Daniel (hebreo) 3:7 - Qullan Arunaka DC

⁷ Ukhamawa, uka chiqan tantachasit jaqinakax toct'asitanak ist'asaxa, taqiniw uka qurit lurat dios nayraqatar killt'asipxäna, ukar yupaychapxarakïna.

Aymar Bibliia 1986

⁷ Uqhamaw uca chekana tantacht'atäsipcän uca jakenacajj, instrumentonacan toct'asitapa ist'asinsti takeniw uca c'ari diosa nayrakataru quillt'asipjjäna ucat yupaychapjjaraquïna.

Qullan Arunaca

⁷ Uqhamaw uca chekana tantacht'atäsipcän uca jakenacajj, instrumentonacan toct'asitapa ist'asinsti takeniw uca c'ari diosa nayrakataru quillt'asipjjäna ucat yupaychapjjaraquïna.

Daniel (hebreo) 3:7 Jak'a apnaqawi uñst'ayäwi

Jeremías 51:7

Babilonia markasti nayan amparaxanxa quri tilinkir uñtatänwa, taqi aka uraqpacharuw umjayarakïna. Markanakasti vinopat umantasaxa, q'al machjasipxäna.

Daniel (hebreo) 2:46

Uk ist'asasti, Nabucodonosor reyix Danielan nayraqataparuw killt'asïna, p'iqipsa uraqkamaw alt'äna, ukatsti wilañchanaka, inciensonak jupar luqtayañatakiw arsurakïna.

Daniel (hebreo) 3:10

Jach'a munañan rey, jumax mä kamachi mistuytaxa, q'uchuñ instrumentonakan toct'asitap ist'asin, taqi jaqinakan qurit lurat dios nayraqatar killt'asiñapataki,

Daniel (hebreo) 3:4

Uka luräwinaka qalltayiristi jach'at art'äna akham sasa: “Ist'apxam, taqi markanakankir jaqinaka, jach'a markankir jaqinaka, kunayman aru parliri jaqinaka:

Daniel (hebreo) 3:5

Kunapachatix jumanakax trompetan phust'asitap ist'apxäta, ukhamaraki citarana, pinkilluna, lirana, salteriona, yaqhanakampin toct'asitanakap ist'apxäta ukapachaxa, taqiniw qunqurt'asipxäta, yupaychapxarakïta, Nabucodonosor reyix qurit luraykatayna uka dios nayräxana.

Daniel (hebreo) 3:6

Khititix aka dios nayraqataru jan killt'askani, janirak ukar yupaychkani ukasti, ukspachaw mä aqkir hornor jaquntatäni” sasa.

Daniel (hebreo) 3:8

Ukampis mayni caldeo jaqinakax, Nabucodonosor reyi nayraqatan judionakar aynacht'ayañatakiw amtapxäna,

Hechos 14:16

Nayra urunakan Diosax taqi jaqinakarux munañaparjamakiw sarnaqayäna.

1 Juan 5:19

Jiwasax Diosankatas yattan, taqi akapachankirix supayan apnaqatawa.

Apocalipsis 12:9

Uka jach'a dragonasti alaxpachat jaqunukutaw uñjasïna, ukax nayratpach utjir katariwa, supaya, Satanás satarakiwa, jupaw aka uraqin jaqinakar sallqanti. Jupampi angelanakapampisti aka uraqir jaquqanitaw uñjasipxäna.

Apocalipsis 13:14

Nayrïr axsarkañ animalan churata munañanïñ kankañampiw aka axsarkañ jach'a animalax muspharkañanak luratap tuqi uraqin jakir jaqinakar sallqantäna. Ukatsti nayrïr jach'a axsarkañ animalar uñtat lursuyarakïna, kawkïritix espadampi chhuxriñchjatäsin jakaskatayna ukar uñtata.

Apocalipsis 13:3

Uka animalan mayïr p'iqipasti jiwañapatak chhuxriñchatjamänwa, ukampis uka chhuxripax qullatäxänwa. Aka uraqpacharakiw uk uñjasax wal muspharäna, ukatsti uka animalaruw arkapxäna.

Apocalipsis 13:8

Taqi khitinakatix aka uraqin jakapki, ukatsti uraqi qalltatpacha luqtat Corderon jakañ qillqatapan sutinakapas jan qillqatäpki ukanakaxa, uka jach'a axsarkañ animalaruw yupaychapxani.

Apocalipsis 17:8

Jumax uñjkta uka axsarkañ animalax nayrapachan jakkäna ukawa, jichhasti ukax janiw jakkxiti, ukampis aka uraqi manqhat mistsunini, jiwañar janïr sarkasa. Uraqin jakirinakasti, khitinakantix sutinakapax akapach qalltatpach jakañ qillqatan jan qillqantatäki ukanakasti, uka axsarkañ animalar uñjasax walpun muspharapxani, uka axsarkañ animalasti nayraw utjäna, jichhasti janiw utjkxiti, ukampis wasitat uñstanini.

Apocalipsis 19:20

Uka jach'a axsarkañ animalasti k'ari profetamp chika katuntatäxänwa, uka k'ari profetasti muspharkañanak lurirïtayna uka axsarkañ animal nayraqatana. Uka muspharkañ luräwinak tuqiw, uka k'ari profetax sallqjatayna khitinakarutix jach'a axsarkañ animalan chimpupampi chimpuyasipkatayna, ukatsti ukan uñtasit lursutapar yupaychapkatayna ukanakaru. Ukatsti k'ari profetasa, uka axsarkañ animalasa azufrempi aqaskir nina qutar jakkirpacha jaquntataw uñjasipxäna.