Daniel (hebreo) 2:4 - Qullan Arunaka DC

⁴ Uka yatiñani jaqinakasti reyirux arameo arun sapxarakïna: —¡Jach'añchatäman rey! Munañan rey, nanaka luqtirimaru samkam yatiyapxita, nanakasti samkam qhanañchapxämawa —sasa.

Aymar Bibliia 1986

⁴ Uca yatiñani jakenacasti reyirojj sapjjaraquïnwa: —¡Juma, jach'a reyejj, wiñayataquiw jactajja! Jichhasti, jach'a rey, nanaca sirvirimaru uca samcamjja sapjjetaya, ucat nanacajj yatiyapjjäma cun sañtejj uca samcajj munqui ucjja —sasa.

Qullan Arunaca

⁴ Uca yatiñani jakenacasti reyirojj sapjjaraquïnwa: —¡Juma, jach'a reyejj, wiñayataquiw jactajja! Jichhasti, jach'a rey, nanaca sirvirimaru uca samcamjja sapjjetaya, ucat nanacajj yatiyapjjäma cun sañtejj uca samcajj munqui ucjja —sasa.

Daniel (hebreo) 2:4 Jak'a apnaqawi uñst'ayäwi

Génesis 31:47

Labanasti uka chiqarux arameo arupan “Jegar Sadutá” sutimpiw uchäna, Jacobusti hebreo arunxa “Galaad” sutimpiw ucharakïna.

Génesis 41:8

Ukampis qhipärmanthix wali llakt'ataw reyix sartasïna, ukatsti Egipto markankir yatirinakaru, yatiñani jaqinakaruw irptayanïna. Ukatsti faraonax uka samkanakap jupanakar yatiyasïna, ukampis janiw maynisa uka samkanak qhanañchirjamäpkänti.

1 Reyes 1:25

Jupax jichhürux uruyasiskiwa, urqu vacanaka, vaca qallunaka, walja ovejanak kharirayi. Juma, reyin yuqanakamaruw jawsayi, ejerciton Joab jilïripampiru, Abiatar sacerdotempiruw jawsayaraki. Ukan jupampi manq'asipki, umasipki, akham arnaqasipxaraki: “¡Adonías reyix jach'achatäpan!” sasa.

1 Reyes 1:31

Betsabé warmisti reyin nayraqatapan parapa uraqir puriyañkamaw alt'asïna, ukat jach'at sarakïna: —¡David reyixax wiñayatak jach'añchatäpan! —sasa.

2 Reyes 18:26

Ukxaruw Eliaquim, Sebná, Joah, chachanakax asirio oficialar sapxäna: —Achikt'asipxsmawa, arameo arutay parlapxita, nanakax yatipxtwa. Jan jumax hebreo arut parlapxistati, pirqa patankapki uka jaqinakax isch'ukisipkiwa —sasa.

Esdras 4:7

Uka qhipatsti, Artajerjes reyiw Persia mark apnaqarakïna. Apnaqäwip qalltkän ukkhaxa, Bislam, Mitrídates, Tabeel sat chachanakampi, mayni masinakapampixa, mä qillqat reyir qillqapxäna, uka qillqatasti arameo arut persa arur jaqukipatänwa.

Nehemías 2:3

ukat reyir sista: —¡Wiñayataki reyix jakpan! ¿Kamisarak jan llakitäyästi, kawkhantix awkinakaxan janchinakapax imantatäki uka markan tukjatätapata, punkunakapas ninamp nakhantayatätapatsti? —sasa.

Isaías 36:11

Eliaquim, Sebná, Joah ukanakax asirio oficialarux sapxarakïnwa: —Achikt'asipxsmawa, arameo arut parlt'apxita, nanakax uka arxa yatipxtwa. Hebreo arut jan parlxayapxistati, taqi khitinakatix pirqa patankapki ukanakax parlatas ist'apxiwa —sasa.

Isaías 44:25

Kuntix k'ari profetanakax parlapki ukanakxa janiw phuqhasiykti; uka yatiri jaqinakan amuyt'anakapsa chhaqtaytwa. Nayaw amuyt'ani jaqinakarux jupanakkam ch'axwayta, jupanakan yatiñanakapsa mä luqhi kankañar tukuyarakta.

Daniel (hebreo) 1:4

wali suma uñnaqt'ani waynanaka, jan kunansa kamacht'ata, ch'ikhinaka, suma yatichatanaka, taqi kunsa yatirinaka, reyin jach'a utapan luqtañatakis wakicht'atanaka. Jupanakar caldeonakan arupampi, qillqatanakapamp yatichayañataki.

Daniel (hebreo) 2:7

Yatiñan jaqinakasti wasitat reyir sapxäna: —Jach'a rey, uka samkam nanakar sapxita, nanakasti uka samkat qhanañchapxämawa —sasa.

Daniel (hebreo) 3:9

ukat sapxäna: —¡Munañan rey, wiñayatak jakam, sutimasti wiñay amtatarakïpan!

Daniel (hebreo) 4:19

19 (16) “ ‘Danielasti, khitirutix Beltsasar sas sutichapkarakïna ukax musphataw uñjasïna, kuna lup'ïwinakatix p'iqipar jutkäna ukampi wali mayjt'ataw uñjasirakïna. Ukampis naya, reyix jupar saraktwa: ‘Beltsasar, jan jumax samkaxat llakisimti, janirak qhanañchäwipatsa llakisimti’ sasa. Beltsasarasti ukxarux sarakituwa: ‘¡Munañan rey, kuntix uka samkax sañ munki ukanakax uñisirinakamxar wakt'pan!

Daniel (hebreo) 4:7

7 (4) Ukatsti, Babilonia markan utjiri yatir jaqinaka, yatirinaka, yatiñaninaka, warawaranak uñch'ukis yatirinakaw jutapxäna, ukat nayax jupanakar samkax yatiyasta, ukampis jupanakax janiw uk qhanañchirjamäpkänti.

Daniel (hebreo) 4:9

9 (6) ‘Beltsasar, taqi yatir jaqinakan jilïripa, nayax yattwa qullan Diosan ajayupa jumar irpaskatapa, ukhamaraki taqi imantatanak uñt'atamsa. Jichhax kuntix samkaxan uñjkta ukanak ist'itaya, ukatsti uka samka qhanañcharakitaya.

Daniel (hebreo) 5:10

Reyin taykapasti, yuqapana, ukhamaraki jawsayatanakan arnaqasitanakap ist'asinxa, manq'äwi jach'a utaruw mantawayäna, ukat reyir sarakïna: —Reyix wiñayatak jakpan. Jan juk'amp llakisimti, janirak axsarayasimsa,

Daniel (hebreo) 5:8

Ukampis yatiñani jaqinakasa, yatirinakasa janiw uka qillqat amuyt'irjamäpkänti, janirakiw reyirus ukxat qhanañchirjamäpkänti.

Daniel (hebreo) 6:21

21 (22) Danielasti sarakïnwa: —¡Juma jach'a reyix wiñayatakiw jaktaxa!

Daniel (hebreo) 6:6

6 (7) Ukat uñjirinakasa, marka apnaqirinakas jupanakkam arust'asisin Darío reyimp parliriw sarapxäna, juparusti sapxänwa: —¡Jach'a munañan reyix wiñayatak jakpan!

Daniel (hebreo) 6:7

7 (8) Taqpach jilïrinaka, aka marka apnaqirinakawa mä tantachasïwi lurapxi, uka tantachasïwinsti reyin mä arsüwi apsuñapatakiw amtapxi. Uka arsüwisti akhamäñapawa: Kimsa tunka urunxa janipun khitisa kuna diosarusa, kuna jaqirus yupaychpati, jan ukasti juma rey saparuki mayisitäpan. Khititix uka arsutaru jan phuqkani ukax, leonanakan putupar jaquntatäpan.

Mateo 21:9

Jesusan nayrapa, qhipap saririnakasti, akham sasaw art'apxäna: —¡David reyin Yuqapa, qhispiyapxita! ¡Qullanäpan Tatitun sutipar jutirixa! ¡Alaxpachankir Diosay, qhispiyapxita! —sasa.

1 Samuel 10:24

Samuelux taqiniruw jiskt'äna: —¿Jichhax kawkïrirutix Tatitux reyit ajlliski ukarux uñkatapxtati? ¡Janiw mä israelitas jupjamax utjkiti! —sasa. Israelitanakasti jach'at art'apxarakïna. —¡Jallalla reyi! —sasa.