Daniel (hebreo) 4:18 - Qullan Arunaka DC

¹⁸ 18 (15) “ ‘Uka samka naya, Nabucodonosor reyix samkasta. Jichhasti Beltsasar, qhanañchita kuntix uka samkax sañ munki uka, janiw khitisa yatiñani jaqinak taypit uk amuyt'apkiti; ukampis jumax qhanañchasmawa; qullan Diosan ajayupax jumampïskatap layku.”

Aymar Bibliia 1986

¹⁸ “Acaw naya, Nabucodonosor reyin, samcasitajjajja. Jichhajj Beltsasar, jumajj khanañchita cuntejj uca samcajj sañ munqui ucjja, janiw qhitisa yatiñani jakenacajj taypitjja ucjja amuyt'apquiti; ucampisa jumajj khanañchasmawa, kollan Diosan ajayupajj jumar irpascatap laycu.”

Qullan Arunaca

¹⁸ “Acaw naya, Nabucodonosor reyin, samcasitajjajja. Jichhajj Beltsasar, jumajj khanañchita cuntejj uca samcajj sañ munqui ucjja, janiw qhitisa yatiñani jakenacajj taypitjja ucjja amuyt'apquiti; ucampisa jumajj khanañchasmawa, kollan Diosan ajayupajj jumar irpascatap laycu.”

Daniel (hebreo) 4:18 Jak'a apnaqawi uñst'ayäwi

Génesis 40:12

Ukxaruw Joseax säna: —Juman samkamax akham sañ muni: Uka kimsa layminakax kimsa uruwa.

Génesis 41:15

Faraonasti Josearux akham säna: —Mä samka samkasta, uksti janirakiw khitis qhanañchirjamäkiti, ukampis yattwa, jumax mä samka ist'asax qhanañchirïtama —sasa.

Génesis 41:8

Ukampis qhipärmanthix wali llakt'ataw reyix sartasïna, ukatsti Egipto markankir yatirinakaru, yatiñani jaqinakaruw irptayanïna. Ukatsti faraonax uka samkanakap jupanakar yatiyasïna, ukampis janiw maynisa uka samkanak qhanañchirjamäpkänti.

Isaías 19:3

Amuyunakap mayjt'ayä, amtatanakapsti t'unjarakïwa. Ukapachaw jiskt'asipxani: yaqha diosanakaru, layqanakaru, jiwatanakan ajayunakaparu, yatiri jaqinakaru.

Daniel (hebreo) 1:20

Kuna luräwinakatix wali amuyt'ampi lurañ wakiskäna ukanakatakisti, reyix uka waynanakaruw jiskt'äna, reyitakisti uka waynanakaw wali ch'ikhïpxänxa, markapan utjir tunka yatiñani jaqinakat sipansa.

Daniel (hebreo) 2:38

kawkha chiqanakantix jaqinakasa, animalanakasa, jamach'inakasa jakapki uka chiqanak amparamaruw katuytam; jupaw ukanak apnaqañamatak taqpach katuytam.

Daniel (hebreo) 2:7

Yatiñan jaqinakasti wasitat reyir sapxäna: —Jach'a rey, uka samkam nanakar sapxita, nanakasti uka samkat qhanañchapxämawa —sasa.

Daniel (hebreo) 5:15

Ukhamasti, aka markan utjir taqi uka yatiñani jaqinakaw akankapxäna pirqan qillqatäki uk ullarañataki, ukat uk qhanañchañatakiraki, ukampis janiw kunätapsa amuyapkiti.

Daniel (hebreo) 5:8

Ukampis yatiñani jaqinakasa, yatirinakasa janiw uka qillqat amuyt'irjamäpkänti, janirakiw reyirus ukxat qhanañchirjamäpkänti.

Amós 3:7

Tatitux janipuniw kunsa lurkaspati profeta luqtirinakapar jan yatiykasaxa.