Daniel (hebreo) 2:9 - Qullan Arunaka DC

⁹ Ukhamasti, janitix jumanakax samka yatiyapkitätaxa, taqi jumanakax uka pachpa mutuñ katuqapxäta, jumanakasti nayarux k'ari arunakampi sallqjañ amtapxtaxa, kunatix jan chiqapäki ukanakampi, ukhamat jan uka mutuñax jumanakxar puriñapataki. Jichhax samka amtayapxita, ukhamat nayax yatirakï uka samka qhanañchirjamäpxatamsa —sasa.

Aymar Bibliia 1986

⁹ Janitejj jumanacajj cuntejj samcascta uca sapquitäta, ucapachasti take jumanacajj uca pachpa mutuña catokapjjäta, jumanacasti nayarojj c'ari arunacampi sallkjañwa amtapjjtajja, cunatejj jan chekapäqui ucanacampi uqhamat jan uca mutuñajj jumanacjjaru puriñapataqui. Jichhajj sapjjetaya cuntejj samcascta uca uqhamat nayajj yatiraquëjja uca samcajj cuntejj saña munqui uca khanañchirjamäpjjatamsa —sasa.

Qullan Arunaca

⁹ Janitejj jumanacajj cuntejj samcascta uca sapquitäta, ucapachasti take jumanacajj uca pachpa mutuña catokapjjäta, jumanacasti nayarojj c'ari arunacampi sallkjañwa amtapjjtajja, cunatejj jan chekapäqui ucanacampi uqhamat jan uca mutuñajj jumanacjjaru puriñapataqui. Jichhajj sapjjetaya cuntejj samcascta uca uqhamat nayajj yatiraquëjja uca samcajj cuntejj saña munqui uca khanañchirjamäpjjatamsa —sasa.

Daniel (hebreo) 2:9 Jak'a apnaqawi uñst'ayäwi

1 Reyes 22:22

Ajayusti sänwa: “Reyin taqpach profetanakaparux k'arinak parlayä” sasa. Ukat Tatitux sarakïna: “Ukhamatxa k'arintätawa, ukhamax saramay uk luriri” sasa.

1 Reyes 22:6

Ukatsti Israelan reyipax profetanakaruw tantachäna, jupanakasti niya pusi patakanïnwa, ukat jupanakarux jiskt'äna: —¿Galaadankir Ramot markar katuntir sariristti, janicha? —sasa. Profetanakasti ukxaruw sapxäna: —Nuwasir saraskakim, Tatituw uka marka katuyätam —sasa.

Ester (hebreo) 4:11

“Reyir luqtirinakasa, reyin apnaqat suyunakankir jaqinakasa mä kamachi utjatap yatipxi, khitinakatix reyin jan jawskata jupar uñjiri utap manqhir mantapkani ukaruxa, chachäpasa, warmïpasa, jiwayatäñatak juchañchatawa. Reyitix uka jaqit khuyapt'ayasisin quri thujrup aytaspa ukkhakiw jiwañat qhispispa. Nayarusti, niya kimsa tunka uruw reyix jan jawsaykxituti” sasa.

Proverbios 12:19

Chiqapa parlir jaqix wiñayatakiwa, k'ari parlir jaqin arunakapasti mäkiw chhaqtawayxi.

Isaías 41:23

Kunatix niya lurasiñapäki uksa yatiyapxam; jumanakan diosäpxatamsti uñacht'ayapxam. Walïpasa jan walïpasa, kunsa lurasipkakim, kunatix axsarayapkitaspa, khathatiyapkitaspa ukanaksa uñacht'ayapxita.

Isaías 44:25

Kuntix k'ari profetanakax parlapki ukanakxa janiw phuqhasiykti; uka yatiri jaqinakan amuyt'anakapsa chhaqtaytwa. Nayaw amuyt'ani jaqinakarux jupanakkam ch'axwayta, jupanakan yatiñanakapsa mä luqhi kankañar tukuyarakta.

Ezequiel 13:17

“Jichhasti, jaqin yuqapa, kawkïr warminakatix markaman nayan sutix aytasis parlapki ukanakar saykatam,

Ezequiel 13:19

Jumanakax mä jach'i cebada layku, mä jisk'a t'ant'a laykukiw nayarux markax nayraqatan jisk'achapxista; jan juchan jaqinakaruw jiwarayapxtaxa, khitinakatix jiwapxañapäkän ukanakarusti janiw jiwayapktati. Jumanakax ukham nayan markaxarux sallqjapxtaxa, jumanakan k'ari arunakamar jaysapxatap layku.

Ezequiel 13:6

Unañchäwi uñjatanakapasa, profecía arunak arsupxatapas k'arikamakiwa. Jupanakax nayan sutixat parlapxi, ukampis janiw nayax jupanakarux khithankti. ¡Arsutanakapan phuqhasiñanakap suyapxarakiwa!

Daniel (hebreo) 2:16

Ukat Danielax reyin ukar sarasin reyir achikt'asïna, kuntix uka samkax sañ munki uk qhanañchañatak mä qawqha pacha suyt'añapataki.

Daniel (hebreo) 2:21

Jupaw pachanaksa, maranaksa mayjt'ayi, jupaw reyinakar utt'ayi, juparakiw jaquqaraki. Yatiñaninakarux juk'amp yatiñ churi, ch'ikhinakarusti juk'amp ch'ikhi chuyma churaraki.

Daniel (hebreo) 2:8

Reyisti jupanakarux sarakïnwa: —Amtäwix ist'asin jumanakax jank'akiw kuns lurañ munapxtaxa.

Daniel (hebreo) 3:15

Jichhasti jumanakax musican toct'asitap ist'asin, killt'asipxäta, nayax luraykta uka dios nayraqatan yupaychapxarakïta. Jumanakatix jan yupaychapkätaxa, jichhpachaw mä aqkir hornor jaquntayapxäma, ¿khiti diosarak ukat qhispiyapxiristamsti? —sasa.

Daniel (hebreo) 5:28

PARSÍN arusti: juman apnaqäwimax payar jaljtatawa, jichhasti medonakaru, persanakar katuyatarakïniwa” sañ muni —sasa.

Daniel (hebreo) 7:25

Alaxpachankir Diosarusti jisk'achjaniwa; markaparus tukjarakiniwa; Diosan kamachinakapsa, amtäwi uruyañanaksa mayjt'ayañ munarakini, Diosan markapasti jupan apnaqatarakïniwa, kimsa mara chikatankama.

2 Corintios 2:17

Janiw nanakax Diosan yatiyäwi arunakap aljas sarnaqapkti, kunjämtix waljaninakax lurapki ukhama; jan ukasti, taqi chuymaw Diosan nayraqatapan yatiyapxta, Cristompi mayakïtanakax layku.