Daniel (hebreo) 3:6 - Qullan Arunaka DC

⁶ Khititix aka dios nayraqataru jan killt'askani, janirak ukar yupaychkani ukasti, ukspachaw mä aqkir hornor jaquntatäni” sasa.

Aymar Bibliia 1986

⁶ Qhititejj uca diosa nayrakataru jan quillt'ascani, ucasti ucspachaw mä akquir hornoru jakontatäni” sasa.

Qullan Arunaca

⁶ Qhititejj uca diosa nayrakataru jan quillt'ascani, ucasti ucspachaw mä akquir hornoru jakontatäni” sasa.

Daniel (hebreo) 3:6 Jak'a apnaqawi uñst'ayäwi

Génesis 19:28

ukatsti Sodoma, Gomorra markanak uñtäna, ukhamarak taqi uka qhirwa tuqinak uñtarakïna, uksa tuqit walt'at jiwq'i makhatir uñjäna, mä jach'a hornotsa nina jiwq'ix mistkaspa ukhama.

Éxodo 20:5

Janiw uka diosanakatak killt'asïtati, janirakiw yupaychätasa, nayaw juman Tatit Diosamätxa, jan yaqhampïñam munir Diosätwa, nayar uñisir awkinakan juchapatxa, nayaw wawanakaparusa, allchhinakaparusa, allchhinakan allchhinakaparus mutuyta;

Isaías 44:17

Uka jilt'ir lawatsti mä ídolo lursupxaraki, uka nayraqatan killt'asisaw yupaychapxi, ukatsti wali achikt'asisaw sapxaraki: “¡Qhispiyapxita, jumaw nanakan diosaxätaxa!” sasa.

Jeremías 29:22

Ukatsti, kawkïrinakatix Judá uraqit Babilonia uraqir apanukutäpki ukanakax maynir ñanqhachañ munapkani ukkhax sapxaniwa: Tatitux jumampix lurpan kunjämtix Sedequías, Acab, uka paninir Babiloniankir reyix ninar phichhantkänxa, ukhamarak jumampix lurpan, sasa.

Daniel (hebreo) 2:5

Reyisti ukxarux sarakïnwa: —Nayan amtäwixax akhamawa: Janitix jumanakax uka samka amtasiyapkitäta, janitix uka samka qhanañchapkarakitätaxa, jumanakax jisk'a jisk'a tukjataw uñjasipxäta, utanakamasa t'unthapitarakïniwa.

Daniel (hebreo) 3:11

khititix jan uka dios nayraqatan killt'askani ukasti mä aqkir hornor jaquntatäñapataki.

Daniel (hebreo) 3:15

Jichhasti jumanakax musican toct'asitap ist'asin, killt'asipxäta, nayax luraykta uka dios nayraqatan yupaychapxarakïta. Jumanakatix jan yupaychapkätaxa, jichhpachaw mä aqkir hornor jaquntayapxäma, ¿khiti diosarak ukat qhispiyapxiristamsti? —sasa.

Daniel (hebreo) 3:21

Uka kimsa waynanakasti, jilïr kankañ isipan isthapitpacha ñach'antataw uñjasipxäna, ukat nina lawrkir hornor jaquntapxarakïna.

Daniel (hebreo) 3:7

Ukhamawa, uka chiqan tantachasit jaqinakax toct'asitanak ist'asaxa, taqiniw uka qurit lurat dios nayraqatar killt'asipxäna, ukar yupaychapxarakïna.

Daniel (hebreo) 5:19

Jupar munañan kankañ churatap laykuw, taqi akapachankir markanakaxa, kunayman parlani jaqinakasa, awkimarux axsarapxänwa, jupa nayraqatan khathatipxarakïnwa. Jupax khitirutix jiwayañ munkäna ukarusti jiwayakïnwa, khitirutix jakayañ munkän ukarus jakayakïnwa, mayninakarux jach'aruw aptäna, yaqhipanakarusti jisk'achjarakïnwa.

Daniel (hebreo) 6:7

7 (8) Taqpach jilïrinaka, aka marka apnaqirinakawa mä tantachasïwi lurapxi, uka tantachasïwinsti reyin mä arsüwi apsuñapatakiw amtapxi. Uka arsüwisti akhamäñapawa: Kimsa tunka urunxa janipun khitisa kuna diosarusa, kuna jaqirus yupaychpati, jan ukasti juma rey saparuki mayisitäpan. Khititix uka arsutaru jan phuqkani ukax, leonanakan putupar jaquntatäpan.

Mateo 13:42

Jupanakarux nina aqkir hornoruw jaquntapxani, ukan wararipxani, laka ch'aksa t'urusipxani.

Mateo 13:50

jan wali jaqinakarusti nina aqkir hornoruw jaquntapxani. Ukapachaw wararipxani laka ch'aksa t'urusipxani.”

Mateo 4:9

akham sasa: —Jumatix killt'asisin nayar yupaychitäta ukax taqi aka markanak churäma —sasa.

Marcos 6:27

Reyix ukspachaw Juanan p'iqip apaniñapatak mä soldador khithäna. Soldadosti carcelar purisin Juanan p'iqip khariqäna,

Apocalipsis 14:11

T'aqhisiykani uka ninan jiwq'ipasti wiñayapuniw jiwq'ini, uka jach'a axsarkañ animalar yupaychirinakampi, ukar uñtasit lursutar yupaychirinakampi, amparaparus, paraparus uka animalan sutipampi chimpt'ayasirinakax, wiñayaw t'aqhisipxani, janirakiw urus arumas samarañ jikxatapkaniti” sasa.

Apocalipsis 9:2

Ukatsti uka ch'amak manqha jist'aräna, uka ch'amak manqhatxa jiwq'iw mistüna mä jach'a hornot mistunkaspa ukhama; uka jiwq'iw intiru, saman thayar q'al ch'amakt'ayäna.