnaqani, samarañapasti jan tukuskayäniwa. Jupan apnaqäwipax suma utjnuqatäniwa, kunatix chiqapar uñjañäki, askïkaraki ukanakxar utt'ayatäniwa, jichhürut qalltasina wiñaykama. Taqi akanaksti Tatitun jach'a munasiñapaw lurani.

Jeremías 10:10

Tatitu sapakiw chiqpach Diosaxa, jakkir Tatituxa, wiñay Reyixa. Jupan q'apisiñapansti, aka uraqix khathatiwa; markanakasti janirakiw phiñasitaparux saykatkaspati.

Daniel (hebreo) 2:2

Ukat jupax yatirinakaru, layqanakaru, taqi yatiñani jaqinakar jawsayanïna uka samkanak tuqit juparu qhanañchapxañapataki. Uka jaqinakasti reyin nayraqataparuw uñstapxäna,

Daniel (hebreo) 2:44

Ukampisa, uka reyinakan marka apnaqäwip urunakansti, alaxpachankir Diosax mä rey khithanini, marka apnaqäwipasti wiñayatakïniwa, juparusti janiw khitis atipjkaniti, jan ukasti, jupaw taqi marka apnaqäwinakar tukjani.

Daniel (hebreo) 4:17

17 (14) Tatitun qullan angelanakapaw juchañchäwi arunak arsuwayapxi, ukhamat taqi jaqinakax yatipxani, alaxpachankir Diosax ch'amanïtapa, jaqinakan marka apnaqañanakapxaru, jupaw marka apnaqañanaksa churaraki, khitirutix churañ munki ukaru, ukatsti mä markan jilïripat utt'ayaraki, khititix taqi jaqinakat sipan llamp'u chuymanïki ukaru.’ ”

Daniel (hebreo) 7:14

Jupasti munañan kankañampi, qhapaq kankañampi katuqäna, aka uraqpach apnaqañataki, ukatsti taqi markankir jaqinaka, kunayman arut parlir jaqinakarakiw juparux luqtapxäna. Jupan munañan kankañapax wiñayawa, marka apnaqäwipas janipuniw tukuskaniti.

Daniel (hebreo) 7:27

Ukatsti marka apnaqäwisa, munañan kankañasa, qhapaq kankañasa, taqi akapachankir apnaqäwinakasa, alaxpachankir Tatitun markapar katuyatäxaniwa. Marka apnaqäwipasti wiñayatakipunïniwa, juparuw taqi akapachankir markanakax luqtapxani, jaysapxarakini.’

Romanos 11:33

¡Kunja jach'as Diosan qamir kankañapasa, ch'ikhi kankañapasa, yatiñ kankañapasa! Janiw khitis jupan amtäwinakap qhanañchkaspati, janirakiw khitis jupan thakhip amuyt'kaspati.

Deuteronomio 4:34

¿Utjarakpachati mä diosasa markaparu yaqha markanak taypit ajlliri, wali yant'anakampi, uñacht'äwinakampi, muspharkay luräwinakampi, nuwasiñanakampi, ukatsti wali ch'aman amparampi katuntasa, wali axsarkañ luräwinak luriri, kunjämatix Tatit Diosamax jumanakatak Egipto markan lurkäna ukhamsti?

1 Timoteo 1:17

¡Jichhasti, wiñay jach'a Reyiru, jan jiwiriru, jan uñjkay sapa Diosar jach'añchas yupaychañäni! Ukhamäpan.

Hebreos 1:8

Ukampis Yuqapat siwa: “Juman qhapaq qunuñamax Dios Tata, wiñayatakiwa, Reyi kankañamas chiqapar uñjañawa.

Hebreos 2:4

Ukhamarus Diosax unañchanakampi, muspharkañ luräwinakampiw uñacht'ayistu, ukatsti Qullan Ajay tuqiw kunayman lurañanak munañaparjam churistu.

1 Pedro 4:11

Maynitix sum parlirïchixa, Diosan arunakap parlpan. Maynitix khitirus kunjäm yanapt'añsa yatchixa, Diosan ch'amapamp lurpan. Taqi kuntix lurapkäta ukax jupanakan Jesucristo tuqi Diosar yupaychañatakïpan, jupankiw jach'a kankañaxa, munañanïñasa wiñayan wiñayapataki. Ukhamäpan.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.