Daniel (hebreo) 2:41 - Qullan Arunaka DC

^41-42 “Juma reyisti uñjaraktawa, uka jach'a jaqin kayunakapax hierrompita, ñiq'impitänwa; ukasti qhip qhipa apnaqäwix payar t'aqxtatäniwa sañ muni. Marka apnaqäwix hierror uñtat ch'ullqhïniwa, ukampis ñiq'ir uñtat jan ch'amanirakïniwa.

Aymar Bibliia 1986

⁴¹ “Juma, jach'a reyisti, uñjaractawa uca jaken chicat cayunacapasa, uqhamaraqui cayu luc'ananacapasa ñek'eta luratänwa, chicatasti hierrot lurataraqui; ucajj sañ muni uca reinojj payaru jaljtayatäniwa, mä toketjja hierrjama ch'amanïcchini ucasa, jumasti uñjtawa uca hierrojj ñek'empi quittatänwa.

Qullan Arunaca

⁴¹ “Juma, jach'a reyisti, uñjaractawa uca jaken chicat cayunacapasa, uqhamaraqui cayu luc'ananacapasa ñek'eta luratänwa, chicatasti hierrot lurataraqui; ucajj sañ muni uca reinojj payaru jaljtayatäniwa, mä toketjja hierrjama ch'amanïcchini ucasa, jumasti uñjtawa uca hierrojj ñek'empi quittatänwa.

Daniel (hebreo) 2:41 Jak'a apnaqawi uñst'ayäwi

Daniel (hebreo) 2:40

Uka qhipatsti pusïri reyiw sartarakini, ukasti hierror uñtat ch'ullqhïniwa. Aka reyix yaqha reyinakaruw t'unjani, kunjämtix hierrox taqi kun t'unjki ukhama.

Daniel (hebreo) 7:24

Tunka waxranakasti tunka reyinakawa, aka uraqi apnaqapkani ukanakawa. Jupanak qhipatsti yaqha reyiw qunt'asini, nayrïri reyinakat sipansa mayjapunïniwa, uka reyisti kimsa reyinakaruw aynacht'ayani.

Daniel (hebreo) 7:7

“Nayax samkasiskakïyätwa, akatjamat pusïri laq'ur uñstanir uñjarakta. Ukasti sinti axsarkañapunïnwa, mulljaskaña, wali ch'amanirakïnwa. Laka ch'akhanakapasti wali jach'anaka hierrotkamakïnwa; manq'antasax taqi kun tukjarakïna, jilt'anaksti takisirakïnwa. Maya laq'unakat sipansa mayjapunïnwa, p'iqipansti tunka waxranïnwa.

Apocalipsis 12:3

Ukatsti yaqha chimpuw alaxpachan uñstarakïna: mä jach'a wila dragón animalaw uñstäna, ukasti paqallqu p'iqinïnwa, tunka waxran kuna, sapa p'iqirusti mä pillumpi asxatata.

Apocalipsis 13:1

Ukatsti axsarkañ mä jach'a animalar qutat mistur uñjta, ukasti paqallqu p'iqinïnwa tunka waxran kuna. Sapa waxrarusti mä pillunïnwa, p'iqinakapansti Diosar ñanqhachir jan wali sutinak qillqataw utjäna.

Apocalipsis 17:12

“Tunka waxranak uñjktas ukax, tunka reyinakawa, jupanakasti janïraw reyit utt'atäpkiti, ukampis mä juk'atakikiw reyi kankañ katuqapxani, uka jach'a axsarkañ animalamp chika.