Daniel (hebreo) 4:11 - Qullan Arunaka DC

¹¹ 11 (8) Quqasti jilsusin wali thurupuniw tukuwayxäna; alipasti alaxpachkamaw purïna, wali jayatpach uñtasïna, uraq tukusitsa uñstaskakïnwa.

Aymar Bibliia 1986

¹¹ Kokasti jilsusinjja wali thurupuniw tucuwayjje, uca kokan alipasti alajjpachcamaw purïna, wali jayatpachwa uñtasïna, orak tucusitsa uñstascaquïnwa.

Qullan Arunaca

¹¹ Kokasti jilsusinjja wali thurupuniw tucuwayjje, uca kokan alipasti alajjpachcamaw purïna, wali jayatpachwa uñtasïna, orak tucusitsa uñstascaquïnwa.

Daniel (hebreo) 4:11 Jak'a apnaqawi uñst'ayäwi

Génesis 11:4

Ukatsti sapxarakïnwa: “Jutapxam, jichhax mä jach'a marka sayt'ayañäni, torrepas alaxpachar puriñapkama lurapxañäni. Ukhamat taqininsa jach'at uñt'atäñäni, ukatsti janirakiw taqi aka uraqpacharux aywitatkañäniti” sasa.

Ezequiel 31:12

Uka yaqha markanakankir qhuru jaqinakax pampar liwinukusin apanukuwayapxätam; layminakamasti p'akirtasax qhirwanak tuqiru, qullunak tuqiru, jawiranak tuqiruw williranttani, kawkïr markanakatix quqa kayuman ch'iwicht'asiri jutapkän ukanakasti apanukuwayapxätamwa.

Ezequiel 31:5

Walja umanïtap laykux, taqi quqanakat sipan juk'ampi jach'aw jiltäyätaxa; layminakamasti walipuniw jilantäna, taqi tuqiruw jilatatarakïna.

Mateo 11:23

Jumasti Cafarnaúm marka, ¿alaxpachar makhatañti amuyastaxa? ¡Manqhapachar jaquntatäyätawa! Sodoma markantix muspharkañanakax lurasisapänxa, uka markax jichhürkamaw utjaskasapäna.

Deuteronomio 9:1

Moisesasti saskakïnwa: “Israelit jaqinaka, ist'apxam: Jordán jawira khurkatar makhatañampïpxtawa, jumanakat sipan juk'amp jach'a ch'aman markanak katuntapxäta, ukhamarak jach'a pirqanakan uyuchrantat suma markanaksa;