Daniel (hebreo) 2:5 - Qullan Arunaka DC

⁵ Reyisti ukxarux sarakïnwa: —Nayan amtäwixax akhamawa: Janitix jumanakax uka samka amtasiyapkitäta, janitix uka samka qhanañchapkarakitätaxa, jumanakax jisk'a jisk'a tukjataw uñjasipxäta, utanakamasa t'unthapitarakïniwa.

Aymar Bibliia 1986

⁵ Reyisti ucjjarojj saraquïnwa: —Jichhasti nayan amtäwejjajj aqhamawa. Janitejj jumanacajj sapquitäta cuntejj samcascta uca uqhamaraqui janitejj uca samca khanañchapquitäta, ucapachasti jumanacajj jisc'a jisc'a tucjatäpjjätawa, utanacamasa mayjaru t'unthapitaraquïniwa.

Qullan Arunaca

⁵ Reyisti ucjjarojj saraquïnwa: —Jichhasti nayan amtäwejjajj aqhamawa. Janitejj jumanacajj sapquitäta cuntejj samcascta uca uqhamaraqui janitejj uca samca khanañchapquitäta, ucapachasti jumanacajj jisc'a jisc'a tucjatäpjjätawa, utanacamasa mayjaru t'unthapitaraquïniwa.

Daniel (hebreo) 2:5 Jak'a apnaqawi uñst'ayäwi

2 Reyes 10:27

Ukxarusti Baal diosan altarapampi, utapampi t'unjapxi, qhillapataruw tukuyapxarakïna, ukasti jichhürkamaw ukhamäski.

Esdras 6:11

“Arsuraktwa, khititix aka arsüwixar jan ist'kanixa, utapat mä viga lawa apaqasin ukar warkkatatäpan; utapasti q'ala tukjatarakïpan.

Salmos 50:22

Naya Diosat armasirinaka, sum ist'apxam, ukatarak q'al tukjasipkirisma; janirak khiti arxatirsa jikxatasisipkasma;

Salmos 58:7

7 (8) Ch'umarir umar uñtat chhaqtapxpan; takisit qurar uñtat pharsupxpan;

Daniel (hebreo) 2:12

Uk ist'asasti reyix walpun phiñasïna, ukat Babilonia uraqin utjir taqi yatiñani jaqinakar jan mayani jiwarayatäñapatak arsüna.

Daniel (hebreo) 3:29

Jichhasti nayax arstwa, khiti jaqitix aka waynanakan Diosap tuqi jan wali arunak parlkani ukax kharinuqatäpan, utapasa mayjaru t'unthapitarakïpan, khitïskpasa, kawki markankirïskpasa, kuna arut parlasirïskpasa; ukham qhispiyir yaqha diosax janiw utjkiti” sasa.

Daniel (hebreo) 4:9

9 (6) ‘Beltsasar, taqi yatir jaqinakan jilïripa, nayax yattwa qullan Diosan ajayupa jumar irpaskatapa, ukhamaraki taqi imantatanak uñt'atamsa. Jichhax kuntix samkaxan uñjkta ukanak ist'itaya, ukatsti uka samka qhanañcharakitaya.

Deuteronomio 13:16

16 (17) Uka markan taqpach qamir yänakapsti chika plazaruw phint'apxäta, ukatsti ninampiw markarux phichhantapxäta taqi kunanaktix uñisirimat aparanipkta ukanakamp chika, taqpach t'unjasina, ninampi phichhantasina, Tatit Diosamataki nakhantat luqtäkaspas ukhama. Uka markasti laqayanakar tukuyata, jan mayampitaki t'unjataw uñjasini, janirakiw mayamp sayt'ayatäkaniti.

Josué 6:26

Ukatsti Josué chachax aka juramento luräna: “Jericó marka wasitat sayt'ayañ munirix Tatitun axsarkay mutuyäwip katuqani. Tayna yuqall wawap apt'asiñ munirix, uta qallta qalanak jaquntpan, sullka yuqapan jakañap apt'añ munirix punkunak uskuntarakpan” sasa.

1 Samuel 15:33

Ukampis Samuelux sänwa: —Kunjämatix jumax espadamampi walja warminakar jan wawani uñjasiytaxa. Ukhamarakiw taykamax jupanakjam uñjasini —sasa. Guilgal chiqansti, Samuelux jan axsart'asaw Tatit nayraqatan Agag reyirux pusir kharinuqäna.